| | ᠰᠤᠮᠤ ᠪᠣᠯᠤᠨ ᠰᠤᠷᠭᠠᠭᠤᠯᠢ ᠠᠴᠠ ᠪᠢᠳᠡᠨ ᠢ ᠪᠡᠭᠡᠵᠢᠩ ᠬᠤᠲᠠ ᠳᠤ ᠲᠣᠭᠤᠷᠢᠭᠤᠯᠬᠤ ᠭᠡᠰᠡᠨ ᠬᠠᠯᠠᠭᠤᠨ | ᠴᠢᠮᠡᠭᠡ ᠶᠢ ᠪᠠᠭᠰᠢ ᠠᠴᠠ ᠰᠣᠨᠤᠰᠤᠭᠠᠳ ᠮᠢᠨᠦ ᠬᠦᠯ ᠭᠠᠵᠠᠷ ᠬᠦᠷᠬᠦ ᠪᠣᠯᠲᠠᠯᠠ ᠪᠠᠨ ᠪᠠᠶᠠᠷᠯᠠᠵᠤ ᠂ ᠬᠦᠰᠡᠵᠦ | ᠬᠦᠯᠢᠶᠡᠭᠰᠡᠨ ᠡᠳᠦᠷ ᠢᠶᠠᠨ ᠬᠤᠷᠤᠭᠤ ᠲᠣᠭᠠᠯᠠᠵᠤ ᠰᠠᠭᠤᠪᠠ ᠃ | ᠬᠦᠯᠢᠶᠡᠭᠰᠡᠭᠡᠷ ᠬᠦᠯᠢᠶᠡᠭᠰᠡᠭᠡᠷ ᠪᠠᠶᠢᠵᠤ ᠂ 8 ᠰᠠᠷᠠ ᠶᠢᠨ 18 ᠤ ᠡᠳᠦᠷ ᠤᠨ ᠳᠣᠯᠤᠭᠠᠨ ᠴᠠᠭ ᠬᠠᠭᠠᠰ ᠤᠨ | ᠦᠶᠡ ᠪᠠᠷ ᠠᠶᠠᠨᠴᠢᠨ ᠤ ᠮᠠᠰᠢᠨ ᠲᠡᠷᠭᠡ ᠬᠦᠷᠦᠭᠡᠳ ᠢᠷᠡᠪᠡ ᠃ ᠰᠤᠮᠤ ᠶᠢᠨ ᠤᠳᠤᠷᠢᠳᠤᠯᠭᠠ ᠂ ᠰᠤᠷᠭᠠᠭᠤᠯᠢ ᠶᠢᠨ | ᠤᠳᠤᠷᠢᠳᠤᠯᠭᠠ ᠪᠢᠳᠡᠨ ᠢ ᠠᠶᠠᠨ ᠵᠠᠮ ᠳᠠᠭᠠᠨ ᠠᠮᠤᠷ ᠮᠡᠨᠳᠦ ᠬᠦᠷᠬᠦ ᠶᠢ ᠢᠷᠦᠭᠡᠨ ᠵᠦᠩᠨᠡᠭᠡᠳ ᠮᠣᠷᠳᠠᠭᠤᠯᠪᠠ ᠃ | ᠡᠳᠦᠷᠵᠢᠨ ᠠᠶᠠᠯᠠᠭᠰᠠᠨ ᠮᠠᠰᠢᠨ ᠲᠡᠷᠡᠭᠡᠨ ᠤ ᠴᠣᠩᠬᠤ ᠪᠠᠷ ᠪᠢᠳᠡ ᠵᠠᠮ ᠲᠤᠷᠰᠢ ᠠᠭᠤᠯᠠ ᠬᠠᠶᠢᠷᠬᠠᠨ ᠂ | ᠦᠨᠳᠦᠷ ᠦᠨᠳᠦᠷ ᠠᠰᠠᠷ ᠲᠠᠭᠲᠤ ᠂ ᠠᠭᠤᠯᠠ ᠶᠢᠨ ᠪᠠᠯ ᠢᠶᠠᠷ ᠲᠠᠷᠢᠭᠰᠠᠨ ᠱᠠᠲᠤᠨ ᠲᠠᠷᠢᠶᠠ ᠶᠢ ᠰᠣᠨᠢᠷᠬᠠᠨ ᠂ | ᠡᠭᠦᠨ ᠢ ᠨᠢ ᠦᠵᠡᠲᠡᠯᠡ ᠲᠡᠭᠦᠨ ᠢ ᠨᠢ ᠰᠣᠨᠢᠷᠬᠠᠨ ᠪᠦᠭᠡᠮ ᠦᠢᠮᠡᠭᠡᠨ ᠲᠠᠲᠠᠭᠰᠠᠭᠠᠷ ᠰᠦᠨᠢ ᠶᠢᠨ ᠶᠢᠰᠦᠨ ᠴᠠᠭ | ᠬᠠᠭᠠᠰ ᠤᠨ ᠦᠶᠡ ᠪᠠᠷ ᠬᠦᠷᠬᠦ ᠭᠡᠰᠡᠨ ᠭᠠᠵᠠᠷ ᠢᠶᠠᠨ ᠬᠦᠷᠪᠡ ᠃ ᠪᠠᠭᠤᠳᠠᠯ ᠭᠡᠵᠦ ᠭᠤᠶᠤ ᠡ ᠂ ᠭᠤᠶᠤ ︕ | ᠬᠤᠶᠠᠷ ᠰᠤᠷᠤᠭᠴᠢ ᠨᠢᠭᠡ ᠦᠷᠦᠭᠡ ᠂ ᠴᠠᠪ ᠴᠠᠭᠠᠨ ᠣᠷᠤ ᠂ ᠴᠡᠪ ᠴᠡᠪᠡᠷᠬᠡᠨ ᠵᠣᠷᠯᠤᠩ ᠂ ᠤᠭᠢᠶᠠᠯᠭᠠ ᠶᠢᠨ | ᠲᠠᠰᠤᠭ ᠲᠠᠢ ᠂ ᠪᠠᠰᠠ ᠲᠧᠯᠸᠢᠰ ᠲᠠᠢ ᠂ ᠰᠡᠷᠢᠭᠦᠴᠡᠭᠦᠷ ᠠᠭᠤᠷ ᠤᠨ ᠮᠠᠰᠢᠨ ᠲᠠᠢ ᠃ ᠪᠢ ᠳᠡᠭᠦᠯᠢᠨ ᠲᠠᠢ ᠨᠢᠭᠡ | ᠭᠡᠷ ᠲᠤ ᠰᠠᠭᠤᠪᠠ ᠃ ᠢᠳᠡᠵᠦ ᠤᠤᠭᠤᠵᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠮᠠᠨ ᠤ ᠳᠠᠭᠠᠭᠤᠯᠵᠤ ᠶᠠᠪᠤᠭᠰᠠᠨ ᠪᠠᠭᠰᠢ ᠨᠠᠷ | ᠡᠵᠢ ᠠᠪᠤ ᠲᠠᠢ ᠬᠠᠷᠢᠴᠠᠭᠰᠠᠨ ᠤ ᠳᠠᠷᠠᠭᠠ ᠭᠠᠷ ᠤᠲᠠᠰᠤ ᠶᠢ ᠬᠤᠷᠢᠶᠠᠨ ᠠᠪᠤᠪᠠ ᠃ ᠮᠠᠨᠤᠰ ᠢ ᠰᠦᠨᠢᠵᠢᠨ ᠭᠠᠷ | ᠤᠲᠠᠰᠤ ᠨᠠᠭᠠᠳᠬᠤ ᠠᠴᠠ ᠰᠡᠷᠭᠡᠶᠢᠯᠡᠵᠦ ᠪᠠᠶᠢᠬᠤ ᠶᠤᠮ ᠭᠡᠨᠡ ᠃ | ᠮᠠᠷᠭᠠᠰᠢ ᠨᠢ ᠪᠢᠳᠡ ᠪᠦᠭᠦᠳᠡᠭᠡᠷ ᠶᠠᠩ ᠹᠠᠩ ᠰᠤᠷᠭᠠᠭᠤᠯᠢ ᠳᠤ ᠬᠦᠷᠴᠦ ᠭᠠᠷ ᠤᠷᠠᠯᠠᠯ ᠂ ᠴᠠᠭᠠᠰᠤᠨ | ᠬᠠᠶᠢᠴᠢᠯᠠᠮᠠᠯ ᠬᠢᠵᠦ ᠲᠠᠮᠢᠷ ᠤᠨ ᠣᠷᠤᠯᠳᠤᠭᠠᠨ ᠶᠠᠪᠤᠭᠳᠠᠭᠤᠯᠪᠠ ᠃ ᠦᠳᠡ ᠶᠢᠨ ᠬᠤᠶᠢᠨᠠ ᠪᠢᠳᠡ ᠴᠡᠷᠢᠭ ᠤᠨ | ᠲᠣᠭᠤᠷᠢᠭ ᠲᠤ ᠬᠦᠷᠴᠦ ᠲᠣᠭᠤᠷᠢᠪᠠ᠃ ᠬᠦᠷᠢᠶᠡᠨ ᠡᠭᠦᠳᠡ ᠶᠢ ᠨᠢ ᠣᠷᠤᠩᠭᠤᠳᠠ ᠪᠢᠳᠡᠨ ᠳᠤ ᠲᠦᠪ ᠶᠡᠬᠡᠮᠰᠦᠭ ᠂ | ᠰᠦᠷ ᠵᠢᠪᠬᠤᠭᠠᠲᠤ ᠲᠦᠷᠦᠭᠳᠡᠯ ᠦᠭᠴᠦ ᠂ ᠥᠪᠡᠷ ᠤᠨ ᠡᠷᠬᠡ ᠦᠭᠡᠢ ᠶᠤᠰᠤ ᠵᠢᠷᠤᠮ ᠲᠠᠢ ᠂ ᠡᠮᠬᠢ ᠴᠡᠭᠴᠡ ᠲᠠᠢ | ᠠᠯᠬᠤᠬᠤ ᠬᠡᠷᠡᠭᠲᠡᠢ ᠭᠡᠳᠡᠭ ᠤᠬᠠᠮᠰᠠᠷ ᠣᠷᠤᠪᠠ ᠃ ᠲᠡᠨᠳᠡ ᠣᠯᠠᠨ ᠴᠡᠷᠢᠭ ᠂ ᠪᠠᠶᠢᠯᠳᠤᠬᠤ ᠲᠡᠷᠭᠡ ᠂ ᠫᠤᠤ ᠰᠤᠮᠤ | ᠪᠣᠢ ᠃ ᠲᠡᠷᠡ ᠲᠡᠷᠭᠡᠨ ᠳᠤ 15—16 ᠬᠦᠮᠦᠨ ᠰᠠᠭᠤᠵᠤ ᠪᠣᠯᠤᠨᠠ ᠃ ᠪᠠᠭᠰᠢ ᠶᠢᠨ ᠵᠦᠪᠰᠢᠶᠡᠷᠡᠯ ᠢᠶᠠᠷ | ᠪᠢᠳᠡ ᠲᠡᠷᠭᠡᠨ ᠳᠤ ᠰᠠᠭᠤᠵᠤ ᠦᠵᠡᠪᠡ ᠃ ᠴᠢᠯᠦᠭᠡᠯᠡᠬᠦ ᠴᠡᠷᠢᠭ ᠤᠨ ᠠᠪᠠᠭᠠ ᠪᠢᠳᠡᠨ ᠳᠤ ᠣᠷᠤ ᠬᠤᠷᠢᠶᠠᠬᠤ ᠶᠢ | ᠵᠢᠭᠠᠵᠤ ᠥᠭᠪᠡ ᠃ ᠪᠠᠰᠠ ᠤᠯᠤᠰ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠂ ᠡᠬᠡ ᠤᠯᠤᠰ ᠤᠨ ᠦᠷᠨᠢᠭᠦᠨ ᠬᠦᠭᠵᠢᠯᠲᠡ ᠵᠡᠷᠭᠡ ᠶᠢ | ᠶᠠᠷᠢᠵᠤ ᠲᠠᠶᠢᠯᠪᠤᠷᠢᠯᠠᠪᠠ ᠃ | ᠬᠤᠶᠠᠳᠤᠭᠠᠷ ᠡᠳᠦᠷ ᠨᠢ ᠪᠢᠳᠡ ᠲᠡᠦᠬᠡᠨ ᠳᠤ ᠠᠯᠳᠠᠷᠳᠠᠢ ᠂ ᠲᠡᠯᠡᠬᠡᠢ ᠳᠤ ᠴᠣᠯᠠ ᠲᠠᠢ ᠤᠷᠲᠤ ᠴᠠᠭᠠᠨ ᠬᠡᠷᠡᠮ ᠢ | ᠲᠣᠭᠤᠷᠢᠨ ᠦᠵᠡᠪᠡ ᠃ ᠤᠷᠲᠤ ᠴᠠᠭᠠᠨ ᠬᠡᠷᠡᠮ ᠭᠡᠭᠴᠢ ᠦᠨᠡᠬᠡᠷ ᠬᠤᠭᠤᠰᠤᠨ ᠨᠡᠷᠡ ᠮᠠᠨᠳᠤᠭᠰᠠᠨ ᠦᠭᠡᠢ ᠃ ᠮᠢᠨᠦ | ᠪᠣᠳᠤᠭᠰᠠᠨ ᠦᠨᠳᠦᠷ ᠬᠡᠷᠡᠮ ᠪᠢᠰᠢ ᠂ ᠬᠠᠷᠢᠨ ᠦᠨᠳᠦᠷ ᠦᠨᠳᠦᠷ ᠠᠭᠤᠯᠠ ᠶᠢᠨ ᠣᠷᠤᠢ ᠪᠠᠷ ᠪᠠᠷᠢᠭᠰᠠᠨ ᠮᠠᠰᠢ ︽ | ᠦᠨᠳᠦᠷ ᠬᠡᠷᠡᠮ ︾ ᠪᠠᠶᠢᠪᠠ ᠃ ᠪᠢᠳᠡ ᠴᠢᠯᠠᠭᠤᠨ ᠱᠠᠲᠤ ᠪᠠᠷ ᠨᠢ ᠮᠠᠴᠤᠭᠠᠳ ᠶᠠᠳᠠᠷᠠᠭᠰᠠᠨ ᠭᠡᠵᠦ ᠡ ᠂ ᠪᠠᠭᠤᠵᠤ | ᠢᠷᠡᠬᠦ ᠳᠤ ᠬᠥᠯ ᠴᠡᠴᠡᠷᠡᠭᠡᠳ ᠶᠠᠪᠤᠵᠤ ᠳᠡᠶᠢᠯᠬᠦ ᠦᠭᠡᠢ ᠪᠣᠯᠴᠢᠬᠠᠪᠠ ᠃ | ᠭᠤᠷᠪᠠᠳᠤᠭᠠᠷ ᠡᠳᠦᠷ ᠨᠢ ᠪᠢᠳᠡ ᠡᠷᠲᠡ ᠪᠣᠰᠴᠤ ᠲᠢᠶᠠᠨ ᠠᠨ ᠮᠧᠨ ᠲᠠᠯᠠᠪᠠᠢ ᠪᠠᠷ ᠲᠣᠭᠤᠷᠢᠪᠠ ᠃ | ᠶᠠᠭᠠᠬᠢᠭᠰᠠᠨ ᠠᠭᠤᠵᠢᠮ ᠲᠠᠯᠠᠪᠠᠢ ᠶᠤᠮ ᠪᠣᠢ ︖ ᠶᠠᠮᠠᠷ ᠰᠠᠷᠠᠭᠤᠯ ᠭᠠᠵᠠᠷ ᠶᠤᠮ ᠪᠣᠢ ︖ ᠲᠠᠯᠠᠪᠠᠢ ᠶᠢᠨ | ᠳᠤᠮᠳᠠ ᠠᠴᠠ ᠳᠦᠷᠪᠡᠨ ᠵᠦᠭ ᠲᠤ ᠬᠠᠷᠠᠬᠤ ᠳᠤ ᠲᠢᠶᠠᠨ ᠠᠨ ᠮᠧᠨ ᠠᠰᠠᠷ ᠂ ᠠᠷᠠᠳ ᠤᠨ ᠶᠡᠭᠡ ᠬᠤᠷᠠᠯ ᠤᠨ | ᠲᠠᠯᠠᠪᠠᠢ ᠂ ᠮᠠᠤ ᠲᠡᠷᠢᠭᠦᠯᠡᠭᠴᠢ ᠶᠢᠨ ᠳᠤᠷᠠᠰᠬᠠᠯ ᠤᠨ ᠲᠠᠩᠬᠢᠮ ᠂ ᠪᠠᠭᠠᠳᠤᠷᠴᠤᠳ ᠤᠨ ᠳᠤᠷᠠᠰᠬᠠᠯ ᠤᠨ ᠬᠦᠰᠢᠶᠠ | ᠳᠦᠷᠪᠡᠨ ᠲᠠᠯᠠ ᠳᠤᠨᠢ ᠰᠦᠨᠳᠡᠷᠯᠡᠵᠦ ᠪᠠᠶᠢᠳᠠᠭ ᠃ ᠡᠨᠡ ᠪᠣᠯ ᠮᠠᠨ ᠤ ᠤᠯᠤᠰ ᠤᠨ ᠲᠦᠪ ᠰᠠᠭᠤᠷᠢᠨ ᠂ ᠲᠦᠭ | ᠲᠦᠮᠡᠨ ᠠᠷᠠᠳ ᠤᠨ ᠰᠡᠳᠬᠢᠯ ᠤᠨ ᠲᠦᠪᠯᠡᠷᠡᠯ ᠤᠨ ᠭᠠᠵᠠᠷ ᠪᠣᠯᠬᠤ ᠶᠤᠮ ᠃ ᠦᠳᠡ ᠶᠢᠨ ᠬᠤᠶᠢᠨᠠ ᠨᠢ ᠬᠠᠭᠤᠴᠢᠨ | ᠡᠳ᠋ ᠤᠨ ᠳᠤᠷᠠᠰᠬᠠᠯ ᠤᠨ ᠭᠠᠵᠠᠷ ︵ ᠮᠦᠽᠧᠢ︶ ᠢᠶᠠᠷ ᠲᠣᠭᠤᠷᠢᠪᠠ ᠃ | ᠳᠦᠷᠪᠡᠳᠦᠭᠡᠷ ᠡᠳᠦᠷ ᠨᠢ ᠪᠢᠳᠡ ᠬᠠᠭᠠᠨ ᠤ ᠣᠷᠳᠤᠨ ᠢᠶᠠᠷ ᠲᠣᠭᠤᠷᠢᠯᠠ ᠃ ᠬᠦᠮᠦᠨ ᠤ ᠳᠠᠯᠠᠢ ᠭᠡᠭᠴᠢ ᠡᠶᠢᠮᠦ | ᠯᠠ ᠪᠠᠶᠢᠬᠠ ᠡ ᠃ ᠡᠯᠡ ᠭᠠᠵᠠᠷ ᠤᠨ ᠵᠢᠭᠤᠯᠴᠢᠨ ᠲᠣᠭᠤᠷᠢᠭᠴᠢᠳ ᠠᠳᠡ ᠢᠷᠡᠵᠦ ᠡᠷᠲᠡᠨ ᠤ ᠬᠠᠭᠠᠨ ᠤ | ᠣᠷᠳᠤᠨ ᠢ ᠰᠣᠨᠢᠷᠬᠠᠨ ᠦᠵᠡᠨᠡ ᠃ ᠪᠢ ᠳᠣᠲᠤᠷᠠ ᠪᠠᠨ ᠰᠢᠨᠡ ᠳᠤᠮᠳᠠᠳᠤ ᠤᠯᠤᠰ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠦᠭᠡᠢ | ᠪᠣᠯ ᠡᠨᠡ ᠬᠠᠭᠠᠨ ᠤ ᠣᠷᠳᠤᠨ ᠳᠤ ᠴᠢᠨᠢ ᠴᠢ ᠪᠢᠳᠡᠨ ᠤ ᠣᠶᠢᠷᠠᠲᠤᠵᠤ ᠴᠢᠳᠠᠬᠤ ᠭᠠᠵᠠᠷ ᠪᠢᠰᠢ ᠳ᠋ᠠ ᠭᠡᠵᠦ ᠪᠣᠳᠤᠯᠠ | ᠃ | ᠳᠦᠷᠪᠡᠨ ᠡᠳᠦᠷ ᠤᠨ ᠲᠣᠭᠤᠷᠢᠨ ᠵᠣᠭᠠᠴᠠᠯ ᠢᠶᠠᠷ ᠪᠢᠳᠡ ᠡᠬᠡ ᠤᠯᠤᠰ ᠤᠨ ᠢᠶᠠᠨ ᠨᠡᠶᠢᠰᠯᠡᠯ ᠬᠤᠲᠠ ᠶᠢ | ᠰᠣᠨᠢᠷᠬᠠᠨ ᠲᠣᠭᠤᠷᠢᠵᠤ ᠂ ᠴᠣᠬᠤᠮ ᠴᠤ ᠨᠢᠭᠡ ᠦᠵᠡᠭᠡ ᠦᠭᠡᠢ ᠪᠠᠨ ᠦᠵᠡᠵᠦ ᠂ ᠨᠢᠳᠦ ᠨᠡᠬᠡᠭᠡᠭᠰᠡᠨ ᠪᠢᠯᠡ ᠃ | ᠡᠶᠢᠮᠦ ᠰᠠᠶᠢᠬᠠᠨ ᠵᠠᠪᠰᠢᠶᠠᠨ ᠣᠯᠭᠤᠭᠰᠠᠨ ᠨᠠᠮ ᠵᠠᠰᠠᠭ ᠤᠨ ᠤᠳᠤᠷᠢᠳᠤᠯᠭᠠ ᠂ ᠰᠤᠮᠤ ᠂ ᠰᠤᠷᠭᠠᠭᠤᠯᠢ ᠶᠢᠨ | ᠤᠳᠤᠷᠢᠳᠤᠯᠭᠠ ᠨᠠᠷ ᠲᠠᠭᠠᠨ ᠪᠢ ᠴᠢᠩ ᠰᠡᠳᠬᠢᠯ ᠠᠴᠠ ᠪᠠᠨ ᠲᠠᠯᠠᠷᠬᠠᠵᠤ ᠪᠠᠶᠢᠨᠠ ᠃ ᠬᠤᠵᠢᠮ ᠪᠢ ᠪᠢᠴᠢᠭ ᠢᠶᠠᠨ | ᠰᠠᠶᠢᠨ ᠰᠤᠷᠴᠤ ᠂ ᠪᠡᠭᠡᠵᠢᠩ ᠬᠤᠲᠠ ᠳᠤ ᠨᠡᠷᠡᠲᠦ ᠬᠤᠪᠴᠠᠰᠤ ᠲᠦᠰᠦᠪᠯᠡᠭᠴᠢ ᠪᠣᠯᠤᠨᠠ ᠳ᠋ᠠ ︕ | |