ᠨᠢᠯᠬᠠ ᠲᠤᠭᠤᠯ ᠪᠠᠷᠰ ᠠᠴᠠ ᠠᠶᠤᠬᠤ ᠦᠭᠡᠢ ᠭᠡᠳᠡᠭᠴᠢᠯᠡᠨ᠂ ᠰᠤᠷᠬᠤ ᠨᠠᠰᠤᠨ ᠠᠴᠠ ᠡᠮᠤᠨᠡᠬᠢ ᠬᠡᠦᠬᠡᠳ | ᠬᠠᠮᠤᠭ ᠰᠡᠴᠡᠨ ᠰᠡᠷᠭᠦᠯᠡᠩ ᠪᠠᠶᠢᠵᠤ᠂ ᠶᠠᠭᠤᠨ ᠠᠴᠠ ᠴᠤ ᠠᠶᠤᠬᠤ ᠦᠭᠡᠢ ᠵᠤᠷᠢᠭᠳᠠᠢ ᠪᠠᠶᠢᠳᠠᠭ ᠃ ᠡᠶᠢᠮᠤ ᠠᠴᠠ | ᠬᠡᠦᠬᠡᠳ ᠢ ᠪᠠᠭᠠ ᠳᠤᠨᠢ ᠲᠤᠷᠠᠳᠠᠢ ᠶᠠᠭᠤᠮᠠ ᠪᠠᠷ ᠨᠢ ᠢᠯᠡᠭᠦᠦ ᠤᠷᠤᠯᠳᠤᠭᠤᠯᠤᠨ᠂ ᠲᠠᠷᠢᠬᠢ ᠶᠢ ᠨᠢ ᠤᠯᠠᠮ | ᠬᠦᠭᠵᠢᠭᠦᠯᠪᠡᠯ ᠵᠤᠬᠢᠨᠠ᠃ ᠭᠡᠳᠡᠯᠡ ᠵᠠᠷᠢᠮ ᠭᠡᠷ ᠤᠨ ᠠᠬᠠᠮᠠᠳ ᠶᠠᠭᠤ ᠨᠠᠭᠠᠳᠤᠭᠰᠠᠨ ᠴᠤ ᠠᠶᠤᠯ ᠲᠠᠢ ᠭᠡᠵᠤ | ᠬᠡᠦᠬᠡᠳ ᠤᠨ ᠢᠶᠠᠨ ᠨᠠᠭᠠᠳᠤᠮ ᠤᠨ ᠵᠦᠢᠯ ᠢ ᠬᠢᠵᠠᠭᠠᠷᠯᠠᠵᠤ ᠯᠡ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠬᠡᠯᠡᠯᠭᠡᠨ ᠦᠭᠡᠢ ᠬᠡᠦᠬᠡᠳ | ᠢᠶᠠᠨ ᠬᠠᠶᠢᠷᠠᠯᠠᠬᠤ ᠰᠡᠳᠬᠢᠴᠡ ᠠᠴᠠ ᠪᠤᠯᠵᠠᠢ᠃ ᠬᠡᠨ ᠴᠤ ᠭᠡᠰᠡᠨ ᠬᠡᠦᠬᠡᠳ ᠢᠶᠠᠨ ᠡᠷᠡᠭᠦᠯ ᠴᠢᠬᠢᠷᠠᠭ᠂ ᠠᠮᠤᠷ | ᠲᠦᠪᠰᠢᠨ ᠪᠠᠶᠢᠬᠤ ᠶᠢ ᠬᠦᠰᠡᠳᠡᠭ᠃ ᠭᠡᠳᠡᠯᠡ ᠭᠠᠭᠴᠬᠦ ᠠᠮᠤᠷ ᠲᠦᠪᠰᠢᠨ ᠤ ᠲᠦᠯᠦᠭᠡ ᠪᠤᠳᠤᠯᠬᠢᠯᠠᠭᠠᠳ | ᠬᠡᠦᠬᠡᠳ ᠤᠨ ᠢᠶᠠᠨ ᠤᠶᠤᠨ ᠢ ᠬᠦᠭᠵᠢᠭᠦᠯᠬᠦ ᠶᠢ ᠤᠮᠳᠤᠭᠠᠶᠢᠯᠠᠬᠤ ᠨᠢ ᠵᠤᠬᠢᠰ ᠦᠭᠡᠢ ᠭᠡᠵᠤ ᠪᠤᠳᠤᠵᠤ ᠪᠠᠶᠢᠨᠠ᠃ | | ᠮᠢᠨᠦ ᠦᠬᠢᠨ ᠴᠤ ᠠᠷᠠᠢ ᠭᠤᠷᠪᠠᠨ ᠤᠢ ᠪᠤᠯᠤᠭᠠ ᠦᠭᠡᠢ᠂ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠬᠤ ᠨᠠᠰᠤ ᠪᠤᠯᠤᠭᠠ | ᠦᠭᠡᠢ ᠪᠤᠯᠬᠤᠷ ᠭᠡᠷ ᠲᠤ ᠪᠠᠨ ᠲᠤᠭᠯᠠᠵᠤ ᠯᠡ ᠪᠠᠶᠢᠳᠠᠭ᠃ ᠦᠬᠢᠨ ᠪᠤᠯᠪᠠᠴᠤ ᠲᠤᠩ ᠠᠯᠢᠶᠠ᠂ ᠵᠠᠷᠢᠮ ᠳᠠᠭᠠᠨ | ᠠᠯᠢᠶᠠᠯᠠᠭᠠᠳ ᠠᠷᠭᠠ ᠠᠭᠠᠰᠢ ᠶᠢ ᠪᠠᠷᠠᠭᠳᠠᠭᠤᠯᠳᠠᠭ᠃ ᠰᠠᠶ᠋ᠢᠬᠠᠨ ᠴᠡᠪᠡᠷᠯᠡᠭᠰᠡᠨ ᠭᠡᠷ ᠲᠤ ᠨᠠᠭᠠᠳᠤᠮ ᠢᠶᠠᠨ | ᠲᠦᠭᠦᠷᠭᠡᠭᠡᠳ ᠬᠠᠶᠠᠴᠢᠬᠠᠨᠠ᠃ ᠲᠤᠯᠢᠨ ᠲᠡᠭᠡᠷᠡ ᠶᠠᠭᠤᠮᠠ ᠵᠢᠷᠤᠨᠠ᠂ ᠪᠠᠰᠠ ᠵᠠᠷᠢᠮ ᠳᠠᠭᠠᠨ ᠬᠡᠷᠡᠮ ᠬᠠᠨᠠ | ᠲᠠᠭᠡᠷᠡ ᠵᠢᠷᠤᠴᠢᠬᠠᠨᠠ᠃ ᠪᠦᠳᠦᠨ ᠪᠠᠶᠢᠭᠰᠠᠨ ᠨᠠᠭᠠᠳᠤᠮ ᠢᠶᠠᠨ ᠵᠠᠪᠠᠯ ᠡᠪᠳᠡᠯᠵᠤ ᠬᠠᠶᠠᠭᠠᠳ ᠲᠤᠳᠤᠷᠠ ᠨᠢ | ᠶᠠᠭᠤ ᠪᠠᠶᠢᠬᠤ ᠶᠢ ᠦᠵᠡᠨᠡ᠃ ᠵᠠᠷᠢᠮ ᠳᠠᠭᠠᠨ ᠲᠤᠮᠤ ᠬᠦᠮᠦᠰ ᠢ ᠲᠠᠭᠤᠷᠢᠶᠠᠵᠤ ᠱᠠᠯᠠ ᠪᠠᠨ ᠵᠦᠯᠭᠦᠵᠤ ᠪᠠᠶᠢᠨᠠ | ᠭᠡᠳ ᠨᠢᠭᠡᠮᠦᠰᠦᠨ ᠤᠰᠤ ᠠᠰᠬᠠᠵᠤ ᠬᠠᠯᠳᠠᠷ ᠡᠷᠢᠶᠡᠨ ᠪᠤᠯᠭᠠᠴᠢᠬᠠᠨᠠ᠃ ᠢᠩᠬᠢᠵᠤ ᠯᠡ ᠠᠯᠢᠶᠠᠯᠠᠵᠤ ᠲᠤᠭᠯᠠᠵᠤ | ᠨᠠᠭᠠᠳᠬᠤ ᠦᠶᠡᠰ᠂ ᠵᠠᠷᠢᠮ ᠳᠠᠭᠠᠨ ᠪᠢ ᠲᠤᠩᠠᠭᠤᠷᠯᠠᠵᠤ ᠤᠴᠠᠭᠠᠷᠯᠠᠳᠠᠭ᠃ ᠭᠡᠪᠡᠴᠤ ᠬᠡᠦᠬᠡᠳ ᠶᠤᠮ ᠴᠢᠨᠢ | ᠬᠡᠯᠡᠭᠡᠳ ᠪᠠᠷᠠᠪᠠᠯ ᠮᠠᠷᠳᠠᠴᠢᠬᠠᠨᠠ᠃ ᠤᠷᠴᠢᠮ ᠠᠴᠠ ᠦᠬᠢᠨ ᠮᠢᠨᠢ ᠬᠠᠷᠢᠨᠠᠯᠢᠶᠠᠯᠠᠬᠤ ᠨᠢ ᠵᠢᠭᠠᠬᠠᠨ ᠪᠠᠭᠠᠰᠴᠤ | ᠂ ᠡᠳᠦᠷᠵᠢᠨ ᠬᠠᠶᠢᠴᠢ ᠪᠠᠷᠢᠭᠠᠳ ᠬᠠᠶᠢᠴᠢᠯᠠᠳᠠᠭ ᠪᠤᠯᠤᠯᠠ᠃ ᠦᠪᠡᠷ ᠤᠨ ᠲᠤᠷᠠᠳᠠᠢ ᠵᠢᠷᠤᠭ ᠤᠨ ᠲᠡᠪᠳᠡᠷ ᠢᠶᠠᠨ | ᠴᠠᠭ ᠲᠠᠢ ᠯᠡ ᠪᠤᠯ ᠬᠠᠶᠢᠴᠢᠯᠠᠨᠠ᠃ ᠡᠬᠢᠨ ᠳᠡᠭᠡᠨ ᠲᠡᠶᠢᠮᠤ ᠰᠠᠶᠢᠬᠠᠨ ᠡᠪ ᠢ ᠨᠢ ᠤᠯᠬᠤ ᠦᠭᠡᠢ ᠪᠠᠶᠢᠭᠰᠠ᠂ | ᠭᠡᠪᠡᠴᠤ ᠬᠡᠳᠦᠨ ᠡᠳᠦᠷ ᠬᠠᠶᠢᠴᠢᠯᠠᠭᠠᠳ ᠢᠷᠡᠭᠰᠡᠨ ᠴᠢᠨᠢ ᠭᠤᠷᠪᠠᠨ ᠨᠠᠰᠤ ᠲᠠᠢ ᠬᠡᠦᠬᠡᠳ ᠬᠠᠶᠢᠴᠢᠯᠠᠯᠠ ᠭᠡᠵᠤ | ᠢᠳᠡᠭᠡᠮᠡᠷ ᠦᠭᠡᠢ ᠰᠠᠶᠢᠬᠠᠨ ᠬᠠᠶᠢᠴᠢᠯᠠᠬᠤ ᠪᠤᠯᠤᠯᠠ᠃ ᠤᠤᠯ ᠨᠢ ᠪᠢ ᠪᠠᠰᠠ ᠨᠢᠳᠤ ᠠᠮᠠ ᠪᠠᠨ ᠴᠢᠴᠢᠬᠦ | ᠡᠴᠠᠠᠶᠤᠵᠤ ᠬᠠᠶᠢᠴᠢ ᠪᠠᠷ ᠨᠠᠭᠠᠳᠬᠤ ᠶᠢ ᠨᠢ ᠡᠰᠡᠷᠭᠦᠴᠡᠳᠡᠭ ᠪᠠᠶᠢᠯᠠ᠃ ᠭᠡᠪᠡᠴᠤ ᠲᠤᠩ ᠰᠠᠶᠢᠬᠠᠨ | ᠬᠠᠶᠢᠴᠢᠯᠠᠭᠰᠠᠨ ᠵᠢᠷᠤᠭ ᠢ ᠨᠢ ᠦᠵᠡᠭᠡᠳ ᠬᠠᠷᠢᠨ ᠬᠠᠶᠢᠴᠢ ᠪᠠᠷᠢᠬᠤ ᠶᠢ ᠨᠢ ᠡᠰᠡᠷᠭᠦᠴᠡᠬᠦ ᠪᠠᠨ ᠪᠠᠶᠢᠯᠠ᠃ ᠴᠢᠯᠦᠭᠡ | ᠭᠠᠷᠪᠠᠯ ᠦᠩᠭᠡᠳᠤ ᠴᠠᠭᠠᠰᠤᠨ ᠲᠡᠭᠡᠷᠡ ᠶᠠᠭᠤᠮᠠ ᠵᠢᠷᠤᠭᠠᠳ ᠬᠠᠶᠢᠴᠢᠯᠠᠭᠤᠯᠳᠠᠭ ᠪᠤᠯᠤᠯᠠ᠃ ᠤᠳᠤ ᠪᠤᠳᠤᠬᠤ ᠳᠤ | ᠪᠢ ᠵᠦᠪᠬᠡᠨ ᠦᠬᠢᠨ ᠤ ᠪᠠᠨ ᠡᠷᠡᠭᠦᠯ ᠴᠢᠬᠢᠷᠠᠭ ᠢ ᠯᠡ ᠪᠤᠳᠤᠯᠬᠢᠯᠠᠭᠠᠳ᠂ ᠤᠶᠤᠨ ᠢ ᠨᠢ ᠬᠦᠭᠵᠢᠭᠦᠯᠬᠦ ᠶᠢ | ᠤᠮᠳᠤᠭᠠᠶᠢᠯᠠᠭᠰᠠᠨ ᠶᠤᠮ ᠪᠠᠶᠢᠨᠠ᠃ ᠡᠶᠢᠮᠤ ᠨᠢᠭᠡᠨ ᠵᠢᠱᠢᠶᠡ ᠪᠠᠶᠢᠳᠠᠭ᠂ ᠭᠠᠳᠠᠭᠠᠳᠤ ᠶᠢᠨ ᠨᠢᠭᠡᠨ ᠡᠷᠡ ᠡᠮᠡ | ᠬᠤᠶᠠᠭᠤᠯᠠ ᠰᠢᠨᠡ ᠭᠡᠷ ᠲᠤ ᠤᠷᠤᠭᠠᠳ ᠭᠡᠷ ᠢᠶᠠᠨ ᠲᠤᠩ ᠰᠠᠶᠢᠬᠠᠨ ᠵᠠᠰᠠᠵᠤ ᠴᠢᠮᠡᠭᠯᠡᠭᠰᠡᠨ ᠭᠡᠨᠡ᠃ ᠲᠡᠭᠡᠬᠦ ᠳᠤ | ᠪᠢᠴᠢᠬᠠᠨ ᠬᠡᠦᠬᠡᠳ ᠨᠢ ᠨᠠᠭᠠᠳᠴᠤ ᠪᠠᠶᠢᠭᠠᠳ ᠶᠡᠭᠡ ᠦᠨᠡ ᠲᠠᠢ ᠰᠢᠨᠡ ᠴᠤᠩᠬᠤᠨ ᠪᠦᠳᠡᠭᠡᠯᠭᠡ ᠶᠢ ᠨᠢ | ᠬᠠᠶᠢᠴᠢᠯᠠᠴᠢᠬᠠᠵᠠᠢ ᠭᠡᠨᠡ᠂ ᠲᠡᠭᠡᠭᠰᠡᠨ ᠴᠢᠨᠢ ᠲᠡᠳᠡ ᠬᠤᠶᠠᠭᠤᠯᠠ ᠠᠭᠤᠷᠯᠠᠭᠰᠠᠨ ᠦᠭᠡᠢ ᠮᠦᠷᠳᠡᠭᠡᠨ ᠬᠠᠷᠢᠨ ᠮᠢᠨᠤ | ᠬᠡᠦᠬᠡᠳ ᠬᠠᠶᠢᠴᠢ ᠪᠠᠷᠢᠭᠠᠳ ᠴᠢᠳᠠᠴᠢᠬᠠᠯᠠ ᠭᠡᠵᠤ ᠲᠤᠩ ᠪᠠᠶᠠᠷᠯᠠᠭᠰᠠᠨ ᠭᠡᠨᠡ᠃ ᠬᠡᠷᠪᠡ ᠪᠢᠳᠡ ᠪᠤᠯᠤᠭᠰᠠᠨ ᠪᠤᠯ | ᠶᠠᠭᠠᠬᠢᠳᠠᠭ ᠪᠤᠯ ᠳ᠋ᠠ︖ | ᠬᠡᠯᠡᠯᠭᠡᠨ ᠦᠭᠡᠢ ᠤᠳᠤ ᠶᠢᠨ ᠬᠡᠦᠬᠡᠳ ᠲᠤᠩ ᠰᠡᠴᠡᠨ ᠰᠡᠷᠭᠦᠯᠡᠩ᠂ ᠨᠢᠭᠡ ᠶᠢ ᠬᠡᠯᠡᠪᠡᠯ ᠬᠤᠶᠠᠷ ᠢ ᠮᠡᠳᠡᠳᠡᠭ | ᠃ ᠰᠢᠯᠦᠭ ᠢ ᠬᠡᠳᠦ ᠤᠳᠠᠭᠠ ᠲᠠᠭᠠᠵᠤ ᠤᠩᠰᠢᠪᠠᠯ ᠴᠡᠭᠡᠵᠢᠯᠡᠴᠢᠬᠡᠨᠡ᠂ ᠲᠠᠭᠤᠤ ᠶᠢ ᠬᠡᠳᠦ ᠰᠤᠨᠤᠰᠪᠠᠯ ᠲᠠᠭᠠᠭᠠᠳ | ᠲᠠᠭᠤᠯᠠᠴᠢᠬᠠᠨᠠ᠃ ᠠᠷᠪᠢᠨ ᠵᠦᠢᠯ ᠤᠨ ᠠᠮᠢᠳᠠᠨ ᠤ ᠵᠢᠷᠤᠭ ᠢ ᠦᠵᠡᠮᠡᠭᠴᠡ ᠨᠡᠷᠡ ᠶᠢ ᠨᠢ ᠬᠡᠯᠡᠴᠢᠬᠡᠨᠡ᠃ | ᠲᠦᠩᠭᠡᠵᠢ ᠤᠢ ᠬᠦᠷᠦᠮᠡᠭᠴᠡ ᠠᠷᠪᠠ ᠬᠦᠷᠳᠡᠯᠡ ᠲᠤᠭᠠᠯᠠᠭᠠᠳ ᠴᠢᠳᠠᠴᠢᠬᠠᠨᠠ᠃ ᠭᠡᠪᠡᠴᠤ ᠮᠢᠨᠤ ᠦᠵᠡᠬᠦ ᠪᠠᠷ | ᠬᠡᠦᠬᠡᠳ ᠵᠦᠪᠬᠡᠨ ᠡᠳᠡᠭᠡᠷ ᠢ ᠮᠡᠳᠡᠭᠡᠳ ᠪᠤᠯᠬᠤ ᠦᠭᠡᠢ᠃ ᠲᠡᠳᠡᠨ ᠤ ᠤᠶᠤᠨ ᠲᠠᠷᠢᠬᠢ ᠶᠢ ᠬᠦᠭᠵᠢᠭᠡᠶᠡ ᠭᠡᠪᠡᠯ | ᠭᠡᠷ ᠤᠨ ᠠᠬᠠᠮᠠᠳ ᠵᠤᠷᠢᠯᠭᠠ ᠲᠠᠢ ᠪᠠᠷ ᠡᠯᠡ ᠵᠦᠢᠯ ᠤᠨ ᠲᠤᠷᠠᠳᠠᠢ ᠨᠠᠭᠠᠳᠤᠮ ᠲᠤᠭᠯᠠᠭᠠᠮ ᠢᠶᠠᠷ ᠨᠢ ᠲᠠᠮᠵᠢᠨ | ᠲᠠᠯᠳᠠ ᠠᠴᠠ ᠵᠢᠭᠠᠨ ᠵᠢᠯᠤᠭᠤᠳᠬᠤ ᠴᠢᠬᠤᠯᠠ ᠲᠠᠢ᠃ ᠮᠢᠨᠤ ᠦᠵᠡᠬᠦ ᠪᠠᠷ ᠭᠠᠷ ᠢ ᠨᠢ ᠢᠯᠡᠭᠦᠤ ᠬᠦᠳᠡᠯᠭᠡᠪᠡᠯ | ᠤᠶᠤᠨ ᠢ ᠨᠢ ᠭᠦᠭᠵᠢᠭᠦᠯᠬᠦ ᠳᠤ ᠠᠰᠢᠭᠳᠠᠢ ᠭᠡᠵᠤ ᠦᠵᠡᠵᠤ ᠪᠠᠶᠢᠨᠠ᠃ ᠵᠢᠱᠢᠶᠡᠯᠡᠪᠡᠯ᠂ ᠵᠢᠷᠤᠭ ᠵᠢᠷᠤᠬᠤ᠂ | ᠬᠠᠶᠢᠴᠢᠯᠠᠮᠠᠯ ᠬᠠᠶᠢᠴᠢᠯᠠᠬᠤ ᠵᠡᠷᠭᠡ᠃ ᠬᠡᠦᠬᠡᠳ ᠵᠢᠷᠤᠬᠤ ᠪᠠ ᠬᠠᠶᠢᠴᠢᠯᠠᠬᠤ ᠲᠤᠮᠳᠠ ᠨᠢᠮᠪᠠᠢ ᠰᠡᠳᠬᠢᠵᠤ | ᠪᠤᠳᠤᠯᠬᠢᠯᠠᠳᠠᠭ ᠤᠴᠢᠷ ᠠᠴᠠ ᠰᠡᠳᠬᠢᠬᠦ ᠴᠢᠳᠠᠪᠦᠷᠢ ᠶᠢ ᠨᠢ ᠬᠦᠭᠵᠢᠭᠦᠯᠬᠦ ᠳᠤ ᠠᠰᠢᠭᠳᠠᠢ ᠪᠠᠶᠢᠳᠠᠭ᠃ ᠪᠠᠰᠠ | ᠦᠯᠢᠭᠡᠷ ᠶᠠᠷᠢᠵᠤ ᠦᠭᠴᠤ ᠪᠤᠯᠤᠨᠠ᠃ ᠡᠳᠦᠷ ᠪᠦᠷᠢ ᠰᠡᠯᠡᠭᠦᠤ ᠴᠠᠭ ᠢᠶᠠᠷ ᠢᠶᠠᠨ ᠨᠢᠭᠡ ᠦᠯᠢᠭᠡᠷ ᠶᠠᠷᠢᠵᠤ | ᠦᠭᠪᠡᠯ᠂ ᠬᠡᠦᠬᠡᠳ ᠤᠨ ᠲᠠᠷᠢᠬᠢᠨ ᠳᠤ ᠰᠠᠭᠤᠭᠳᠠᠯ ᠲᠠᠢ ᠪᠤᠯᠵᠤ᠂ ᠤᠳᠠᠭᠠᠨ ᠳᠠᠭᠠᠨ ᠦᠪᠡᠷ ᠢᠶᠠᠨ ᠶᠠᠷᠢᠭᠠᠳ | ᠰᠤᠷᠴᠢᠬᠠᠨᠠ᠃ ᠦᠩᠭᠡᠳᠤ ᠰᠢᠪᠠᠷ ᠢᠶᠠᠷ ᠦᠪᠡᠷ ᠤᠨ ᠲᠤᠷᠠᠳᠠᠢ ᠶᠠᠭᠤᠮᠠ ᠶᠢ ᠨᠢ ᠬᠢᠯᠭᠡᠵᠤ ᠪᠤᠯᠤᠨᠠ᠃ | ᠬᠡᠦᠬᠡᠳ ᠤᠨ ᠭᠠᠷ ᠢ ᠢᠯᠡᠭᠦᠦ ᠬᠦᠳᠡᠯᠭᠡᠬᠦ ᠨᠢ ᠶᠡᠭᠡ ᠲᠠᠷᠢᠬᠢᠨ ᠳᠤᠨᠢ ᠰᠢᠭᠤᠳ ᠰᠡᠳᠡᠯᠳᠡ ᠦᠭᠴᠤ᠂ ᠤᠯᠠᠮ | ᠰᠡᠴᠡᠨ ᠰᠡᠷᠭᠦᠯᠡᠩ ᠪᠤᠯᠭᠠᠳᠠᠭ᠃ | ᠵᠠᠷᠢᠮ ᠨᠢᠭᠡ ᠪᠦᠯᠦᠭ ᠭᠡᠷ ᠤᠨ ᠠᠬᠠᠮᠠᠳ ᠦᠪᠡᠷ ᠤᠨ ᠪᠡᠶᠡ ᠶᠢᠨ ᠢᠶᠠᠨ ᠠᠮᠤᠷ ᠢ ᠪᠤᠳᠤᠵᠤ ᠲᠧᠯᠸᠢᠰ | ᠦᠵᠡᠭᠦᠯᠵᠤ᠂ ᠺᠤᠮᠫᠢᠦ᠋ᠲ᠋ᠧᠷ ᠲᠤᠭᠯᠠᠭᠤᠯᠤᠨ᠂ ᠭᠠᠷ ᠤᠳᠠᠰᠤ ᠢᠶᠠᠨ ᠦᠭᠴᠤ ᠨᠠᠭᠠᠳᠤᠭᠤᠯᠳᠠᠭ᠃ ᠲᠡᠭᠡᠭᠡᠳ | ᠪᠠᠰᠠ ᠮᠠᠨᠠᠢ ᠬᠡᠦᠬᠡᠳ ᠶᠡᠭᠡ ᠰᠡᠷᠭᠦᠯᠡᠩ ᠰᠢᠤ᠂ ᠶᠠᠮᠠᠷ ᠶᠠᠮᠠᠷ ᠲᠤᠭᠯᠠᠭᠠᠮ ᠢ ᠨᠠᠭᠠᠳᠤᠭᠠᠳ ᠰᠤᠷᠴᠢᠬᠠᠯᠠ ᠭᠡᠵᠤ | ᠪᠤᠰᠤᠳ ᠲᠤ ᠭᠠᠶᠢᠬᠠᠭᠤᠯᠳᠠᠭ᠃ ᠮᠢᠨᠤ ᠦᠵᠡᠬᠦ ᠪᠠᠷ ᠡᠨᠡ ᠨᠢ ᠬᠡᠦᠬᠡᠳ ᠤᠨ ᠤᠶᠤᠨ ᠢ ᠬᠦᠭᠵᠢᠭᠦᠯᠬᠦ ᠳᠤ ᠵᠢᠭᠠᠬᠠᠨ | ᠴᠤ ᠠᠰᠢᠭ ᠦᠭᠡᠢ᠃ ᠲᠠᠬᠢᠭᠠᠳ ᠬᠡᠯᠡᠪᠡᠯ ᠡᠳᠡᠭᠡᠷ ᠶᠠᠭᠤᠮᠠ ᠨᠢ ᠪᠦᠷ ᠰᠠᠴᠤᠷᠠᠭ ᠡᠭᠦᠰᠬᠡᠵᠤ ᠬᠡᠦᠬᠡᠳ ᠤᠨ ᠪᠡᠶᠡ | ᠳᠤ ᠬᠤᠤᠷ ᠲᠠᠢ ᠭᠡᠳᠡᠭ ᠢ ᠪᠦᠷ ᠲᠤᠳᠤᠷᠬᠠᠢ ᠮᠡᠳᠡᠨᠡ᠃ ᠪᠠᠭᠠ ᠠᠴᠠ ᠪᠠᠨ ᠲᠧᠯᠸᠢᠰ ᠠᠷᠪᠢᠨᠦᠵᠡᠬᠦ ᠨᠢ | ᠬᠡᠦᠬᠡᠳ ᠤᠨ ᠨᠢᠳᠦᠨ ᠬᠠᠷᠠᠭᠠ ᠶᠢ ᠤᠨᠴᠠᠭᠠᠢ ᠮᠠᠭᠤ ᠪᠤᠯᠭᠠᠳᠠᠭ᠃ ᠵᠠᠷᠢᠮ ᠬᠦᠮᠦᠰ ᠨᠢ ᠬᠡᠦᠬᠡᠳ ᠢᠶᠠᠨ ᠰᠠᠨᠠᠵᠤ | ᠪᠠᠶᠢᠨᠠ ᠭᠡᠳ ᠶᠠᠭᠤ ᠨᠠᠭᠠᠳᠤᠨᠠ ᠭᠡᠪᠡᠯ ᠲᠡᠭᠦᠨ ᠢ ᠨᠢ ᠨᠠᠭᠠᠳᠤᠭᠤᠯᠳᠠᠭ᠃ ᠬᠡᠦᠬᠡᠳ ᠢᠶᠠᠨ ᠬᠡᠳᠦᠷᠬᠡᠢ ᠡᠷᠬᠡ ᠲᠤᠷᠠ | ᠪᠠᠷ ᠨᠢ ᠠᠭᠠᠰᠢᠯᠠᠭᠤᠯᠬᠤ ᠨᠢ ᠲᠡᠳᠡᠨ ᠢ ᠰᠠᠨᠠᠵᠤ ᠪᠠᠶᠢᠬᠤ ᠪᠢᠰᠢ ᠭᠡᠳᠡᠭ ᠢ ᠠᠩᠬᠠᠷᠬᠤ ᠶᠤᠰᠤᠳᠠᠢ᠃ ᠠᠵᠢᠯ | ᠬᠡᠳᠦᠢ ᠶᠠᠭᠠᠷᠠᠤ ᠪᠠᠶᠢᠭᠰᠠᠨ ᠴᠤ᠂ ᠠᠮᠢᠳᠤᠷᠠᠯ ᠬᠡᠴᠢᠨᠡᠭᠡᠨ ᠲᠠᠷᠤᠭᠠᠰᠤ ᠲᠠᠢ ᠪᠠᠶᠢᠭᠰᠠᠨ ᠴᠤ᠂ ᠦᠪᠡᠷ ᠤᠨ ᠴᠠᠭ | ᠠᠴᠠ ᠪᠠᠨ ᠡᠳᠦᠷ ᠪᠦᠷᠢ ᠵᠢᠭᠠᠬᠠᠨ ᠭᠠᠷᠤᠵᠠᠳᠠᠭᠤᠯᠵᠤ ᠬᠡᠦᠬᠡᠳ ᠲᠠᠢ ᠪᠠᠨ ᠲᠤᠭᠯᠠᠵᠤ᠂ ᠲᠡᠳᠡᠨ ᠳᠤ ᠲᠤᠷᠠᠳᠠᠢ | ᠵᠦᠢᠯ ᠢ ᠨᠢ ᠵᠢᠭᠠᠵᠤ ᠦᠭᠬᠦ ᠨᠢ ᠬᠠᠮᠤᠭ ᠴᠢᠬᠤᠯᠠ ᠭᠡᠵᠤ ᠪᠤᠳᠤᠵᠤ ᠪᠠᠶᠢᠨᠠ᠃ ᠬᠦᠮᠦᠨ ᠤ ᠲᠠᠷᠢᠬᠢ ᠬᠡᠷᠭᠯᠡᠬᠦ | ᠲᠤᠳᠤᠮ ᠬᠤᠷᠴᠠ ᠪᠤᠯᠳᠠᠭ᠃ ᠬᠡᠦᠬᠡᠳ ᠢᠶᠠᠨ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠨᠢ ᠲᠠᠷᠢᠬᠢ ᠪᠠᠨ ᠬᠦᠳᠡᠯᠭᠡᠬᠦ ᠰᠠᠶᠢᠬᠠᠨ | ᠲᠠᠳᠬᠠᠯ ᠲᠠᠢ ᠪᠤᠯᠭᠠᠶᠠ ᠃ ᠢᠩᠬᠢᠪᠡᠯ ᠲᠡᠳᠡᠨ ᠤ ᠡᠷᠡᠭᠦᠯ ᠴᠢᠬᠢᠷᠠᠭ ᠢᠶᠠᠷ ᠦᠰᠦᠨ ᠪᠤᠶᠢᠵᠢᠬᠤ ᠳᠤ ᠠᠰᠢᠭᠲᠠᠢ | ᠶᠤᠮ᠃ | | |