1᠂ ᠠᠤᠬᠠᠨ ᠠᠶᠢᠮᠠᠭ ᠶᠢᠨ ᠢᠷᠡᠯ | ᠠᠤᠬᠠᠨ ᠠᠶᠢᠮᠠᠭ ᠪᠤᠯ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠦᠶᠡ ᠳᠤ ᠪᠥᠷᠢᠯᠳᠦᠭᠰᠡᠨ ᠮᠤᠩᠭᠤᠯ ᠠᠶᠢᠮᠠᠭ | ᠪᠤᠯᠤᠨᠠ᠃ ᠠᠶᠢᠮᠠᠭ ᠤᠨ ᠨᠡᠷᠡᠶᠢᠳᠦᠯ ᠨᠢ ᠮᠥᠩᠬᠡ ᠬᠠᠭᠠᠨ ᠤ ᠬᠡᠰᠢᠭᠲᠡᠨ ᠴᠡᠷᠢᠭ ᠠᠴᠠ ᠢᠷᠡᠯᠲᠡᠢ᠃ ᠮᠥᠩᠬᠡ | ᠬᠠᠭᠠᠨ ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠤ ᠣᠳᠬᠤᠨ ᠬᠥᠪᠡᠭᠦᠨ ᠲᠣᠯᠣᠢ ᠶᠢᠨ ᠤᠤᠭᠠᠨ ᠬᠥᠪᠡᠭᠦᠨ ᠪᠤᠯᠬᠤᠷ᠂ ᠬᠠᠭᠠᠨ | ᠰᠠᠭᠤᠬᠤ ᠠᠴᠠ ᠨᠢ ᠡᠮᠦᠨᠠ ᠬᠥᠮᠥᠰ ᠲᠡᠭᠦᠨ ᠢ ︽ᠤᠤᠭᠠᠨ ᠸᠠᠩ︾ ᠭᠡᠵᠤ ᠳᠠᠭᠤᠳᠠᠳᠠᠭ ᠪᠠᠶᠢᠵᠠᠢ᠃ ᠤᠤᠭᠠᠨ | ᠸᠠᠩ ᠤᠨ ᠬᠡᠰᠢᠭᠲᠡᠨ ᠴᠡᠷᠢᠭ ᠢ ᠬᠥᠮᠥᠰ ︽ᠤᠤᠭᠠᠨ ᠠᠶᠢᠮᠠᠭ︾ ᠭᠡᠳᠡᠭ᠃ ᠬᠤᠵᠢᠮ ᠤᠨ ︽ᠠᠤᠬᠠᠨ ᠠᠶᠢᠮᠠᠭ︾ | ᠨᠢ ᠳᠠᠷᠤᠢ ᠡᠨᠡ ︽ᠤᠤᠭᠠᠨ ᠠᠶᠢᠮᠠᠭ︾ ᠤᠨ ᠤᠯᠠᠷᠢᠭᠰᠠᠨ ᠳᠠᠭᠤᠳᠠᠯᠭᠠ ᠪᠣᠯᠣᠨᠠ᠃ ﹇1﹈ | ᠠᠳᠡ ᠬᠤᠶᠠᠷ ᠵᠦᠢᠯ ᠢ ᠴᠢᠬᠤᠯᠴᠢᠯᠠᠨ ᠰᠣᠳᠤᠯᠤᠭᠤᠰᠢᠲᠠᠢ ᠪᠠᠶᠢᠨᠠ᠃ ᠨᠢᠭᠡ ᠨᠢ ᠠᠶᠢᠮᠠᠭ ᠭᠡᠬᠦ ᠦᠭᠡ | ᠪᠣᠯᠣᠨᠠ᠃ ᠠᠶᠢᠮᠠᠭ ᠭᠡᠬᠦ ᠦᠭᠡ ᠶᠢᠨ ᠢᠵᠠᠭᠤᠷ ᠨᠢ ︽ᠠᠢ︾ ︵范畴︶ ᠪᠣᠯᠣᠨᠠ᠃ ︽ᠠᠢ︾ ᠭᠡᠬᠦ | ᠢᠵᠠᠭᠤᠷ ᠳᠡᠭᠡᠷᠡ ︽ᠮᠠᠭ︾ ᠳᠠᠭᠠᠪᠤᠷᠢ ᠶᠢ ᠵᠠᠯᠭᠠᠵᠤ ᠠᠶᠢᠮᠠᠭ ᠭᠡᠬᠦ ᠦᠭᠡ ᠶᠢ ᠪᠦᠲᠦᠭᠡᠵᠡᠢ᠃ ᠡᠭᠦᠪᠡᠷ ᠳᠦᠯᠬᠢᠨ | ᠪᠣᠳᠣᠪᠠᠯ᠂ ᠠᠶᠢᠮᠠᠭ ᠨᠢ ᠲᠡᠷᠡ ᠦᠶᠠᠰ ᠶᠠᠰᠤ ᠴᠢᠰᠤᠨ ᠤ ᠬᠠᠷᠢᠴᠠᠭᠠ ᠦᠭᠡᠢ᠂ ᠭᠡᠪᠡᠴᠦ ᠤᠯᠤᠰ ᠲᠥᠷᠥ ᠪᠤᠶᠤ | ᠭᠠᠵᠠᠷ ᠣᠷᠣᠨ ᠤ ᠬᠤᠪᠢᠶᠠᠷᠯᠠᠯ ᠠᠴᠠ ᠪᠣᠯᠵᠤ᠂ ᠬᠠᠮᠲᠤ ᠤᠷᠤᠰᠢᠨ ᠠᠮᠢᠳᠤᠷᠠᠵᠤ᠂ ᠨᠢᠭᠡ ᠵᠦᠢᠯ ᠤᠨ ᠠᠵᠢᠯ | ᠡᠭᠦᠷᠭᠡ ᠶᠢ ᠭᠦᠢᠴᠡᠳᠭᠡᠵᠤ ᠶᠠᠪᠤᠭᠰᠠᠨ᠂ ᠣᠯᠠᠠ ᠶᠠᠰᠤᠲᠠᠨ ᠴᠢᠰᠤᠲᠠᠨ ᠤ ᠬᠤᠯᠪᠤᠭᠠ ᠪᠠᠶᠢᠭᠰᠠᠨ ᠰᠢᠭ᠋᠃ ᠬᠠᠷᠢᠨ | ᠣᠳᠣᠬᠢ ︽ᠶᠠᠮᠠᠷ ᠣᠪᠣᠭ ᠤᠨ ᠶᠠᠮᠠᠷ ᠠᠶᠢᠮᠠᠭ︾ ᠭᠡᠳᠡᠭ ᠨᠢ ᠨᠢᠭᠡ ᠡᠪᠦᠭᠡ ᠳᠡᠭᠡᠳᠦᠰ ᠠᠴᠠ ᠢᠷᠡᠯ ᠲᠠᠢ ᠬᠥᠮᠥᠰ | ᠤᠨ ᠳᠠᠭᠤᠳᠠᠯᠭᠠ ᠪᠤᠯᠤᠨᠠ᠃ | ᠨᠥᠭᠦᠭᠡ ᠨᠢ ︽ᠠᠤᠬᠠᠨ ᠠᠶᠢᠮᠠᠭ︾ ᠭᠡᠳᠡᠭ ᠨᠡᠷᠡ ︽ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠳᠤ ᠭᠠᠷᠳᠠᠭ ᠦᠭᠡᠢ᠂ | ᠬᠠᠷᠢᠨ ︽ᠠᠯᠲᠠᠨ ᠬᠦᠷᠳᠦ ᠮᠢᠩᠭᠠᠨ ᠬᠡᠭᠡᠰᠦᠲᠦ︾ ︵ᠴᠣᠶᠢᠵᠢ ᠶᠢᠨ ᠲᠤᠯᠭᠠᠨ ᠬᠠᠷᠢᠴᠠᠭᠤᠯᠤᠭᠰᠠᠨ︶ ᠶᠢᠨ125 | ᠳ᠋ᠤᠭᠠᠷ ᠨᠢᠭᠤᠷ ᠲᠤ ︽ᠠᠤᠬᠠᠨ ᠢ ᠰᠠᠳᠠᠭᠴᠢᠨ ᠤ ᠰᠡᠴᠡᠨ︾ ① ᠭᠡᠵᠤ ᠭᠠᠷᠳᠠᠭ᠃ ᠣᠨ ᠨᠢ1434 ᠤᠨ | ᠪᠣᠯᠣᠨᠠ᠃ ︽ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠢ ᠥᠭᠡᠳᠡᠢ ᠬᠠᠭᠠᠨ ︵1241 ᠣᠨ ᠳᠤ ᠬᠠᠯᠢᠪᠠ︶ ᠠᠴᠠ ᠰᠡᠭᠦᠯᠡᠷ | ᠪᠢᠴᠢᠭᠳᠡᠭᠰᠡᠨ ᠭᠡᠳᠡᠭ ᠪᠠᠷ ᠪᠣᠳᠣᠪᠠᠯ᠂ ᠠᠤᠬᠠᠨ ᠠᠶᠢᠮᠠᠭ ᠨᠢ1241 ᠣᠨ ᠠᠴᠠ ᠰᠡᠭᠦᠯᠡᠷ᠂1434 ᠣᠨ ᠠᠴᠠ | ᠡᠮᠦᠨᠡ ᠪᠥᠷᠢᠯᠳᠦᠭᠰᠡᠨ ᠨᠢ ᠲᠠᠭᠠᠷᠠᠨᠠ᠃ ᠡᠭᠦᠪᠡᠷ ᠳᠦᠯᠬᠢᠨ ᠪᠤᠳᠤᠪᠠᠯ᠂ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠳᠤ | ᠪᠦᠷᠢᠯᠳᠦᠪᠡ ᠭᠡᠬᠦ ᠬᠡᠯᠡᠯᠭᠡ ᠲᠡᠦᠬᠡ ᠶᠢᠨ ᠦᠨᠡᠨ ᠲᠠᠢ ᠨᠡᠶᠢᠴᠡᠨᠡ᠃ | ᠤᠮᠠᠷᠠᠲᠤ ᠶᠤᠸᠠᠨ ᠤᠯᠤᠰ ᠤᠨ ᠦᠶᠡ ᠳᠤ ᠠᠤᠬᠠᠨ ᠠᠶᠢᠮᠠᠭ ᠨᠢ ᠬᠠᠯᠬᠠ ᠭᠤᠤᠯ᠂ ᠰᠢᠯᠢ ᠶᠢᠨ ᠭᠤᠤᠯ ᠤᠨ | ᠤᠷᠴᠢᠮ ᠢᠶᠠᠷ ᠨᠡᠭᠦᠳᠡᠯᠯᠡᠨ ᠠᠮᠢᠳᠤᠷᠠᠵᠤ᠂ ᠴᠠᠬᠠᠷ ᠲᠥᠮᠡᠨ ᠳᠤ ᠬᠠᠷᠢᠶᠠᠯᠠᠭᠳᠠᠵᠤ ᠪᠠᠶᠢᠭᠰᠠᠨ ᠠᠴᠠ ᠪᠠᠨ ᠬᠤᠵᠢᠮ | ᠨᠢ ᠬᠠᠯᠬᠠ ᠲᠥᠮᠡᠨ ᠳᠤ ᠬᠠᠷᠢᠶᠠᠯᠠᠭᠳᠠᠬᠤ ᠪᠤᠯᠵᠠᠢ᠃ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠳᠣᠮᠳᠠᠴᠢ ᠪᠠᠷ ᠳᠠᠷᠠᠶᠢᠰᠤᠨ | ᠬᠥᠳᠡᠩ ᠬᠠᠭᠠᠨ ᠠᠯᠲᠠᠨ ᠬᠠᠭᠠᠨ ᠳᠤ ᠬᠠᠰᠢᠭᠳᠠᠵᠤ᠂ ᠴᠠᠬᠠᠷ ᠲᠥᠮᠡᠨ ᠢᠶᠠᠨ ᠳᠠᠭᠠᠭᠤᠯᠤᠨ ᠵᠠᠭᠦᠨᠰᠢ ᠵᠠᠶᠢᠯᠠᠨ | ᠬᠢᠩᠭᠠᠨ ᠳᠠᠪᠠᠭᠠ ᠶᠢ ᠳᠠᠪᠠᠨ᠂ ᠯᠢᠶᠤᠤᠳᠦᠩ ᠤᠨ ᠬᠢᠵᠠᠭᠠᠷ ᠲᠤ ᠨᠡᠭᠦᠬᠦ ᠦᠶᠡᠰ᠂ ᠠᠤᠬᠠᠨ ᠠᠶᠢᠮᠠᠭ ᠴᠦ | ᠳᠠᠷᠠᠶᠢᠰᠤᠨ ᠬᠥᠳᠡᠩ ᠬᠠᠭᠠᠨ ᠢ ᠲᠠᠭᠠᠨ ᠨᠡᠭᠦᠳᠡᠯᠯᠡᠵᠡᠢ᠃ ᠠᠷᠪᠠᠨ ᠳᠣᠯᠣᠳᠤᠭᠠᠷ ᠵᠠᠭᠤᠨ ᠤ ᠡᠬᠢ ᠪᠠᠷ ᠠᠤᠬᠠᠨ | ᠠᠶᠢᠮᠠᠭ ᠤᠨ ᠲᠦᠷᠦᠭᠦᠦ ᠳᠠᠶᠢᠴᠢᠩ ᠳᠦᠭᠦᠷᠡᠩ 19 ᠳᠡᠭᠦᠦ ᠡᠰᠡᠨ ᠤᠶᠢᠵᠠᠩ19 ᠲᠠᠢ ᠪᠠᠨ ᠯᠤᠤᠬᠠ ᠶᠢᠨ ᠭᠤᠤᠯ | ᠤᠨ ᠳᠤᠮᠳᠠᠳᠤ ᠤᠷᠤᠰᠬᠠᠯ ᠳᠠᠭᠠᠤ ᠭᠠᠵᠠᠷ ᠭᠤᠤᠯ ᠬᠠᠪᠴᠢᠨ ᠨᠤᠲᠤᠭᠯᠠᠭᠰᠠᠨ ᠪᠠᠶᠢᠨᠠ᠃ ᠳᠠᠶᠢᠴᠢᠩ ᠳᠦᠭᠦᠷᠡᠩ | ᠤᠨ ᠳᠡᠭᠦᠦ ᠡᠰᠡᠨ ᠤᠶᠢᠵᠠᠩ ᠨᠢ ᠠᠤᠬᠠᠨ ᠠᠶᠢᠮᠠᠭ ᠤᠨ ᠵᠡᠭᠦᠨ ᠬᠤᠶᠢᠲᠤ ᠬᠡᠰᠡᠭ ᠲᠤ ᠨᠤᠲᠤᠭᠯᠠᠵᠤ᠂ ᠳᠠᠭᠠᠯᠲᠠ | ᠠᠶᠢᠮᠠᠭ ᠢᠶᠠᠨ ︽ᠨᠠᠢᠮᠠᠨ︾ ᠭᠡᠵᠤ ᠨᠡᠷᠡᠯᠡᠵᠡᠢ᠃ | ᠠᠳᠡ ᠠᠤᠬᠠᠨ ᠭᠡᠳᠡᠭ ᠨᠡᠷᠡᠶᠢᠳᠦᠯ ᠦᠬᠤᠸᠠᠨ ︵乌桓︶ ᠠᠴᠠ ᠢᠷᠡᠯᠲᠡᠢ ᠭᠡᠬᠦ ᠬᠡᠯᠡᠯᠭᠡ ᠶᠢ | ᠦᠭᠡᠶᠢᠰᠭᠡᠵᠤ ᠪᠣᠯᠣᠨᠠ᠃ ᠠᠤᠬᠠᠨ ᠠᠶᠢᠮᠠᠭ ᠨᠢ ᠦᠬᠤᠸᠠᠨ ᠤ ᠮᠠᠨᠳᠤᠭᠰᠠᠨ ᠤᠭ ᠨᠤᠲᠤᠭ —— ᠯᠣᠤᠬᠠ | ᠰᠢᠷᠠᠮᠥᠷᠡᠨ ᠤ ᠭᠠᠵᠠᠷ ᠢᠷᠡᠬᠦ ᠦᠶᠡᠰ᠂ ︽ᠠᠤᠬᠠᠨ ᠠᠶᠢᠮᠠᠭ︾ ᠭᠡᠬᠦ ᠨᠡᠷᠡᠶᠢᠳᠦᠯ ᠢᠶᠠᠨ ᠵᠠᠷᠤᠭᠠᠳ ᠨᠢᠭᠡᠨᠲᠡ | ᠭᠤᠷᠪᠠ ᠲᠥᠷᠪᠡᠨ ᠵᠠᠭᠤᠨ ᠵᠢᠯ ᠪᠤᠯᠴᠢᠬᠠᠭᠰᠠᠨ ᠶᠤᠮ᠃ ᠡᠶᠢᠮᠦ ᠪᠠᠷ ᠢᠶᠠᠨ ᠦᠬᠤᠸᠠᠨ ᠤ ᠮᠠᠨᠳᠤᠭᠰᠠᠨ ᠤᠤᠭᠠᠯ | ᠨᠤᠲᠤᠭ ᠲᠤ ᠰᠠᠭᠤᠷᠢᠰᠢᠭᠠᠳ᠂ ᠠᠤᠬᠠᠨ ᠭᠡᠰᠡᠨ ᠨᠡᠷᠡ ᠶᠢ ᠣᠯᠪᠠ ᠭᠡᠳᠡᠭ ᠨᠢ ᠠᠯᠪᠠ ᠪᠠᠷ ᠳᠣᠬᠤᠭᠰᠠᠨ ᠵᠦᠢᠯ | ᠪᠣᠯᠬᠤ ᠶᠤᠮ᠃ | ᠳᠠᠬᠢᠪᠠᠯ ᠯᠢᠭᠳᠡᠨ ᠬᠤᠲᠤᠭᠳᠤ ② ᠲᠠᠢ ᠥᠷᠢᠰᠴᠦ ᠤᠯᠠᠨ ᠠᠴᠠ ᠶᠡᠭᠡ ︽ᠤᠤ ᠬᠠᠭᠠᠨ︾ ᠭᠡᠵᠤ ᠨᠡᠷᠡ | ᠠᠪᠤᠭᠰᠠᠨ ᠠᠴᠠ ᠢᠷᠡᠯᠲᠡᠢ ᠭᠡᠬᠦ ᠨᠢ ᠨᠡᠩ ᠴᠦ ᠲᠡᠦᠬᠡ ᠶᠢᠨ ᠦᠨᠳᠦᠰᠦᠯᠡᠯ ᠦᠭᠡᠢ᠃ ᠯᠢᠭᠳᠡᠨ ᠬᠠᠭᠠᠨ ᠲᠠᠢ ᠠᠳᠠᠯᠢ | ᠴᠠᠭ ᠲᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠳᠠᠶᠢᠴᠢᠩ ᠳᠦᠭᠦᠷᠡᠩ ᠤᠨ ᠦᠷᠡ ᠬᠡᠦᠬᠡᠳ ᠰᠤᠨᠤᠮ ᠳᠦᠭᠦᠷᠡᠩ20 ᠨᠢ ︽ | ᠳᠦᠭᠦᠷᠡᠩ︾ ᠭᠡᠳᠡᠭ ᠵᠡᠷᠭᠡ ᠬᠡᠷᠬᠡᠮ ᠢᠶᠠᠷ ᠢᠶᠠᠨ ᠴᠤᠯᠠᠯᠠᠭᠳᠠᠵᠤ ᠪᠠᠶᠢᠭᠰᠠᠨ ᠠᠴᠠ ᠥᠭᠡᠷᠡ ︽ᠬᠠᠨ︾ ᠴᠤᠯᠠ | ᠠᠪᠤᠭᠰᠠᠨ ᠦᠭᠡᠢ ᠶᠤᠮ᠃ | 2᠂ ᠠᠤᠬᠠᠨ ᠬᠤᠰᠢᠭᠤᠨ ᠤ ᠢᠷᠡᠯ | ᠠᠷᠪᠠᠨ ᠵᠢᠷᠭᠤᠳᠤᠭᠠᠷ ᠵᠠᠭᠤᠨ ᠤ ᠡᠴᠦᠰ ᠢᠶᠠᠷ ᠮᠠᠨᠵᠤ ᠶᠢᠨ ᠲᠥᠷᠦᠭᠦᠦ ᠨᠤᠷᠬᠠᠴᠢ ᠵᠥᠷᠴᠢᠨ ᠠᠶᠢᠮᠠᠭ ᠢᠶᠠᠨ | ᠨᠢᠭᠡᠳᠭᠡᠵᠤ᠂1616 ᠣᠨ ᠳᠤ ᠬᠤᠶᠢᠲᠤ ᠠᠯᠲᠠᠨ ᠤᠯᠤᠰ ᠢ ᠪᠠᠶᠢᠭᠤᠯᠵᠠᠢ᠃ ᠬᠤᠶᠢᠲᠤ ᠠᠯᠲᠠᠨ ᠤᠯᠤᠰ ᠨᠢ | ᠤᠮᠠᠷᠠᠲᠤ ᠶᠤᠸᠠᠨ ᠪᠠ ᠮᠢᠩ ᠤᠯᠤᠰ ᠲᠠᠢ ᠵᠡᠷᠭᠡᠴᠡᠨ ᠣᠷᠤᠰᠢᠵᠤ ᠪᠠᠶᠢᠪᠠᠴᠤ᠂ ᠮᠢᠩ ᠤᠯᠤᠰ ᠢ ᠭᠤᠤᠯ ᠳᠠᠶᠢᠰᠤᠨ | ᠢᠶᠠᠷ ᠦᠵᠡᠵᠦ ᠪᠠᠶᠢᠵᠠᠢ᠃ ᠭᠡᠪᠡᠴᠦ ᠮᠢᠩ ᠢ ᠴᠤᠬᠢᠬᠤ ᠳᠤ ᠤᠮᠠᠷᠠ ᠠᠴᠠ ᠢᠷᠡᠬᠦ ᠮᠤᠩᠭᠤᠯ ᠤᠨ ᠳᠤᠪᠲᠤᠯᠤᠯᠲᠠ ᠶᠢ | ᠠᠷᠢᠯᠭᠠᠬᠤ ᠨᠢ ᠬᠠᠮᠤᠭ ᠠᠴᠠ ᠴᠢᠬᠤᠯᠠ ᠲᠤᠯᠠ ᠮᠤᠩᠭᠤᠯ ᠢ ᠡᠵᠡᠯᠡᠵᠦ ᠠᠪᠬᠤ ᠨᠢ ᠲᠡᠭᠦᠨ ᠤ ᠳᠠᠶᠢᠨ ᠤ ᠪᠣᠳᠣᠯᠭᠠ | ᠶᠢᠨ ᠭᠤᠤᠯ ᠬᠠᠷᠠᠯᠲᠠ ᠪᠣᠯᠵᠤ ᠪᠠᠶᠢᠪᠠ᠃ ᠶᠠᠭ ᠡᠨᠡ ᠦᠶᠡᠰ ᠯᠢᠭᠳᠡᠨ ᠬᠤᠳᠤᠭᠲᠤ ᠬᠠᠭᠠᠨ ᠤ ᠬᠤᠷᠴᠢᠨ ᠠᠶᠢᠮᠠᠭ | ᠲᠤ ᠴᠡᠷᠢᠭ ᠬᠥᠳᠡᠯᠭᠡᠭᠰᠡᠨ ᠨᠢ ᠭᠤᠪᠢ ᠶᠢᠨ ᠡᠮᠦᠨᠡᠬᠢ ᠮᠤᠩᠭᠤᠯ ᠢ ᠡᠵᠡᠯᠡᠬᠦ ᠭᠡᠰᠡᠨ ᠨᠤᠷᠬᠠᠴᠢ ᠶᠢᠨ ᠪᠤᠳᠤᠯᠭᠠ ᠳᠤ | ᠠᠰᠢᠭᠲᠠᠢ ᠨᠥᠬᠦᠴᠡᠯ ᠣᠯᠭᠤᠭᠰᠠᠨ ᠪᠠᠶᠢᠨᠠ᠃1625 ᠣᠨ ᠳᠤ ᠯᠢᠭᠳᠡᠨ ᠬᠤᠳᠤᠭᠲᠤ ᠬᠠᠭᠠᠨ ᠬᠤᠷᠴᠢᠨ ᠢ | ᠳᠠᠶᠢᠯᠠᠭᠰᠠᠨ ᠳᠤ ᠬᠤᠷᠴᠢᠨ ᠠᠶᠢᠮᠠᠭ ᠤᠨ ᠲᠦᠷᠦᠭᠦᠦ ᠣᠩᠭᠤᠳᠠᠢ ᠶᠢᠨ ᠬᠦᠦ ᠣᠣᠪᠠ ᠬᠤᠶᠢᠲᠤ ᠠᠯᠲᠠᠨ ᠤᠯᠤᠰ ︵ | ᠮᠠᠨᠵᠤ︶ ᠶᠢᠨ ᠲᠤᠰᠠᠯᠠᠮᠵᠢ ᠪᠠᠷ ᠯᠢᠭᠳᠡᠨ ᠬᠤᠳᠤᠭᠲᠤ ᠬᠠᠭᠠᠨ ᠢ ᠢᠯᠠᠵᠠᠢ᠃ ᠢᠩᠬᠢᠭᠡᠳ ᠯᠢᠭᠳᠡᠨ ᠬᠤᠳᠤᠭᠲᠤ | ᠬᠠᠭᠠᠨ ᠤ ᠴᠡᠷᠢᠭ ᠤᠨ ᠬᠦᠴᠦᠨ ᠢᠶᠠᠷ ᠮᠤᠩᠭᠤᠯ ᠢ ᠨᠢᠭᠡᠳᠭᠡᠬᠦ ᠭᠡᠰᠡᠨ ᠪᠤᠳᠤᠯᠭᠠ ᠨᠢ ᠡᠰᠡᠷᠭᠦ ᠳ᠋ᠦᠩ ᠤᠯᠵᠤ᠂ | ᠮᠤᠩᠭᠤᠯ ᠤᠨ ᠵᠡᠭᠦᠨ ᠲᠠᠯᠠ ᠪᠠᠷ ᠰᠠᠬᠢᠭᠤᠯ ᠪᠣᠯᠵᠤ ᠪᠠᠶᠢᠭᠰᠠᠨ ᠥᠪᠦᠷ ᠲᠠᠪᠤᠨ ᠬᠠᠯᠬᠠ③ ︵ᠪᠠᠭᠠᠷᠢᠨ᠂ | ᠬᠤᠩᠬᠢᠷᠠᠳ᠂ ᠵᠠᠷᠤᠳ᠂ ᠥᠵᠢᠶᠡᠳ᠂ ᠪᠠᠶᠠᠭᠤᠳ︶ ᠯᠢᠭᠳᠡᠨ ᠬᠤᠳᠤᠭᠲᠤ ᠬᠠᠭᠠᠨ ᠠᠴᠠ ᠰᠠᠯᠤᠭᠰᠠᠨ ᠪᠠᠶᠢᠨᠠ᠃ | ﹇1﹈ | ᠠᠤᠬᠠᠨ ᠠᠶᠢᠮᠠᠭ ᠤᠨ ᠲᠥᠷᠥᠭᠦᠦ ᠳᠠᠶᠢᠴᠢᠩ ᠳᠦᠭᠦᠷᠡᠩ ᠤᠨ ᠬᠥᠪᠡᠭᠦᠨ ᠰᠤᠨᠤᠮ ᠳᠦᠭᠦᠷᠡᠩ20᠂ | ᠰᠡᠴᠡᠨᠵᠤᠷᠢᠭᠲᠤ20 ᠬᠤᠶᠠᠷ ᠯᠢᠭᠳᠡᠨ ᠬᠠᠭᠠᠨ ᠤ ᠲᠤᠪᠲᠤᠯᠭᠠ ᠳᠤ ᠳᠤᠷᠠ ᠦᠭᠡᠶᠢᠴᠡᠵᠦ ᠪᠠᠶᠢᠬᠤ ᠳᠤ᠂ ᠮᠢᠩ | ᠤᠯᠤᠰ ᠤᠨ ᠲᠢᠶᠠᠨ ᠴᠢ ︵天启︶ ᠶᠢᠨ ᠳᠤᠯᠤᠳᠤᠭᠠᠷ ᠣᠨ ︵1627︶ ᠤ ᠵᠢᠷᠭᠤᠭᠠᠨ ᠰᠠᠷᠠ ᠳᠤ ᠮᠢᠩ | ᠤᠯᠤᠰ ᠤᠨ ᠡᠯᠴᠢᠨ ᠢᠷᠡᠵᠦ᠂ ᠠᠤᠬᠠᠨ ᠠᠶᠢᠮᠠᠭ ᠢ ᠢᠳᠬᠠᠨ ᠳᠠᠭᠠᠭᠤᠯᠬᠤ ᠭᠡᠰᠡᠨ ᠳᠤ᠂ ᠰᠤᠨᠤᠮ ᠳᠦᠭᠦᠷᠡᠩ᠂ | ᠰᠡᠴᠡᠨᠵᠤᠷᠢᠭᠲᠤ ᠬᠤᠶᠠᠷ ᠴᠠᠭ ᠲᠥᠷᠦ ᠶᠢᠨ ᠥᠩᠭᠡ ᠶᠢ ᠰᠢᠨᠵᠢᠵᠤ᠂ ᠠᠰᠢᠭ ᠬᠤᠤᠷ ᠢ ᠢᠯᠭᠠᠨ ᠬᠡᠮᠵᠢᠶᠡᠯᠡᠭᠡᠳ᠂ | ᠨᠠᠶᠢᠮᠠᠨ ᠠᠶᠢᠮᠠᠭ ᠤᠨ ᠲᠥᠷᠥᠭᠦᠦ ᠡᠰᠡᠨ ᠣᠶᠢᠵᠠᠩ ᠤᠨ ᠬᠥᠪᠡᠭᠦᠨ ᠭᠤᠨᠴᠤᠭ20 ︵ᠮᠥᠨ ᠭᠤᠨᠴᠤᠭᠪᠠᠭᠠᠲᠤᠷ | ᠭᠡᠬᠦ︶ ᠤᠨ ᠬᠠᠮᠲᠤ ᠮᠢᠩ ᠤᠨ ᠡᠯᠴᠢ ᠶᠢ ᠬᠤᠶᠢᠲᠤ ᠠᠯᠲᠠᠨ ᠤᠯᠤᠰ ᠤᠨ ᠨᠡᠶᠢᠰᠯᠡᠯ ᠮᠥᠭᠳᠡᠨ ︵沈阳︶ ᠳᠤ | ᠪᠠᠷᠢᠵᠤ ᠬᠦᠷᠭᠡᠭᠡᠳ᠂ ᠬᠤᠶᠢᠲᠤ ᠠᠯᠲᠠᠨ ᠤᠯᠤᠰ ᠢ ᠳᠠᠭᠠᠵᠠᠢ᠃ ﹇1﹈ | ᠲᠤᠰ ᠬᠡᠷᠡᠭ ᠤᠴᠢᠷ ᠬᠤᠶᠢᠲᠤ ᠠᠯᠲᠠᠨ ᠤᠯᠤᠰ ᠤᠨ ᠬᠠᠨ ᠳᠥᠰᠢᠮᠡᠳ ᠤᠨ ᠠᠩᠬᠠᠷᠤᠯ ᠢ ᠶᠡᠭᠡ ᠲᠠᠲᠠᠵᠤ᠂ | ᠵᠥᠪᠯᠡᠯᠳᠦᠭᠰᠡᠨ ᠤ ᠡᠴᠦᠰ ᠲᠤ᠂ ᠠᠤᠬᠠᠨ ᠠᠶᠢᠮᠠᠭ ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠰᠢᠭᠤᠳ ᠤᠭᠰᠠᠭᠠ ᠮᠥᠨ ᠪᠥᠭᠡᠳ | ᠲᠡᠷᠡ ᠦᠶᠡᠰ60 ᠡᠷᠦᠬᠡ ᠲᠠᠶᠢᠵᠢ7000 ᠬᠤᠶᠠᠭ ︵16—60 ᠨᠠᠰᠤᠨ ᠤ ᠪᠥᠰᠡᠲᠠᠶᠢᠴᠤᠤᠯ︶ ᠲᠠᠢ ᠪᠠᠶᠢᠵᠤ᠂ | ᠴᠡᠷᠢᠭ ᠤᠨ ᠬᠦᠴᠦᠨ ᠴᠢᠬᠢᠷᠠᠭ ᠪᠥᠭᠡᠳ ᠪᠤᠰᠤᠳ ᠠᠶᠢᠮᠠᠭ ᠤᠭᠰᠠᠭᠠ ᠶᠢ ᠨᠥᠯᠥᠭᠡᠯᠡᠬᠦ ᠬᠦᠴᠦᠨ ᠴᠢᠩᠭᠠ ᠭᠡᠵᠤ | ᠦᠵᠡᠵᠦ᠂ ᠤᠷᠤᠭᠤᠯᠵᠤ ᠠᠪᠬᠤ ᠰᠢᠢᠳᠪᠦᠷᠢ ᠭᠠᠷᠭᠠᠭᠰᠠᠨ ᠪᠠᠶᠢᠨᠠ᠃ ﹇2﹈ ᠰᠤᠨᠤᠮ ᠳᠦᠭᠦᠷᠡᠩ ᠨᠠᠷ ᠢ ᠬᠦᠷᠬᠦ | ᠳᠤ ᠬᠤᠸᠠᠩ ᠲᠠᠶᠢᠵᠢ ᠠᠴᠠ ᠬᠠᠮᠤᠭ ᠳᠥᠰᠢᠮᠡᠳ ᠢᠶᠠᠨ ᠳᠠᠭᠠᠭᠤᠯᠤᠨ᠂ ᠮᠥᠭᠳᠡᠨ ᠬᠤᠲᠠᠨ ᠠᠴᠠ ᠪᠠᠨ ᠭᠠᠷᠤᠨ᠂ | ᠶᠡᠭᠡ ᠶᠤᠰᠤᠯᠠᠯ ᠢᠶᠠᠷ ᠤᠭᠲᠤᠭᠰᠠᠨ ᠭᠡᠳᠡᠭ᠃ ᠬᠤᠲᠠᠨ ᠳᠤ ᠤᠷᠤᠭᠰᠠᠨ ᠤ ᠳᠠᠷᠠᠭᠠ᠂ ᠰᠤᠨᠤᠮ ᠳᠦᠭᠦᠷᠡᠩ ᠨᠠᠷ | ᠮᠢᠩ ᠤᠨ ᠪᠢᠴᠢᠭ ᠵᠢᠴᠢ ᠬᠤᠶᠠᠷ ᠡᠯᠴᠢᠨ ᠢ ᠬᠤᠶᠢᠲᠤ ᠠᠯᠲᠠᠨ ᠤᠯᠤᠰ ᠲᠤ ᠳᠤᠰᠢᠶᠠᠪᠠ᠃ ᠠᠤᠬᠠᠨ ᠤ ᠡᠨᠡ | ᠬᠥᠳᠡᠯᠦᠯ ᠲᠤᠬᠠᠢ ᠶᠢᠨ ᠦᠶᠡᠰ ᠬᠤᠶᠢᠲᠤ ᠠᠯᠲᠠᠨ᠂ ᠮᠢᠩ᠂ ᠤᠮᠠᠷᠠᠲᠤ ᠶᠤᠸᠠᠨ ᠤᠯᠤᠰ ᠲᠤ ᠶᠡᠭᠡ ᠳᠤᠷᠭᠢᠯᠲᠠ | ᠠᠪᠴᠢᠷᠠᠭᠰᠠᠨ ᠪᠠᠶᠢᠨᠠ᠃ | ᠠᠤᠬᠠᠨ ᠠᠶᠢᠮᠠᠭ ᠤᠨ ᠠᠬᠠᠯᠠᠭᠴᠢ ᠰᠣᠨᠣᠮ ᠳᠦᠭᠦᠷᠡᠩ20᠂ ᠰᠡᠴᠡᠨᠵᠣᠷᠢᠭᠲᠦ20 ᠴᠢᠩ ᠣᠯᠣᠰ ᠢ | ᠳᠠᠭᠠᠭᠰᠠᠨ ᠤ ᠳᠠᠷᠠᠭᠠ᠂ ᠴᠢᠩ ᠣᠯᠣᠰ ᠤᠨ ᠲᠡᠭᠷᠢ ᠶᠢᠨ ᠰᠡᠴᠡᠨ ᠤ ᠠᠩᠬᠠᠨ ᠤ ᠣᠨ ᠤ ᠠᠷᠪᠠᠨ ᠬᠤᠶᠠᠷ | ᠰᠠᠷᠠ ᠳᠤ᠂ ᠬᠤᠩ ᠲᠠᠶᠢᠵᠢ ᠥᠪᠡᠷ ᠤᠨ ᠡᠬᠡ ᠥᠭᠡᠷᠡ ᠲᠠᠢ ᠡᠭᠡᠴᠢ᠂ ᠨᠣᠷᠬᠠᠴᠢ ᠶᠢᠨ ᠭᠤᠷᠪᠠᠳᠤᠭᠠᠷ ᠥᠬᠢᠨ | ᠮᠠᠩᠭᠦᠵᠢ ︵ᠬᠠᠳᠠ︶ ᠭᠦᠩᠵᠦ ᠶᠢ ᠰᠣᠨᠣᠮ ᠳᠦᠭᠦᠷᠡᠩ ᠳᠤ ᠪᠠᠭᠤᠯᠭᠠᠨ ᠥᠭᠴᠦ᠂ ᠺᠠᠢ ᠶᠤᠸᠠᠨ开原 ᠤ | ᠮᠠᠯᠵᠢᠯ ᠤᠨ ᠭᠠᠵᠠᠷ ︵ᠡᠳᠦᠭᠡ ᠲᠢᠶᠧ ᠯᠢᠩ ᠬᠤᠲᠠ ᠶᠢᠨ ᠬᠠᠪᠢ ᠳᠤ ᠪᠤᠢ︶ ᠢ ᠡᠵᠡᠯᠡᠭᠦᠯᠦᠨ ᠰᠠᠭᠤᠯᠭᠠᠪᠠᠢ᠃ | ︵ᠮᠠᠩᠭᠦᠵᠢ ᠭᠦᠩᠵᠦ ᠮᠢᠩ ᠤᠯᠤᠰ ᠤᠨ ᠸᠠᠨ ᠯᠢ ᠶᠢᠨ ᠠᠷᠪᠠᠨ ᠨᠠᠢᠮᠠᠨ ᠣᠨ ﹇1590﹈ ᠳᠤ ᠲᠥᠷᠥᠪᠡ᠃ | ᠲᠡᠭᠦᠨ ᠤ ᠡᠬᠡ ᠠᠨᠤ ᠨᠤᠷᠬᠠᠴᠢ ᠶᠢᠨ ᠵᠠᠯᠭᠠᠭᠰᠠᠨ ᠳᠠᠲᠠᠪᠤᠷᠢ ᠹᠦ᠋ ᠴᠠ ᠣᠪᠣᠭᠲᠤ ﹇继妃富察氏﹈ | ᠪᠤᠶᠤ᠃ ᠠᠷᠪᠠᠨ ᠬᠤᠶᠠᠷ ᠨᠠᠰᠤᠨ ᠳᠤ ᠨᠢ ᠬᠠᠳᠠ ᠠᠶᠢᠮᠠᠭ ᠤᠨ ᠨᠠᠯᠠ ᠣᠪᠣᠭᠲᠤ ᠥᠷᠭᠦᠳᠠᠢ ᠳᠤ ᠥᠭᠭᠦᠭᠰᠡᠨ ᠠᠴᠠ | ᠪᠠᠰᠠ ﹇ᠬᠠᠳᠠ ᠭᠦᠩᠵᠦ﹈ ᠬᠡᠮᠡᠨ ᠳᠠᠭᠤᠳᠠᠳᠠᠭ ᠪᠤᠶᠤ᠃ 1626 ᠣᠨ ᠳᠤ ᠥᠷᠭᠦᠳᠡᠢ ᠨᠠᠰᠤ ᠪᠠᠷᠠᠵᠤ᠂ 1627 | ᠣᠨ ᠳᠤ12 ᠰᠠᠷᠠ ᠶᠢᠨ22 ᠤ ᠡᠳᠦᠷ᠂ 38 ᠨᠠᠰᠤᠲᠠᠢ ᠮᠠᠩᠭᠦᠵᠢ ᠳᠠᠬᠢᠨ ᠠᠤᠬᠠᠨ ᠤ ᠰᠤᠨᠤᠮᠳᠦᠭᠦᠷᠡᠩ ᠳᠤ | ᠮᠣᠷᠳᠠᠪᠠ᠃ ᠮᠠᠩᠭᠦᠵᠢ ᠳᠡᠭᠡᠷᠡᠩᠭᠦᠢ ᠲᠣᠭᠰᠢᠨ ᠠᠴᠠ ᠪᠣᠯᠵᠤ᠂ 1635 ᠣᠨ ᠳᠤ ᠭᠡᠭᠡ ᠴᠣᠯᠠ ᠪᠠᠨ ᠬᠤᠰᠤᠭᠳᠠᠵᠤ | ᠂ ᠡᠩ ᠤᠨ ᠠᠷᠠᠳ ᠪᠣᠯᠭᠠᠨ᠂ ᠣᠶᠢᠷᠠ ᠲᠥᠷᠥᠭᠰᠡᠨ ᠲᠠᠢ ᠪᠠᠨ ᠶᠠᠪᠤᠯᠴᠠᠵᠤ ᠪᠣᠯᠬᠤ ᠦᠭᠡᠢ ᠬᠡᠮᠡᠨ ᠶᠠᠯᠠᠯᠠᠪᠠᠢ᠃ | ᠲᠤᠰ ᠵᠢᠯ ᠵᠠᠷᠤᠳᠠᠰᠤ ᠨᠢ ᠲᠡᠭᠦᠨ ᠢ ᠡᠬᠡ ᠨᠢᠭᠡᠲᠡᠢ ᠠᠬᠠ ᠮᠠᠩᠭᠦᠷᠲᠡᠢ ᠲᠠᠢ ᠬᠤᠤᠪᠢᠯᠳᠤᠨ ᠬᠠᠭᠠᠨ ᠰᠠᠭᠤᠷᠢᠨ | ᠪᠤᠯᠢᠶᠠᠬᠤ ᠭᠡᠪᠡ ᠭᠡᠵᠤ ᠢᠯᠡᠴᠢᠯᠡᠭᠡᠳ᠂ ᠮᠠᠩᠭᠦᠵᠢ ᠠᠯᠠᠭᠳᠠᠪᠠ᠃︶ | ᠰᠡᠴᠡᠨᠵᠤᠷᠢᠭᠲᠦ 20 ᠳᠤ ᠳᠤᠤᠷᠠᠯ ᠪᠠᠭᠠᠲᠤᠷ ︵ᠲᠡᠷᠢᠭᠦᠨ ᠵᠡᠷᠭᠡ ᠶᠢᠨ ᠪᠠᠭᠠᠲᠤᠷ ᠭᠡᠬᠦ ᠤᠳᠬᠠ ᠲᠠᠢ︶ | ᠴᠤᠯᠠ ᠰᠤᠶᠤᠷᠬᠠᠨ᠂ ᠤᠭ ᠨᠤᠲᠤᠭ ᠲᠤ ᠨᠢ ᠪᠤᠴᠠᠭᠠᠵᠤ᠂ ᠠᠤᠬᠠᠨ ᠠᠶᠢᠮᠠᠭ ᠤᠨ ᠪᠦᠬᠦ ᠡᠷᠬᠡ ᠶᠢ ᠵᠠᠬᠢᠷᠠᠭᠤᠯᠪᠠᠢ᠃ | ᠲᠡᠭᠷᠢ ᠶᠢᠨ ᠰᠡᠴᠡᠨ ᠤ ᠠᠩᠬᠠᠨ ᠤ ᠣᠨ ︵1627︶ ᠤ ᠠᠷᠪᠠᠨ ᠬᠤᠶᠠᠷ ᠰᠠᠷᠠ ᠳᠤ᠂ ᠰᠡᠴᠡᠨᠵᠤᠷᠢᠭᠲᠤ ᠠᠴᠠ | ᠬᠤᠩ ᠲᠠᠶᠢᠵᠢ ᠲᠠᠢ ᠬᠤᠳᠠ ᠤᠷᠤᠭ ᠪᠣᠯᠣᠯᠴᠠᠬᠤ ᠶᠢ ᠭᠤᠶᠤᠭᠰᠠᠨ ᠳᠤ᠂ ᠬᠤᠩ ᠲᠠᠶᠢᠵᠢ ᠳᠣᠯᠣᠭᠠᠨ ᠨᠠᠰᠤᠲᠠᠢ | ᠠᠬᠠᠮᠠᠳᠥᠬᠢᠨᠠᠮᠪᠠ ᠪᠠᠨ ᠰᠡᠴᠡᠨᠵᠤᠷᠢᠭᠲᠤ 20 ᠶᠢᠨ ᠬᠥᠪᠡᠭᠦᠨ ᠪᠠᠨᠳᠢ21 ᠳᠤ ᠥᠭᠬᠦ ᠪᠠᠷ ᠠᠮᠠ ᠠᠯᠳᠠᠪᠠᠢ᠃ | 1631 ᠣᠨ ᠳᠤ ᠰᠡᠴᠡᠨᠵᠤᠷᠢᠭᠲᠤ ᠮᠢᠩ ᠤᠯᠤᠰ ᠢ ᠳᠠᠶᠢᠯᠠᠭᠠᠳ ᠪᠤᠴᠠᠬᠤ ᠵᠠᠮ ᠳᠠᠭᠠᠨ ᠨᠠᠰᠤ | ᠪᠠᠷᠠᠭᠰᠠᠨ ᠠᠴᠠ ᠰᠡᠭᠦᠯᠡᠷ᠂ 1633 ᠣᠨ ᠳᠤ᠂ ᠴᠢᠩ ᠤᠯᠤᠰ ᠤᠨ ᠲᠡᠭᠷᠢ ᠶᠢᠨ ᠰᠡᠴᠡᠨ ᠬᠠᠭᠠᠨ ᠬᠤᠩ ᠲᠠᠶᠢᠵᠢ᠂ | ᠤᠯᠠᠭᠠᠨ ᠨᠠᠷᠠᠨ ᠤᠪᠤᠭᠲᠤ ᠬᠠᠲᠤᠨ ᠠᠴᠠ ᠪᠠᠨᠮᠡᠨᠳᠦᠯᠡᠭᠰᠡᠨ ᠠᠬᠠᠮᠠᠳ ᠥᠬᠢᠨ ᠠᠮᠪᠠ ︵阿木巴︶ ᠪᠠᠨ | ᠠᠷᠪᠠᠨ ᠭᠤᠷᠪᠠᠨ ᠨᠠᠰᠤᠲᠠᠢ ᠳᠤ ᠨᠢ ᠰᠡᠴᠡᠨᠵᠤᠷᠢᠭᠲᠤ ᠶᠢᠨ ᠬᠥᠪᠡᠭᠦᠨ ᠪᠠᠨᠳᠢ21 ᠳᠤ ᠪᠠᠭᠤᠯᠭᠠᠨ ᠥᠭᠴᠦ᠂ | ᠪᠠᠨᠳᠢ ᠪᠠᠷ ᠡᠴᠢᠭᠡ ᠶᠢᠨ ᠬᠢᠨᠢ ᠬᠡᠷᠬᠡᠮ ᠢ ᠵᠠᠯᠭᠠᠮᠵᠢᠯᠠᠭᠤᠯᠪᠠᠢ᠃ | 1634ᠣᠨ ᠳᠤ ︵ᠲᠡᠭᠷᠢ ᠶᠢᠨ ᠰᠡᠴᠡᠨ ᠤ ᠨᠠᠢᠮᠠᠳᠤᠭᠠᠷ ᠣᠨ︶ ᠬᠤᠩ ᠲᠠᠶᠢᠵᠢ ᠨᠠᠭᠠᠴᠤ ᠠᠰᠢ ᠳᠠᠷᠬᠠᠨ | ᠪᠣᠯᠣᠨ ᠳᠠᠶᠠᠴᠢ ᠲᠠᠪᠤᠨᠠᠩ ᠢ ᠮᠣᠩᠭᠤᠯ ᠭᠠᠵᠠᠷ ᠲᠣᠮᠢᠯᠠᠨ᠂ ᠠᠤᠬᠠᠨ᠂ ᠨᠠᠢᠮᠠᠨ᠂ ᠣᠩᠨᠢᠭᠤᠳ᠂ ᠪᠠᠭᠠᠷᠢᠨ᠂ ᠠᠷᠤ | ᠬᠤᠷᠴᠢᠨ᠂ ᠵᠠᠷᠤᠳ᠂ ᠬᠠᠷᠠᠴᠢᠨ᠂ ᠲᠦᠮᠡᠳ᠂ ᠳᠥᠷᠪᠡᠨ ᠬᠡᠦᠬᠡᠳ ᠤᠨ ᠠᠶᠢᠮᠠᠭ᠂ ᠤᠷᠠᠳ ᠵᠡᠷᠭᠡ ᠠᠶᠢᠮᠠᠭ ᠤᠨ | ᠲᠦᠷᠦᠭᠦᠴᠦᠳ ᠢ ᠣᠳᠣ ᠶᠢᠨ ᠵᠢᠷᠢᠮ ᠠᠶᠢᠮᠠᠭ ᠤᠨ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠶᠢᠲᠤ ᠬᠤᠰᠢᠭᠤᠨ ᠤ | ᠱᠣᠩᠬᠤᠷ ᠤᠨ ᠠᠭᠤᠯᠠᠨ ᠳᠤ ᠴᠢᠭᠤᠯᠭᠠᠨ ᠬᠢᠯᠭᠡᠵᠦ᠂ ᠡᠯᠡ ᠠᠶᠢᠮᠠᠭ ᠤᠨ ᠬᠤᠭᠤᠷᠣᠨᠳᠤᠬᠢ ᠮᠠᠯᠵᠢᠬᠤ ᠬᠢᠯᠢ | ᠬᠢᠵᠠᠭᠠᠷ ᠢ ᠢᠯᠭᠠᠪᠤᠷᠢᠯᠠᠨ ᠲᠣᠭᠲᠠᠭᠠᠵᠤ᠂ ᠡᠷᠦᠬᠡ ᠠᠮᠠ ᠶᠢᠨ ᠲᠤᠭᠠ ᠶᠢ ᠳᠠᠩᠰᠠᠯᠠᠵᠤ᠂ ᠬᠠᠤᠯᠢ ᠴᠠᠭᠠᠵᠠ ᠶᠢ | ᠤᠬᠠᠭᠤᠯᠤᠨ ᠮᠡᠳᠡᠭᠳᠡᠵᠡᠢ᠃ ᠴᠢᠩ ᠤᠯᠤᠰ ᠤᠨ ︽ᠮᠣᠩᠭᠤᠯ ᠬᠤᠰᠢᠭᠤ ᠨᠤᠲᠤᠭ ᠤᠨ ᠲᠡᠮᠳᠡᠭᠯᠡᠯ︾ ᠳᠤ ︽ᠠᠤᠬᠠᠨ | ᠨᠢᠭᠡ ᠬᠤᠰᠢᠭᠤ ᠪᠣᠯᠣᠨ ᠲᠣᠭᠲᠠᠪᠠᠢ ᠃ ᠲᠡᠭᠦᠨ ᠤ ᠨᠤᠲᠤᠭ ᠤᠨ ᠭᠠᠵᠠᠷ ᠠᠨᠤ ᠯᠤᠤᠬᠠ ᠶᠢᠨ ᠭᠤᠣᠯ ᠢ ᠬᠠᠪᠴᠢᠵᠤ | ᠪᠣᠢ᠃ ᠵᠡᠭᠦᠨᠰᠢ ᠬᠠᠷᠠ ᠣᠷᠣᠢ᠂ ᠡᠮᠦᠨᠡᠰᠢ ᠬᠠᠯᠠᠭᠠ ᠳᠠᠪᠠᠭᠠ ︵ᠪᠠᠰᠠ ᠴᠦ ᠴᠠᠭᠠᠨ ᠰᠤᠪᠤᠷᠭᠠᠨ ᠳᠠᠪᠠᠭᠠ ᠭᠡᠳᠡᠭ ᠂ | ᠪᠠᠷᠠᠭᠤᠨᠰᠢ ᠠᠯᠢᠮᠠᠲᠦ ᠳᠠᠪᠠᠭᠠ᠂ ᠬᠤᠶᠢᠰᠢ ᠶᠣᠯᠣ ᠳᠠᠪᠠᠭᠠ( ᠠᠰᠢᠬᠠᠨ ᠰᠤᠮᠤᠨ ᠤ ᠶᠣᠯᠣ ᠶᠢᠨ ᠠᠭᠤᠯᠠ︶᠂ | ᠵᠡᠭᠦᠨ ᠡᠮᠦᠨᠡᠰᠢ ᠭᠤᠷᠪᠠᠯᠵᠢᠨ ᠰᠢᠨᠠ ᠠᠲᠠᠷ᠂ ᠪᠠᠷᠠᠭᠤᠨ ᠡᠮᠦᠨᠡᠰᠢ ᠬᠤᠪᠳᠤᠲᠤ ᠬᠠᠷᠠ᠂ ᠵᠡᠭᠦᠨ ᠬᠤᠶᠢᠰᠢ ᠲᠡᠭᠡᠴᠡᠲᠦ | ᠂ ᠪᠠᠷᠠᠭᠤᠨ ᠬᠤᠶᠢᠰᠢ ᠤᠯᠠᠭᠠᠨ ᠰᠦᠮᠡ ᠬᠦᠷᠴᠦᠬᠦᠢ᠃︾ ᠭᠡᠵᠤ ᠲᠣᠳᠣᠷᠬᠠᠢ ᠲᠡᠮᠳᠡᠭᠯᠡᠵᠦ ᠪᠠᠶᠢᠨᠠ᠃ ﹇3﹈ | 1636 ᠣᠨ ᠳᠤ ᠴᠢᠩ ᠤᠯᠤᠰ ᠤᠨ ᠲᠡᠭᠷᠢ ᠰᠡᠴᠡᠨ ᠬᠠᠭᠠᠨ ︵天聪︶ ᠠᠴᠠ ᠵᠠᠷᠯᠢᠭ ᠪᠠᠭᠤᠯᠭᠠᠵᠤ᠂ | ᠬᠠᠶᠢᠷᠠᠲᠤ ᠥᠬᠢᠨ ᠠᠮᠪᠠ ᠪᠠᠨ ᠲᠥᠷᠥ ᠶᠢᠨ ᠭᠦᠩᠵᠦ ᠡᠷᠭᠦᠮᠵᠢᠯᠡᠵᠦ᠂ ᠪᠠᠨᠳᠢ21 ᠶᠢ ᠲᠥᠷᠥ ᠶᠢᠨ ᠡᠹᠦ᠋᠂ ᠵᠠᠰᠠᠭ | ᠲᠥᠷᠥ ᠶᠢᠨ ᠵᠢᠶᠦ᠋ᠨ ᠸᠠᠩ ᠪᠣᠯᠭᠠᠪᠠᠢ᠃ ᠡᠭᠦᠨ ᠠᠴᠠ ᠡᠬᠢᠯᠡᠨ ᠠᠤᠬᠠᠨ ᠠᠶᠢᠮᠠᠭ ᠠᠤᠬᠠᠨ ᠬᠤᠰᠢᠭᠤ ᠪᠣᠯᠪᠠ᠃ | ᠬᠤᠰᠢᠭᠤᠨ ᠵᠠᠰᠠᠭ ᠸᠠᠩ ᠤᠨ ᠣᠷᠳᠣᠨ ᠢ ᠭᠤᠷᠪᠠᠨ ᠲᠤᠯᠭᠠ ᠠᠭᠤᠯᠠ ᠵᠢᠨᠡᠩᠭᠡᠷ᠂ ᠮᠥᠩᠬᠡ ᠭᠤᠣᠯ ᠤᠨᠠᠷᠤ ᠳᠤ | ᠪᠠᠶᠢᠭᠤᠯᠵᠤ᠂ ᠭᠠᠵᠠᠷ ᠨᠤᠲᠤᠭ ᠤᠨ ᠬᠡᠪᠴᠢᠶᠡ ᠯᠤᠤᠬᠠ ᠶᠢᠨ ᠭᠤᠣᠯ ᠤᠨ ᠬᠤᠶᠠᠷ ᠬᠥᠪᠡᠭᠡ ᠳᠠᠭᠠᠤ ᠡᠮᠦᠨᠡᠰᠢ | ᠬᠤᠶᠢᠰᠢ280 ᠢᠯᠡᠭᠦᠦ ᠭᠠᠵᠠᠷ ᠤᠷᠲᠤ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ160 ᠭᠠᠵᠠᠷ ᠰᠢᠬᠠᠮ ᠥᠷᠭᠡᠨ᠂ ᠨᠢᠭᠡᠴᠢ 55 | ᠰᠤᠮᠤ᠂ ᠬᠠᠷᠢᠶᠠᠲᠤ ᠠᠷᠠᠳ1800 ᠢᠯᠡᠭᠦᠦ ᠡᠷᠦᠬᠡ᠂ ᠲᠠᠶᠢᠵᠢ60 ᠡᠷᠦᠬᠡ᠃ ᠵᠢᠶᠦ᠋ᠨ ᠸᠠᠩ ᠪᠠᠨᠳᠢ ᠠᠤᠬᠠᠨ | ᠬᠤᠰᠢᠭᠤ ᠶᠢ ᠳᠥᠷᠪᠡᠨ ᠶᠡᠭᠡ ᠲᠣᠭᠤᠷᠢᠭ ᠬᠤᠪᠢᠶᠠᠵᠤ ᠶᠡᠷᠦᠩᠬᠡᠶᠢᠯᠡᠨ ᠵᠠᠬᠢᠷᠴᠤ ᠪᠠᠶᠢᠪᠠ᠃ ﹇2﹈ | 1637ᠣᠨ ᠳᠤ ᠰᠣᠨᠣᠮ ᠳᠦᠭᠦᠷᠡᠩ20 ᠳᠤᠷᠠ ᠪᠠᠷ ᠳᠠᠷᠬᠠᠨ ᠠᠭᠤᠯᠠᠨ ᠳᠤ ᠠᠪᠠ ᠲᠠᠯᠪᠢᠭᠰᠠᠨ ᠤᠴᠢᠷ | ᠪᠤᠷᠤᠭᠤᠳᠠᠵᠤ᠂ ᠤᠤᠯ ᠨᠤᠲᠤᠭ ᠠᠤᠬᠠᠨ ᠬᠤᠰᠢᠭᠤᠨ ᠳᠠᠭᠠᠨ ᠪᠤᠴᠠᠵᠤ ᠢᠷᠡᠪᠡ᠃ ᠡᠨᠡ ᠦᠶᠡᠰ ᠰᠡᠴᠡᠨᠵᠤᠷᠢᠭᠲᠤ | ᠨᠢᠭᠡᠨᠲᠡ ᠨᠠᠰᠤ ᠪᠠᠷᠠᠭᠰᠠᠨ ᠲᠤᠯᠠ᠂ ᠬᠥᠪᠡᠭᠦᠨ ᠨᠢ ᠪᠠᠨᠳᠢ ᠠᠪᠠᠭᠠ ᠠᠪᠤ ᠪᠠᠨ ᠤᠯᠠᠭᠠᠨ ᠵᠤ ᠭᠡᠬᠦ ᠭᠠᠵᠠᠷ ᠲᠤ | ᠨᠤᠲᠤᠭᠯᠠᠭᠤᠯᠵᠤ᠂ ᠳᠠᠭᠠᠭᠤᠯᠵᠤ ᠠᠪᠴᠢᠷᠠᠭᠰᠠᠨ24 ᠡᠷᠦᠬᠡ ᠲᠠᠶᠢᠵᠢ᠂ 2000 ᠠᠯᠪᠠᠲᠤ ᠶᠢ ᠨᠢ ᠬᠠᠮᠢᠶᠠᠷᠠᠭᠤᠯᠪᠠ | ᠃ ᠰᠣᠨᠣᠮ ᠳᠦᠭᠦᠷᠡᠩ ᠬᠡᠳᠦᠶᠢᠪᠡᠷ ᠬᠡᠷᠬᠡᠮ ᠵᠡᠷᠭᠡ ᠲᠠᠢ ᠴᠦ᠂ ᠵᠠᠰᠠᠭ ᠤᠨ ᠡᠷᠬᠡ ᠦᠭᠡᠢ ᠲᠤᠯᠠ᠂ ᠪᠠᠰᠠ ︽ | ᠬᠠᠶᠢᠷᠠ ᠶᠢᠨ ᠸᠠᠩ︾ ᠭᠡᠵᠤ ᠳᠠᠭᠤᠳᠠᠳᠠᠭ᠃1648 ᠣᠨ ᠳᠤ ᠬᠠᠶᠢᠷᠠ ᠶᠢᠨ ᠸᠠᠩᠰᠣᠨᠣᠮ ᠳᠦᠭᠦᠷᠡᠩ ᠤᠨ | ᠬᠥᠪᠡᠭᠦᠨ ᠮᠠᠰᠢᠭ ᠲᠤ ᠵᠠᠰᠠᠭ ᠲᠥᠷᠥ ᠶᠢᠨ ᠸᠠᠩ ᠤᠨ ᠬᠡᠷᠬᠡᠮ ᠰᠣᠶᠣᠷᠬᠠᠵᠤ ︵ᠰᠣᠨᠣᠮ ᠳᠦᠭᠦᠷᠡᠩ ᠸᠠᠩ | ᠭᠠᠴᠢᠭᠳᠠᠨ ᠵᠣᠪᠠᠭᠰᠠᠭᠠᠷ ᠪᠠᠶᠢᠭᠠᠳ1644 ᠣᠨ ᠳᠤ ᠨᠠᠰᠤ ᠪᠠᠷᠠᠵᠠᠢ︶᠂ ᠬᠠᠶᠢᠷᠠ ᠶᠢᠨ ᠸᠠᠩ ᠤᠨ ᠣᠷᠳᠣᠨ ᠤ | ᠬᠠᠮᠢᠶᠠᠲᠤ ᠪᠠᠨ ᠬᠠᠮᠢᠶᠠᠷᠴᠤ᠂ ᠠᠤᠬᠠᠨ ᠵᠠᠰᠠᠭ ᠢ ᠬᠠᠪᠰᠤᠷᠠᠨ ᠬᠠᠮᠢᠶᠠᠷᠪᠠ᠃ ᠡᠭᠦᠨ ᠠᠴᠠ ᠪᠠᠨᠳᠢ21᠂ᠮᠠᠰᠢᠭ21 | ᠠᠬᠠ ᠳᠡᠭᠦᠦ ᠬᠤᠶᠠᠭᠤᠯᠠ ᠤᠨ ᠬᠤᠶᠢᠴᠢᠰ ᠠᠤᠬᠠᠨ ᠬᠤᠰᠢᠭᠤ ᠶᠢ ᠦᠶᠡ ᠤᠯᠠᠷᠢᠨ ᠵᠠᠯᠭᠠᠮᠵᠢᠯᠠᠪᠠᠢ᠃ ﹇2﹈ | 3᠂ ᠠᠤᠬᠠᠨ ᠬᠤᠰᠢᠭᠤ ᠭᠤᠷᠪᠠ ᠬᠤᠪᠢᠶᠠᠭᠳᠠᠭᠰᠠᠨ | 1910 ᠣᠨ ︵ᠬᠡᠪᠲᠦ ᠶᠤᠰᠤᠲᠤ ᠶᠢᠨ ᠬᠤᠶᠠᠳᠤᠭᠠᠷ ᠣᠨ︶ ᠤ4 ᠰᠠᠷᠠ ᠳᠤ ᠡᠵᠡᠨ ᠵᠤᠷᠭᠠᠨ | ᠵᠦᠪᠰᠢᠶᠡᠷᠡᠵᠤ᠂ ᠠᠤᠬᠠᠨ ᠤ ᠰᠤᠯᠠ ᠸᠠᠩ ᠰᠧᠷᠡᠩᠳᠣᠨᠣᠷᠣᠪ 29 ︵ᠰᠤᠨᠤᠮ ᠳᠦᠭᠦᠷᠡᠩ ᠤᠨ ᠠᠷᠪᠠᠳᠣᠭᠠᠷ ᠦᠶᠡ | ᠶᠢᠨ ᠠᠴᠢ︶ ᠢ ᠸᠠᠩ ᠡᠷᠭᠦᠮᠵᠢᠯᠡᠵᠦ᠂ ᠠᠤᠬᠠᠨ ᠬᠤᠰᠢᠭᠤᠨ ᠠᠴᠠ20 ᠰᠣᠮᠣ ᠶᠢ ᠬᠤᠪᠢᠶᠠᠨ ᠭᠠᠷᠭᠠᠵᠤ ᠠᠤᠬᠠᠨ | ᠪᠠᠷᠠᠭᠤᠨ ᠬᠤᠰᠢᠭᠤ ᠭᠡᠪᠡ᠃ ᠸᠠᠩ ᠤᠨ ᠤᠷᠳᠤ ᠪᠠᠨ ᠬᠠᠶᠢᠷᠠ ᠶᠢᠨ ᠸᠠᠩ ᠤᠨ ᠬᠤᠷᠢᠶᠠᠨ ᠳᠤ ᠪᠠᠶᠢᠭᠤᠯᠪᠠ᠃ ᠤᠭ | ᠤᠨ ᠬᠤᠰᠢᠭᠤᠨ ᠵᠠᠰᠠᠭ ᠢ ᠠᠤᠬᠠᠨ ᠵᠡᠭᠦᠨ ᠬᠤᠰᠢᠭᠤ ᠭᠡᠵᠤ᠂ ᠦᠯᠡᠳᠡᠭᠰᠡᠨ35 ᠰᠣᠮᠣ ᠶᠢ ᠨᠢ ᠬᠠᠮᠢᠶᠠᠷᠠᠭᠤᠯᠪᠠ᠃ | ᠲᠤᠮᠳᠠᠳᠤ ᠢᠷᠭᠡᠨ ᠤᠯᠤᠰ ᠤᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠣᠨ ︵1922︶ ᠳᠤ᠂ ᠠᠤᠬᠠᠨ ᠤ ᠪᠠᠶᠢᠰᠠ | ᠳ᠋ᠧᠰᠡᠷᠠᠶᠢᠲ᠋ᠥᠪ ︵ᠪᠠᠨᠳᠢ ᠶᠢᠨ ᠠᠬᠠᠮᠠᠳ ᠬᠥᠪᠡᠭᠦᠨ ᠮᠡᠷᠭᠡᠨᠪᠠᠭᠠᠲᠤᠷ ᠠᠤᠬᠠᠨ ᠸᠠᠩ ᠰᠠᠭᠤᠪᠠ᠂ ᠮᠡᠷᠭᠡᠨᠪᠠᠭᠠᠲᠤᠷ ᠤᠨ | ᠬᠤᠶᠠᠳᠤᠭᠠᠷ ᠬᠥᠪᠡᠭᠦᠨ ᠭᠤᠮᠪᠤ ᠶᠢᠨ ᠬᠤᠶᠢᠴᠢᠰ ᠠᠤᠬᠠᠨ ᠪᠠᠶᠢᠰᠠ ᠪᠤᠯᠪᠠ︶᠂ ᠳᠤᠮᠳᠠᠳᠤ ᠢᠷᠭᠡᠨ ᠤᠯᠤᠰ ᠤᠨ | ᠵᠥᠪᠰᠢᠶᠡᠷᠡᠯ ᠲᠠᠢ ᠪᠠᠷ᠂ ᠵᠠᠭᠦᠨ ᠠᠤᠬᠠᠨ ᠬᠤᠰᠢᠭᠤᠨ ᠠᠴᠠ ᠠᠷᠪᠠᠨ ᠰᠣᠮᠣ ᠰᠠᠯᠭᠠᠨ᠂ ᠠᠤᠬᠠᠨ ᠡᠮᠦᠨᠡᠲᠦ | ᠬᠤᠰᠢᠭᠤ ᠶᠢ ᠪᠠᠶᠢᠭᠤᠯᠵᠤ᠂ ᠸᠠᠩ ᠤᠨ ᠤᠷᠳᠤᠨ ᠢᠶᠠᠨ ᠪᠠᠶᠢᠰᠠ ᠶᠢᠨ ᠬᠤᠷᠢᠶᠠᠨ ᠳᠤ ᠲᠠᠯᠪᠢᠭᠰᠠᠨ ᠪᠠᠶᠢᠪᠠ᠃ ﹇4﹈ | ᠢᠩᠭᠢᠵᠦ ᠪᠥᠲᠦᠨ ᠪᠠᠶᠢᠭᠰᠠᠨ ᠨᠢᠭᠡ ᠬᠤᠰᠢᠭᠤ ᠭᠤᠷᠪᠠᠨ ᠲᠡᠰᠢ ᠰᠠᠳᠠᠷᠠᠵᠤ᠂ ᠬᠦᠴᠦᠲᠡᠢ ᠪᠠᠶᠢᠭᠰᠠᠨ ᠨᠢᠭᠡᠨ | ᠠᠶᠢᠮᠠᠭ ᠡᠯᠡᠰᠦ ᠬᠤᠮᠠᠭ ᠮᠡᠲᠦ ᠬᠡᠶᠢᠰᠪᠡ᠃ | ﹇1﹈ ᠪᠠᠨᠳᠢ ᠡᠹᠦ᠋ ᠵᠢᠴᠢ ᠲᠡᠭᠦᠨ ᠤ ᠬᠤᠶᠢᠴᠢᠰ—— ᠪᠤᠤ ᠰᠢ | ﹇2﹈ ᠠᠤᠬᠠᠨ ᠪᠤᠷᠵᠢᠬᠢᠨ ᠤᠪᠤᠭᠲᠠᠳ ᠤᠨ ᠦᠶᠡ ᠵᠠᠯᠭᠠᠮᠵᠢᠯᠠᠯ ᠤᠨ ᠲᠤᠬᠠᠢ—— ᠰᠤᠳᠪᠤᠤ | ﹇3﹈敖汉部落史——吴永善 | ﹇4﹈ ᠠᠤᠬᠠᠨ ᠬᠤᠰᠢᠭᠤᠨ ᠤ ᠡᠴᠦᠰ ᠤᠨ ᠸᠠᠩ ᠬᠢᠭᠡᠳ ᠲᠡᠭᠦᠨ ᠤ ᠤᠭ ᠤᠭᠰᠠᠭᠠ—— ᠪᠤᠤ ᠰᠢ | ① ᠡᠨᠡ ᠨᠢ ᠶᠠᠷᠢᠶᠠᠨ ᠤ ᠬᠡᠯᠡ ᠮᠠᠶ᠋ᠢᠭᠲᠠᠢ᠃ ᠤᠳᠤ ᠴᠦ ᠭᠡᠰᠡᠨ ︽ᠠᠤᠬᠠᠨ ᠤ ᠬᠥᠮᠥᠨ︾ ᠭᠡᠰᠡᠨ ᠦᠭᠡ | ᠶᠢ ᠮᠠᠨ ᠤ ᠨᠤᠲᠤᠭ ᠲᠤ ︽ᠠᠤᠬᠠᠨ ᠨᠠᠢ ᠬᠥᠮᠥᠨ︾ ᠭᠡᠵᠤ ᠬᠡᠯᠡᠳᠡᠭ᠃ ᠡᠨᠡ ᠶᠠᠷᠢᠶᠠᠨ ᠤ ᠬᠡᠯᠡᠯᠭᠡ ᠶᠢ ︽ᠠᠤᠬᠠᠨ | ᠢ ᠬᠥᠮᠥᠨ︾ ᠭᠡᠵᠤ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠵᠤ ᠮᠠᠭᠠᠳ᠃ | ② ᠯᠢᠭᠳᠡᠨ ᠬᠤᠳᠤᠭᠲᠤ1592 ᠣᠨ ᠳᠤ ᠲᠥᠷᠥᠵᠤ᠂1604 ᠣᠨ ᠳᠤ ᠬᠠᠭᠠᠨ ᠰᠠᠭᠤᠵᠤ᠂1634 | ᠣᠨ ᠳᠤ ᠬᠠᠯᠢᠪᠠ᠃ | ③ ᠬᠠᠯᠬᠠ ᠭᠡᠳᠡᠭ ᠦᠭᠡ ᠬᠠᠯᠬᠠᠭᠠ᠂ ᠬᠠᠯᠬᠠᠪᠴᠢ ᠭᠡᠬᠦ ᠥᠭᠡ ᠠᠴᠠ ᠢᠷᠡᠯ ᠲᠠᠢ ᠴᠦ ᠮᠠᠭᠠᠳ᠃ | ᠲᠤᠳᠤᠷᠬᠠᠶᠢᠯᠠᠲᠠ᠄ ᠬᠥᠮᠥᠨ ᠤ ᠨᠡᠷᠡ ᠤᠨ ᠳᠤᠤᠷᠠᠬᠢ ᠲᠤᠭᠠ ᠨᠢ ᠴᠢᠩᠭᠢᠰ ᠬᠠᠭᠠᠨ ᠠᠴᠠ ᠲᠤᠭᠠᠯᠠᠭᠰᠠᠨ | ᠦᠶᠡ ᠶᠢᠨ ᠲᠤᠭᠠ ᠮᠥᠨ᠃ | | | | | | | | | |