| | ᠮᠠᠨ ᠤ ᠠᠩᠬᠢ ᠳᠤ ᠳᠡᠭᠵᠢᠨ ᠭᠡᠳᠡᠭ ᠨᠡᠷᠡ ᠲᠠᠢ ᠠᠯᠢᠶᠠ ᠰᠢᠷᠠ ᠬᠦᠦ ᠪᠠᠶᠢᠳᠠᠭ ᠃ ᠲᠡᠭᠦᠨ ᠤ ᠲᠦᠢᠳᠬᠡᠷ | ᠭᠡᠳᠡᠭ ᠨᠢ ᠬᠡᠷᠡᠭ ᠡ ᠃ ᠠᠩᠬᠢ ᠶᠢᠨ ᠭᠡᠷ ᠲᠤ ᠲᠡᠷᠡ ᠪᠠᠶᠢᠳᠠᠭ ᠯᠠ ᠶᠤᠮ ᠪᠣᠯ ᠦᠢᠮᠡᠭᠡᠨ ᠱᠤᠤᠭᠢᠶᠠᠨ ᠲᠠᠰᠤᠷᠠᠬᠤ | ᠦᠭᠡᠢ ᠭᠡᠵᠦ ᠮᠡᠳᠡ ᠃ ᠡᠴᠡᠩᠬᠡᠢ ᠴᠢᠷᠠᠢ ᠨᠢ ᠡᠷᠡᠦ ᠪᠠᠷ ᠢᠶᠠᠨ ᠱᠣᠪᠲᠤᠶᠢᠭᠠᠳ ᠶᠠᠭ ᠯᠠ ᠲᠣᠭᠠᠨ ᠤ ᠤᠬᠠᠭᠠᠨ ᠤ | ᠪᠠᠭᠰᠢ ᠶᠢᠨ ᠬᠡᠷᠡᠭᠯᠡᠳᠡᠭ ᠭᠤᠷᠪᠠᠯᠵᠢᠨ ᠬᠠᠪᠲᠠᠰᠤ ᠶᠢ ᠳᠣᠷᠤᠭᠰᠢ ᠬᠠᠨᠲᠤᠭᠤᠯᠤᠨ ᠲᠠᠯᠪᠢᠭᠰᠠᠨ ᠰᠢᠭ᠋ ᠬᠠᠷᠠᠭᠳᠠᠳᠠᠭ ᠃ | ᠦᠰᠦ ᠨᠢ ᠪᠣᠷᠵᠠᠶᠢᠭᠠᠳ ᠂ ᠬᠠᠯᠲᠠᠷ ᠰᠢᠷᠠ ᠨᠢᠭᠤᠷ ᠢᠶᠠᠨ ᠪᠠᠷᠤᠭ ᠯᠠ ᠤᠭᠢᠶᠠᠳᠠᠭ ᠦᠭᠡᠢ ᠪᠠᠶᠢᠬᠠ ᠂ ᠬᠠᠶᠠ | ᠳᠠᠭᠠᠨ ᠪᠦᠮᠪᠦᠭᠡ ᠲᠣᠭᠯᠠᠭᠠᠳ ᠪᠣᠴᠠᠭᠠᠳ ᠢᠷᠡᠪᠡᠯ ᠵᠣᠩᠭᠠᠭ ᠬᠦᠯᠦᠰᠦ ᠨᠢ ᠬᠠᠴᠠᠷ ᠨᠢᠭᠤᠷ ᠢᠶᠠᠷ ᠨᠢ ᠵᠠᠮ ᠴᠣᠪᠤᠭᠠ | ᠳᠠᠲᠠᠭᠤᠯᠤᠨ ᠤᠷᠤᠰᠴᠤ ᠂ ᠳᠡᠪᠡᠯ ᠢᠶᠠᠨ ᠵᠠᠳᠠᠭᠠᠢ ᠨᠦᠮᠦᠷᠴᠦ ᠂ ᠶᠡᠭᠡ ᠳᠠᠭᠤ ᠪᠠᠷ ᠬᠠᠰᠬᠢᠷᠴᠤ ᠂ ᠲᠣᠭᠯᠠᠨ | ᠭᠦᠶᠦᠭᠰᠡᠭᠡᠷ ᠠᠩᠬᠢ ᠶᠢᠨ ᠭᠡᠷ ᠲᠤ ᠣᠷᠤᠵᠤ ᠢᠷᠡᠭᠡᠳ ᠡᠮᠡᠭᠳᠡᠢ ᠰᠤᠷᠤᠭᠴᠢ ᠶᠢ ᠨᠢᠭᠡ ᠵᠡᠷᠭᠡ ᠦᠢᠮᠡᠭᠦᠯᠵᠦ | ᠣᠷᠬᠢᠳᠠᠭ ᠃ ᠬᠢᠴᠢᠶᠡᠯ ᠳᠡᠭᠡᠷᠡ ᠴᠤ ᠣᠪ ᠲᠠᠢ ᠰᠠᠶᠢᠬᠠᠨ ᠰᠠᠭᠤᠵᠤ ᠴᠢᠳᠠᠬᠤ ᠦᠭᠡᠢ ᠂ ᠪᠠᠭᠰᠢ ᠶᠢᠨ | ᠠᠰᠠᠭᠤᠭᠰᠠᠨ ᠠᠰᠠᠭᠤᠯᠲᠠ ᠶᠢ ᠴᠤ ᠶᠦᠮᠦᠷᠯᠢᠭ ᠱᠣᠭᠲᠠᠢ ᠬᠠᠷᠢᠭᠤᠯᠤᠭᠠᠳ ᠣᠯᠠᠨ ᠢ ᠢᠨᠢᠶᠡᠯᠭᠡᠵᠦ ᠣᠷᠭᠢᠳᠠᠭ ᠃ | ᠬᠠᠯᠲᠠᠷ ᠴᠢᠷᠠᠢ ᠲᠠᠢ ᠂ ᠠᠷᠢᠭᠤᠨ ᠴᠡᠪᠡᠷ ᠢ ᠡᠷᠬᠢᠮᠯᠡᠳᠡᠭ ᠦᠭᠡᠢ ᠪᠣᠯᠬᠤᠷ ᠮᠠᠨ ᠤ ᠠᠩᠬᠢ ᠶᠢᠨ ᠬᠢᠨ ᠲᠡᠭᠦᠨ ᠢ | ᠳᠣᠣᠷᠠᠰᠢᠶᠠᠵᠤ ᠦᠵᠡᠬᠦ ᠨᠢ ᠣᠯᠠᠨ ᠪᠠᠶᠢᠳᠠᠭ ᠃ ᠦᠨᠦᠳᠦᠷ ᠣᠷᠤ ᠪᠠᠨ ᠬᠤᠷᠢᠶᠠᠬᠤ ᠪᠠᠨ ᠮᠠᠷᠲᠠᠵᠤ ᠠᠩᠬᠢ ᠶᠢᠨ | ᠬᠤᠪᠢ ᠶᠢ ᠬᠠᠰᠤᠭᠤᠯᠬᠤ ᠦᠭᠡᠢ ᠪᠣᠯ ᠮᠠᠷᠭᠠᠰᠢ ᠪᠦᠮᠪᠦᠭᠡ ᠢᠰᠬᠦᠯᠵᠦ ᠴᠣᠩᠬᠤᠨ ᠰᠢᠯ ᠬᠠᠭᠠᠯᠤᠭᠠᠳ ᠪᠠᠭᠰᠢ ᠳᠤ | ᠵᠠᠩᠨᠠᠭᠤᠯᠤᠨᠠ ᠃ ᠲᠡᠭᠦᠨ ᠤ ᠦᠯᠢᠭᠡᠷ ᠢ ᠠᠯᠢ ᠶᠢ ᠨᠢ ᠬᠡᠯᠡᠭᠡᠳ ᠪᠠᠷᠠᠬᠤ ᠪᠣᠢ ᠳ᠋ᠠ ᠃ ᠲᠡᠶᠢᠮᠦ ᠠᠴᠠ ᠪᠢᠳᠡ ᠂ | ︽ ᠡᠨᠡ ᠠᠮᠢᠲᠠᠨ ᠢ ᠮᠠᠨ ᠤ ᠪᠠᠭᠰᠢ ᠬᠥᠭᠡᠭᠡᠭᠡᠳ ᠶᠠᠪᠤᠭᠤᠯᠴᠢᠬᠠᠳᠠᠭ ᠴᠤ ᠪᠣᠯᠤᠰᠤᠭᠠᠢ ᠂ ᠠᠯᠢ ᠡᠰᠡᠭᠦᠯᠡ | ᠥᠭᠡᠷᠡ ᠠᠩᠬᠢ ᠳᠤ ᠦᠯᠳᠡᠭᠡᠳ ᠶᠠᠪᠤᠭᠤᠯᠴᠢᠬᠠᠪᠠᠯ ᠮᠠᠨ ᠤ ᠠᠩᠬᠢ ᠲᠠᠶᠢᠪᠤᠭᠤᠨ ᠰᠠᠶᠢᠬᠠᠨ ᠪᠣᠯᠤᠨᠠ︾ ᠭᠡᠵᠦ | ᠪᠣᠳᠤᠵᠠᠭᠠᠳᠠᠭ ᠪᠢᠯᠡ ᠃ | ᠭᠡᠪᠡᠴᠤ ᠳᠡᠭᠵᠢᠨ ᠪᠠᠰᠠ ᠠᠩᠬᠢ ᠳᠠᠭᠠᠨ ᠢᠷᠡᠭᠤ ᠠᠯᠳᠠᠷ ᠢ ᠠᠪᠴᠢᠷᠠᠭᠰᠠᠨ ᠤᠳᠠᠭᠠ ᠲᠠᠢ ᠃ ᠨᠢᠭᠡ | ᠤᠳᠠᠭᠠᠨ ᠤ ᠰᠤᠷᠭᠠᠭᠤᠯᠢ ᠶᠢᠨ ᠲᠣᠭᠠᠨ ᠤ ᠤᠬᠠᠭᠠᠨ ᠤ ᠤᠷᠤᠯᠳᠤᠭᠠᠨ ᠳᠤ ᠲᠡᠷᠡ ᠮᠠᠨ ᠤ ᠠᠩᠬᠢ ᠪᠠᠨ | ᠲᠦᠯᠦᠭᠡᠯᠡᠵᠦ ᠣᠷᠤᠯᠴᠠᠭᠠᠳ ᠬᠤᠶᠠᠳᠤᠭᠠᠷ ᠳᠡᠰ ᠲᠤ ᠣᠷᠤᠭᠠᠳ ᠪᠢᠳᠡᠨ ᠢ ᠬᠠᠭᠠ ᠪᠠᠶᠠᠷᠯᠠᠭᠤᠯᠤᠭᠰᠠᠨ ᠪᠢᠯᠡ ᠃ | ᠶᠡᠷᠦ ᠨᠢ ᠪᠠᠰᠠ ᠬᠠᠴᠢᠨ ᠶᠤᠮ ᠂ ᠲᠡᠷᠡ ᠨᠣᠮᠤᠬᠠᠨ ᠰᠠᠭᠤᠵᠤ ᠰᠤᠷᠤᠯᠴᠠᠵᠤ ᠳᠡᠶᠢᠯᠬᠦ ᠦᠭᠡᠢ ᠴᠤ ᠪᠢᠳᠡᠨ ᠤ | ᠪᠣᠳᠤᠵᠤ ᠴᠢᠳᠠᠳᠠᠭ ᠦᠭᠡᠢ ᠬᠦᠴᠢᠷ ᠰᠡᠳᠤᠪ ᠢ ᠳᠠᠩᠳᠠ ᠵᠥᠪ ᠬᠢᠳᠡᠭ ᠶᠤᠮ ᠃ ᠳᠡᠭᠡᠭᠰᠡᠭᠡᠷ ᠪᠠᠭᠰᠢ ᠳᠡᠭᠵᠢᠨ ᠢ | ᠮᠠᠭᠲᠠᠬᠤ ᠳᠤ ᠰᠠᠷᠪᠠᠭᠠᠷ ᠲᠣᠯᠤᠭᠠᠢ ᠪᠠᠨ ᠳᠣᠩᠬᠤᠯᠵᠠᠭᠤᠯᠤᠨ ᠢᠨᠢᠶᠡᠳᠡᠭ᠃ ᠪᠢᠳᠡ ᠪᠦᠭᠦᠳᠡᠭᠡᠷ ᠢᠶᠠᠨ ᠲᠡᠭᠦᠨ ᠤ | ᠣᠪᠤᠷ ᠦᠭᠡᠢ ᠪᠠᠶᠢᠳᠠᠯ ᠢ ᠬᠠᠷᠠᠵᠤ ᠪᠠᠶᠢᠭᠰᠠᠭᠠᠷ ᠲᠡᠰᠬᠡᠯ ᠦᠭᠡᠢ ᠢᠨᠢᠶᠡᠯᠴᠡᠳᠡᠭ ᠃ ᠪᠢᠳᠡ ᠬᠡᠴᠢᠨᠡᠬᠡᠨ ᠣᠯᠠᠨ | ᠰᠠᠶᠢᠨ ᠶᠠᠪᠤᠳᠠᠯ ᠬᠢᠭᠰᠡᠨ ᠴᠤ ᠪᠠᠭᠰᠢ ᠮᠠᠨᠤᠰ ᠢ ᠮᠠᠭᠲᠠᠬᠤ ᠨᠢ ᠴᠦᠬᠡᠨ ᠰᠠᠨᠠᠭᠳᠠᠵᠤ ᠂ ᠳᠡᠭᠵᠢᠨ ᠭᠠᠭᠴᠠᠬᠠᠨ | ᠰᠠᠶᠢᠨ ᠶᠠᠪᠤᠳᠠᠯ ᠬᠢᠭᠰᠡᠭᠡᠷ ᠪᠠᠭᠰᠢ ᠣᠯᠵᠤ ᠬᠠᠷᠠᠭᠠᠳ ᠮᠠᠭᠲᠠᠨᠠ ᠃ ᠲᠡᠭᠦᠨ ᠢ ᠳᠡᠩᠳᠡᠭᠦᠦ ᠡᠷᠭᠦᠵᠦ ᠪᠠᠶᠢᠨᠠ ᠭᠡᠵᠦ | ᠪᠢᠳᠡ ᠬᠠᠶᠠ ᠪᠠᠭᠰᠢ ᠳᠠᠭᠠᠨ ᠭᠤᠮᠤᠳᠠᠳᠠᠭ ᠶᠤᠮ ᠃ ᠡᠮᠦᠨᠡᠬᠡᠨ ᠲᠡᠷᠡ ᠬᠠᠶᠠᠭᠳᠠᠮᠠᠯ ᠴᠠᠭᠠᠰᠤᠨ ᠬᠠᠶᠢᠷᠴᠠᠭ ᠢᠶᠠᠷ | ᠬᠤᠭ ᠤᠨ ᠰᠠᠪᠠ ᠵᠣᠬᠢᠶᠠᠭᠰᠠᠨ ᠴᠢᠨᠢ ᠮᠠᠨ ᠤ ᠪᠠᠭᠰᠢ ᠲᠡᠭᠦᠨ ᠢ ︽ ᠠᠩᠬᠢ ᠶᠢᠨ ᠭᠡᠷ ᠤᠨ ᠬᠤᠭ ᠨᠣᠪᠰᠢ ᠶᠢ | ᠲᠡᠭᠦᠵᠦ ᠴᠤᠭᠯᠠᠭᠤᠯᠬᠤ ᠳᠤ ᠳᠦᠭᠦᠮ ᠪᠣᠯᠤᠯᠠ︾ ᠭᠡᠵᠦ ᠶᠡᠭᠡ ᠯᠠ ᠰᠠᠶᠢᠰᠢᠶᠠᠭᠰᠠᠨ ᠪᠦᠭᠡᠳ ᠡᠭᠦᠨ ᠢ ᠨᠢ | ᠮᠠᠭᠲᠠᠭᠠᠯ ᠤᠨ ᠰᠠᠮᠪᠠᠷᠠ ᠳᠤ ᠲᠡᠮᠲᠡᠭᠯᠡᠵᠦ ᠂ ᠬᠤᠭᠤᠴᠠᠭᠠᠨ ᠡᠴᠦᠰ ᠲᠤ ᠲᠡᠭᠦᠨ ᠳᠤ ᠪᠠᠰᠠ ᠬᠦᠬᠢᠭᠦᠯᠦᠯ ᠣᠯᠭᠤᠬᠤ | ᠶᠤᠮ ᠭᠡᠨᠡ ᠃ ︽ ᠪᠠᠭᠰᠢ ᠲᠡᠭᠦᠨ ᠳᠤ ᠳᠡᠩᠳᠡᠭᠦᠦ ᠰᠠᠶᠢᠨ ᠬᠠᠨᠲᠤᠵᠤ ᠪᠠᠶᠢᠨᠠ ᠃ ᠡᠨᠡ ᠵᠢᠭᠠᠬᠠᠨ ᠶᠠᠪᠤᠳᠠᠯ ᠢ | ᠬᠡᠨ ᠨᠢ ᠬᠢᠵᠦ ᠴᠢᠳᠠᠬᠤ ᠦᠭᠡᠢ ᠶᠤᠮ ᠪᠣᠢ ︖︾ ᠭᠡᠵᠦ ᠪᠢᠳᠡ ᠬᠤᠭᠤᠷᠤᠨᠳᠤ ᠪᠠᠨ ᠶᠠᠷᠢᠯᠠ ᠃ | ᠭᠠᠷᠠᠭ ᠤᠨ ᠨᠢᠭᠡᠨ ᠤ ᠥᠷᠯᠥᠭᠡ ᠳᠡᠭᠵᠢᠨ ᠰᠤᠷᠭᠠᠭᠤᠯᠢ ᠳᠠᠭᠠᠨ ᠢᠷᠡᠭᠰᠡᠨ ᠦᠭᠡᠢ ᠃ ︽ ᠳᠠᠪᠠᠭᠤ ᠴᠤ | ᠪᠣᠯᠤᠯᠠ ᠂ ᠲᠦᠢᠳᠬᠡᠷ ᠠᠮᠢᠲᠠᠨ ᠠᠯᠠᠭᠠ ᠪᠣᠯᠤᠭᠰᠠᠨ ᠴᠢᠨᠢ ᠪᠢᠳᠡ ᠠᠮᠤᠷ ᠰᠡᠯᠡᠭᠦᠦ ᠪᠣᠯᠵᠠᠢ ᠳ᠋ᠠ︾ ᠭᠡᠵᠦ ᠪᠢ | ᠳᠣᠲᠤᠷᠠ ᠪᠠᠨ ᠰᠡᠮ ᠪᠠᠶᠠᠷᠯᠠᠯᠠ ᠃ ᠠᠩᠬᠢ ᠶᠢᠨ ᠭᠡᠷ ᠦᠨᠡᠬᠡᠷ ᠢᠯᠢᠮ ᠵᠢᠯᠢᠮ ᠪᠣᠯᠴᠢᠬᠠᠵᠠᠢ ᠃ ᠲᠣᠭᠠᠨ ᠤ | ᠤᠬᠠᠭᠠᠨ ᠤ ᠬᠢᠴᠢᠶᠡᠯ ᠪᠣᠯᠤᠯᠠ ᠃ ᠪᠢᠳᠡ ᠳᠣᠮᠪᠤᠶᠢᠵᠤ ᠰᠠᠭᠤᠭᠠᠳ ᠬᠢᠴᠢᠶᠡᠯ ᠢᠶᠠᠨ ᠰᠣᠨᠤᠰᠴᠤ ᠂ ᠪᠠᠭᠰᠢ ᠨᠢᠭᠡ | ᠠᠰᠠᠭᠤᠪᠠᠯ ᠪᠢᠳᠡᠨ ᠤ ᠳᠤᠮᠳᠠ ᠠᠴᠠ ᠬᠡᠨ ᠨᠢᠭᠡ ᠨᠢ ᠪᠣᠰᠴᠤ ᠵᠣᠭᠰᠤᠭᠠᠳ ᠬᠠᠷᠢᠭᠤᠯᠤᠨᠠ ᠃ ᠪᠠᠭᠰᠢ ᠮᠠᠨᠤᠰ ᠢᠶᠠᠷ | ᠦᠭᠦᠯᠡᠪᠦᠷᠢ ᠰᠡᠳᠦᠪ ᠪᠣᠳᠤᠭᠤᠯᠤᠭᠰᠠᠨ ᠴᠢᠨᠢ ᠬᠡᠨ ᠨᠢ ᠴᠤ ᠪᠦᠷᠢᠨ ᠵᠥᠪ ᠪᠣᠳᠤᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠃ ︽ | ᠳᠡᠭᠵᠢᠨ ᠪᠠᠶᠢᠭᠰᠠᠨ ᠪᠣᠯ ᠳ᠋ᠠ︾ ᠭᠡᠵᠦ ᠮᠢᠨᠦ ᠬᠠᠵᠠᠭᠤ ᠶᠢᠨ ᠰᠢᠷᠡᠭᠡᠨ ᠤ ᠨᠠᠰᠤᠲᠤ ᠳᠦᠳᠦᠨᠡᠨᠡ ᠃ ᠠᠩᠬᠢ ᠶᠢᠨ | ᠭᠡᠷ ᠲᠤ ᠦᠨᠡᠬᠡᠷ ᠳᠡᠭᠵᠢᠨ ᠢ ᠪᠠᠶᠢᠬᠤ ᠦᠶᠡ ᠶᠢᠨ ᠬᠢ ᠰᠢᠭ ᠢᠨᠢᠶᠡᠲᠦ ᠬᠠᠨᠢᠶᠠᠲᠤ ᠳᠤᠲᠠᠭᠳᠠᠭᠰᠠᠨ ᠰᠢᠭ᠋ ᠪᠣᠯᠵᠠᠢ ᠃ | ᠬᠡᠯᠡ ᠪᠢᠴᠢᠭ ᠤᠨ ᠬᠢᠴᠢᠶᠡᠯ ᠳᠤ ᠪᠠᠭᠰᠢ ᠮᠠᠨᠤᠰ ᠢᠶᠠᠷ ︽ ᠬᠦᠯᠦᠭ ᠰᠢᠨᠵᠢᠭᠡᠴᠢ ᠨᠢᠰᠤᠩᠬᠠᠢ ᠵᠢᠭᠠᠯ︾ ᠤᠨ | ᠦᠯᠢᠭᠡᠷ ᠢ ᠶᠠᠷᠢᠭᠤᠯᠤᠭᠰᠠᠨ ᠴᠢᠨᠢ ᠮᠠᠨ ᠤ ᠬᠢᠨ ᠤ ᠠᠮᠠᠨ ᠠᠴᠠ ᠠᠯᠲᠠ ᠣᠨᠠᠵᠤ ᠪᠠᠶᠢᠮᠠᠷ ᠠᠳᠡ ᠳᠡᠨᠳᠡ ᠡᠭᠡᠷᠡᠨ | ᠲᠡᠭᠡᠷᠡᠨ ᠶᠡᠷᠢᠭᠠᠳ ᠣᠯᠢᠭ ᠲᠠᠢ ᠶᠠᠷᠢᠵᠤ ᠴᠢᠳᠠᠭᠰᠠᠨ ᠬᠥᠮᠦᠨ ᠨᠢᠭᠡ ᠴᠤ ᠦᠭᠡᠢ ᠃ ᠪᠠᠭᠰᠢ ᠲᠡᠭᠡᠬᠦ ᠳᠤ | ᠮᠠᠨᠤᠰ ᠲᠤ ᠬᠠᠨᠲᠤᠵᠤ ᠄ | —ᠬᠢᠴᠢᠶᠡᠯ ᠤᠨ ᠠᠭᠤᠷ ᠠᠮᠢᠰᠬᠤᠯ ᠬᠦᠭᠵᠢᠶᠡᠨ ᠨᠠᠷᠭᠢᠶᠠᠨ ᠦᠭᠡᠢ ᠪᠠᠶᠢᠨᠠ ᠃ ᠲᠠᠨᠤᠰ ᠴᠢᠨᠢ | ᠶᠠᠭᠠᠬᠢᠴᠢᠬᠠᠪᠠ ︖ ᠭᠡᠬᠦ ᠶᠤᠮ ᠃ | ᠬᠢᠴᠢᠶᠡᠯ ᠤᠨ ᠵᠠᠪᠰᠠᠷ ᠲᠤ ᠴᠤ ᠤᠶᠢᠮᠡᠯᠳᠤᠵᠤ ᠱᠣᠣᠭᠢᠬᠤ ᠪᠠᠨ ᠪᠣᠯᠢᠵᠠᠢ ᠃ ᠨᠦᠬᠦᠳ ᠪᠦᠷ ᠯᠠ ᠳᠡᠭᠵᠢᠨ ᠢ | ᠦᠭᠡᠶᠢᠯᠡᠵᠦ ᠪᠠᠶᠢᠯᠠ ᠃ ᠲᠡᠷᠡ ᠲᠠᠭᠰᠢᠭᠤᠷ ᠲᠤ ᠨᠡᠷᠪᠡᠭᠳᠡᠭᠡᠳ ᠡᠮᠨᠡᠯᠭᠡ ᠳᠤ ᠰᠠᠭᠤᠭᠰᠠᠨ ᠶᠤᠮ ᠭᠡᠨᠡ ᠃ | ᠬᠡᠯᠡᠪᠡᠴᠦ ᠮᠢᠨᠦ ᠳᠣᠲᠤᠷᠠ ᠶᠠᠭ ᠨᠢᠭᠡ ᠶᠠᠭᠤᠮᠠ ᠳᠤᠲᠠᠭᠳᠠᠭᠰᠠᠨ ᠰᠢᠭ᠋ ᠪᠣᠯᠴᠢᠬᠠᠵᠠᠢ ᠃ ︽ ᠨᠢᠰᠤᠩᠬᠠᠢ ᠪᠣᠵᠠᠷ | ︾ ᠭᠡᠵᠦ ᠪᠢ ᠴᠤ ᠳᠡᠭᠵᠢᠨ ᠢ ᠳᠠᠩᠳᠠ ᠳᠣᠣᠷᠠ ᠦᠵᠡᠳᠡᠭ ᠪᠠᠶᠢᠭᠰᠠᠨ ᠰᠢᠦ ᠃ | ᠳᠡᠭᠵᠢᠨ ᠵᠠᠯᠭᠠᠭᠠᠳ ᠬᠡᠳᠦᠨ ᠡᠳᠦᠷ ᠬᠢᠴᠢᠶᠡᠯ ᠰᠠᠭᠠᠲᠠᠯᠠ ᠃ ᠮᠠᠨ ᠤ ᠠᠩᠬᠢ ᠬᠦᠭᠵᠢᠶᠡᠨ ᠨᠠᠷᠭᠢᠶᠠᠨ | ᠦᠭᠡᠢ ᠬᠡᠳᠦᠨ ᠡᠳᠦᠷ ᠬᠢᠴᠢᠶᠡᠯᠯᠡᠯᠡ ᠃ ᠪᠢᠳᠡ ᠪᠦᠭᠦᠳᠡᠭᠡᠷ ᠢᠶᠠᠨ ᠳᠡᠭᠵᠢᠨ ᠢᠶᠠᠨ ᠦᠭᠡᠶᠢᠯᠡᠬᠦ ᠪᠣᠯᠤᠯᠠ ᠃ ᠲᠡᠷᠡ | ︽ ᠲᠦᠢᠳᠬᠡᠷ ᠠᠮᠢᠲᠠᠨ︾ ᠢᠷᠡᠬᠦ ᠦᠭᠡᠢ ᠶᠤᠮ ᠪᠣᠯ ᠮᠠᠨ ᠤ ᠠᠩᠬᠢ ᠬᠦᠭᠵᠢᠶᠡᠨ ᠨᠠᠷᠭᠢᠶᠠᠨ ᠢᠶᠠᠷ | ᠬᠤᠮᠰᠠᠴᠢᠬᠠᠭᠠᠳ ᠯᠠ ᠪᠠᠶᠢᠬᠤ ᠶᠤᠮ ᠃ | ᠬᠠᠨᠢ ᠨᠦᠬᠦᠳ ᠠᠴᠠ ᠮᠠᠨᠢ ᠬᠡᠨ ᠨᠢ ᠴᠤ ᠳᠤᠲᠠᠭᠳᠠᠵᠤ ᠪᠣᠯᠳᠠᠭ ᠦᠭᠡᠢ ᠠᠵᠠᠢ ᠃ ︽ ᠳᠡᠭᠵᠢᠨ ᠮᠠᠷᠭᠠᠰᠢ | ᠰᠤᠷᠭᠠᠭᠤᠯᠢ ᠳᠠᠭᠠᠨ ᠢᠷᠡᠳᠡᠭ ᠪᠣᠯᠤᠭᠠᠰᠠᠢ ︕︾ ᠭᠡᠵᠦ ᠮᠠᠨ ᠤ ᠠᠩᠬᠢ ᠶᠢᠨ ᠬᠢᠨ ᠳᠤᠷᠠᠰᠴᠤ ᠯᠠ ᠪᠠᠶᠢᠯᠠ ᠃ |