ᠠᠦᠬᠠᠨ ᠬᠤᠰᠢᠭᠤ ᠣᠯᠠᠭᠠᠨᠬᠠᠳᠠ ᠬᠤᠳᠠ ᠶᠢᠨ ᠵᠡᠭᠦᠨ ᠡᠮᠦᠨᠡᠳᠦ ᠬᠡᠰᠡᠭ ᠲᠤ ᠪᠠᠶᠢᠷᠢᠰᠢᠵᠦ᠂ ᠭᠠᠵᠠᠷ | ᠰᠢᠷᠣᠢ ᠶᠢᠨ ᠶᠡᠷᠦᠩᠭᠡᠢ ᠲᠠᠯᠠᠪᠠᠢ ᠨᠢ 8300 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠺᠢᠯᠣᠮᠧᠲᠷ᠂ ᠣᠳᠣ 15 ᠰᠣᠮᠣ ᠰᠢᠶᠠᠩ | ᠪᠠᠯᠭᠠᠰᠣ ︵ᠣᠣᠯ ᠨᠢ 30 ᠰᠣᠮᠣ ᠰᠢᠶᠠᠩ ᠪᠠᠯᠭᠠᠰᠣ ᠪᠠᠶᠢᠭᠰᠠᠨ ᠢ 2005 ᠣᠨ ᠤ ᠰᠢᠶᠠᠩ ᠪᠠᠯᠭᠠᠰᠣ ᠶᠢ | ᠨᠡᠶᠢᠯᠡᠬᠦᠯᠬᠦ ᠪᠠᠶᠢᠭᠤᠯᠣᠮᠵᠢ ᠶᠢᠨ ᠦᠭᠡᠷᠡᠴᠢᠯᠡᠯᠳᠡ ᠪᠠᠷ 15 ᠰᠣᠮᠣ ᠰᠢᠶᠠᠩ ᠪᠠᠯᠭᠠᠰᠣ ᠪᠣᠯᠭᠠᠵᠠᠢ︶ ᠂ 3 ᠬᠡᠷᠡᠭ | ᠡᠷᠬᠢᠯᠡᠬᠦ ᠭᠠᠵᠠᠷ᠂ 224 ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠭᠠᠴᠠᠭᠠ ᠲᠣᠰᠬᠤᠨ᠂ 18 ᠨᠡᠶᠢᠭᠡᠮ ᠲᠣᠭᠤᠷᠢᠭ᠂ 1858 | ᠪᠠᠶᠢᠭᠠᠯᠢᠯᠢᠭ ᠲᠣᠰᠬᠤᠨ ᠲᠠᠢ᠃ | ᠠᠦᠬᠠᠨ『 ᠮᠣᠩᠭᠤᠯ ᠦᠭᠡ 』ᠮᠢᠩ ᠣᠯᠣᠰ ᠤᠨ ᠵᠢᠶ᠋ᠨ ᠵᠢᠩ ᠤᠨ ᠬᠤᠷᠢᠨ ᠬᠤᠶᠠᠳᠣᠭᠠᠷ ᠣᠨ | ︵1543 ᠣᠨ︶ ᠳᠤ ᠲᠠᠶᠠᠨ ᠰᠡᠴᠡᠨ ᠬᠠᠨ ᠦᠭᠦᠭᠰᠡᠨ ᠤ ᠰᠡᠭᠦᠯᠡᠷ᠂ ᠬᠠᠮᠤᠭ ᠮᠣᠩᠭᠤᠯ ᠣᠷᠣᠨ ᠬᠠᠭᠠᠴᠠᠨ | ᠪᠣᠳᠠᠷᠠᠭᠰᠠᠨ ᠪᠠᠶᠢᠳᠠᠯ ᠳᠤ ᠣᠷᠣᠪᠠ᠃ ᠮᠣᠩᠭᠤᠯ ᠬᠠᠭᠠᠨ ᠤ ᠣᠭᠰᠠᠭᠠ ᠴᠠᠬᠠᠷ ᠤᠨ ᠯᠢᠭᠳᠡᠨ ᠬᠠᠭᠠᠨ ᠤ ᠨᠣᠶᠠᠷᠬᠠᠯ | ᠤᠨ ᠴᠠᠭ ᠦᠶᠡ ᠪᠣᠯᠬᠤ ᠳᠤ᠂ ᠴᠠᠬᠠᠷ ᠲᠤ ᠬᠠᠷᠢᠶᠠᠯᠠᠭᠳᠠᠵᠦ ᠪᠠᠶᠢᠭᠰᠠᠨᠴᠢᠩᠭᠢᠰ ᠬᠠᠭᠠᠨ ᠤ ᠠᠷᠪᠠ ᠶᠢᠰᠦᠳᠦᠭᠡᠷ | ᠦᠶᠡ ᠶᠢᠨ ᠣᠮᠪᠣᠯᠣ ᠲᠠᠶᠢᠴᠢᠩ ᠲᠦᠭᠦᠷᠡᠩ ᠯᠢᠭᠳᠡᠨ ᠬᠠᠭᠠᠨ ᠤ ᠬᠠᠷᠭᠢᠰ ᠵᠠᠰᠠᠭᠯᠠᠯ ᠠᠴᠠ ᠵᠠᠶᠢᠯᠠᠬᠤ ᠶᠢᠨ ᠲᠦᠯᠦᠭᠡ | ᠂ ᠲᠡᠭᠦᠦ ᠡᠰᠡᠨ ᠣᠶᠢᠵᠠᠩ ᠨᠣᠶᠠᠨ ᠲᠠᠢ ᠪᠠᠨ ᠬᠠᠮᠳᠣ ᠴᠠᠬᠠᠷ ᠠᠶᠢᠮᠠᠭ ᠠᠴᠠ ᠬᠠᠭᠠᠴᠠᠨ᠂ ᠯᠣᠤᠬᠠ ᠶᠢᠨ ᠭᠤᠣᠯ | ᠤᠨ ᠲᠣᠮᠳᠠ ᠰᠠᠪᠠ ᠣᠷᠣᠨ ᠢᠶᠠᠷ ᠬᠦᠷᠴᠦ ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠭᠠᠳ᠂ ᠣᠣᠯ ᠤᠨ ᠬᠠᠯᠬᠠ ᠠᠶᠢᠮᠠᠭ ᠤᠨ ᠡᠵᠡᠮᠰᠢᠯ | ᠳᠤ ᠪᠠᠶᠢᠭᠰᠠᠨ ᠯᠣᠤᠬᠠ ᠶᠢᠨ ᠭᠤᠣᠯ ᠤᠨ ᠡᠮᠦᠨᠡ ᠣᠮᠠᠷᠠ ᠬᠤᠶᠠᠷ ᠬᠦᠪᠡᠭᠡᠨ ᠤ ᠭᠠᠵᠠᠷ ᠣᠷᠣᠨ ᠢ ᠬᠤᠪᠢᠶᠠᠨ | ᠡᠵᠡᠯᠡᠪᠡ᠃ ᠡᠰᠡᠨ ᠣᠶᠢᠵᠠᠩ ᠨᠣᠶᠠᠨ ᠵᠡᠭᠦᠨ ᠬᠤᠶᠢᠳᠦ ᠳᠤ ᠰᠠᠭᠤᠵᠦ᠂ ᠲᠡᠭᠦᠨ ᠤ ᠠᠶᠢᠮᠠᠭ ᠢ ᠨᠠᠢᠮᠠᠨ ᠭᠡᠪᠡ᠃ | ᠲᠠᠶᠢᠴᠢᠩ ᠲᠦᠭᠦᠷᠡᠩ ᠪᠠᠷᠠᠭᠤᠨ ᠡᠮᠦᠨᠡ ᠰᠠᠭᠤᠵᠦ᠂ ᠲᠡᠭᠦᠨ ᠤ ᠠᠶᠢᠮᠠᠭ ᠢ ᠠᠦᠬᠠᠨ ︵ᠵᠠᠷᠢᠮ ᠨᠢ ᠣᠣᠭᠠᠨ ᠭᠡᠬᠦ | ᠣᠳᠬᠠ ᠲᠠᠢ ᠭᠡᠳᠡᠭ︶ ᠭᠡᠪᠡ᠃ ᠴᠢᠩ ᠣᠯᠣᠰ ᠤᠨ ᠲᠡᠭᠡᠳᠦ ᠡᠷᠳᠡᠮᠳᠦ ᠶᠢᠨ ᠠᠩᠬᠠᠳᠣᠭᠠᠷ ᠣᠨ ︵1638 | ᠣᠨ︶ ᠳᠤ ᠠᠦᠬᠠᠨ ᠠᠶᠢᠮᠠᠭ ᠢ 55 ᠰᠣᠮᠣᠨ ᠵᠠᠩᠭᠢᠳᠦ ᠠᠦᠬᠠᠨ ᠬᠤᠰᠢᠭᠤ ᠪᠠᠷ ᠬᠤᠪᠢᠶᠠᠨ ᠲᠣᠭᠳᠠᠭᠠᠵᠦ᠂ ᠵᠣᠣ | ᠣᠳᠠ ᠠᠶᠢᠮᠠᠭ ᠲᠤ ᠬᠠᠷᠢᠶᠠᠯᠠᠭᠤᠯᠪᠠ᠃ | ᠠᠦᠬᠠᠨ ᠬᠤᠰᠢᠭᠤᠨ ᠤ 1858 ᠪᠠᠶᠢᠭᠠᠯᠢᠯᠢᠭ ᠲᠣᠰᠬᠤᠨ ᠨᠢ ᠪᠦᠷ ᠠᠦᠬᠠᠨ ᠸᠠᠩ ᠤᠨ ᠬᠤᠷᠢᠶᠠ | ᠶᠢ ᠪᠠᠶᠢᠭᠤᠯᠣᠭᠰᠠᠨ ᠤ ᠰᠡᠭᠦᠯᠡᠷ ᠪᠦᠷᠢᠯᠳᠦᠭᠰᠡᠨ ᠪᠣᠯᠬᠤᠷ ᠣᠯᠠᠩᠭᠢ ᠨᠢ ᠠᠦᠬᠠᠨ ᠤ ᠸᠠᠩ ᠭᠦᠩ ᠤᠨ ᠬᠤᠷᠢᠶᠠᠨ ᠤ | ᠰᠣᠶᠣᠯ ᠲᠠᠢ ᠬᠠᠮᠢᠶᠠ ᠲᠠᠢ ᠪᠠᠶᠢᠳᠠᠭ᠂ ᠠᠳᠡ ᠮᠣᠩᠭᠤᠯ ᠰᠣᠶᠣᠯ ᠤᠨ ᠣᠯᠠᠮᠵᠢᠯᠠᠯ ᠢ ᠦᠨᠳᠦᠰᠦᠯᠡᠨ᠂ ᠭᠠᠵᠠᠷ ᠤᠨ | ᠨᠡᠷᠡᠰ ᠤᠨ ᠪᠣᠢ ᠪᠣᠯᠣᠭᠰᠠᠨ ᠣᠣᠯ ᠣᠳᠬᠠ ᠶᠣᠰᠣᠭᠠᠷ᠂ ᠲᠣᠣᠷᠠᠬᠢ 11 ᠲᠦᠷᠦᠯ ᠢᠶᠠᠷ ᠣᠶᠢᠯᠠᠭᠠᠨ | ᠲᠠᠶᠢᠯᠪᠣᠷᠢᠯᠠᠪᠠ᠃ | ᠨᠢᠭᠡ᠂ ᠸᠠᠩ ᠭᠦᠩ ᠤᠨ ᠬᠤᠷᠢᠶᠠ ᠪᠠᠷ ᠨᠡᠷᠡᠯᠡᠭᠰᠡᠨᠨᠢ | ᠠᠦᠬᠠᠨ ᠬᠤᠰᠢᠭᠤᠨ ᠤ ᠬᠢᠵᠠᠭᠠᠷ ᠲᠣᠳᠣᠷᠠ 4 ᠰᠠᠭᠤᠷᠢ ᠸᠠᠩ ᠭᠦᠩ ᠤᠨ ᠬᠤᠷᠢᠶᠠ ᠪᠠᠶᠢᠭᠤᠯᠵᠦ | ᠦᠩᠭᠡᠷᠡᠵᠡᠢ᠂ ᠡᠨᠡᠬᠦ ᠲᠦᠷᠪᠡᠨ ᠰᠠᠭᠤᠷᠢ ᠸᠠᠩ ᠭᠦᠩ ᠤᠨ ᠬᠤᠷᠢᠶᠠ ᠪᠠᠶᠢᠭᠠ ᠭᠠᠵᠠᠷ ᠲᠤ ᠲᠠᠷᠣᠢ ᠸᠠᠩ ᠭᠦᠩ ᠤᠨ | ᠬᠤᠷᠢᠶᠠ ᠪᠠᠷ ᠰᠢᠭᠤᠳ ᠨᠡᠷᠡᠯᠡᠭᠰᠡᠨ ᠠᠶᠢᠯ ᠲᠣᠰᠬᠤᠨ ᠪᠣᠢ ᠪᠣᠯᠵᠠᠢ᠄ ᠬᠠᠶᠢᠷᠬᠠᠨ ᠸᠠᠩ ᠤᠨ ᠬᠤᠷᠢᠶᠠ᠂ ᠪᠠᠶᠢᠰᠠ | ᠶᠢᠨ ᠬᠤᠷᠢᠶᠠ᠂ ᠭᠦᠩ ᠤᠨ ᠬᠤᠷᠢᠶᠠ᠂ ᠬᠠᠭᠤᠴᠢᠨ ᠬᠤᠷᠢᠶᠠ᠂ ᠰᠢᠨᠡ ᠬᠤᠷᠢᠶᠠ ᠭᠡᠬᠦ ᠮᠡᠳᠦ᠃ | ᠬᠤᠶᠠᠷ᠂ ᠡᠹᠦ ᠶᠢᠨ ᠠᠶᠢᠯ ᠢᠶᠠᠷ ᠨᠡᠷᠡᠯᠡᠭᠰᠡᠨ ᠨᠢ | ᠠᠦᠠᠬᠨ ᠬᠤᠰᠢᠭᠤᠨ ᠤ ᠸᠠᠩ ᠭᠦᠩ ᠤᠨ ᠣᠭᠰᠠᠭᠠ ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠤ ᠣᠳᠣᠮ ᠪᠣᠯᠬᠤᠷ | ᠴᠢᠩ ᠣᠯᠣᠰ ᠤᠨ ᠲᠦᠷᠦ ᠣᠨᠴᠠᠭᠠᠢ ᠲᠡᠭᠡᠳᠦᠯᠡᠨ ᠦᠵᠡᠳᠡᠭ ᠪᠠᠶᠢᠵᠦ᠂ ᠠᠷᠪᠠᠨ ᠬᠡᠳᠦᠨ ᠭᠡᠭᠡ ᠭᠦᠩᠵᠦ ᠨᠠᠷ | ᠠᠦᠬᠠᠨ ᠬᠤᠰᠢᠭᠤᠨ ᠳᠤ ᠬᠠᠷᠢᠯᠠᠵᠠᠢ᠃ ᠭᠦᠩᠵᠦ ᠬᠠᠷᠢᠯᠠᠬᠤ ᠪᠦᠷᠢ ᠡᠷᠬᠡᠪᠰᠢ ᠡᠹᠦ ︵ᠲᠠᠪᠣᠨᠠᠩ︶ ᠶᠢᠨ ᠬᠤᠷᠢᠶᠠ | ᠪᠠᠶᠢᠭᠤᠯᠳᠠᠭ ᠲᠣᠯᠨ ᠡᠹᠦ ᠠᠶᠢᠯ ᠭᠡᠵᠦ ᠨᠡᠷᠡᠯᠡᠭᠰᠡᠨ ᠠᠶᠢᠯ ᠲᠣᠰᠬᠤᠨ ᠨᠤᠭᠤᠳ ᠭᠠᠷᠣᠭᠰᠠᠨ ᠪᠠᠶᠢᠨᠠ᠄ ᠣᠣᠯ | ᠤᠨ ᠰᠧ ᠳ᠋ᠧ ᠲᠠᠩ ᠰᠢᠶᠠᠩ ᠳᠠᠬᠢ ᠡᠹᠦ ᠶᠢᠨ ᠠᠶᠢᠯ᠂ ᠣᠣᠯ ᠤᠨ ᠸᠠᠩ ᠵᠢᠶ᠋ᠨ ᠶᠢᠩᠽᠢ ᠰᠢᠶᠠᠩ ᠳᠠᠬᠢ ᠡᠹᠦ ᠶᠢᠨ | ᠠᠶᠢᠯ᠂ ᠯᠣᠤᠬᠠ ᠶᠢᠨ ᠭᠤᠣᠯ ᠤᠨ ᠬᠤᠶᠢᠳᠦ ᠪᠡᠶᠡ ᠳᠠᠬᠢ ᠡᠹᠦ ᠶᠢᠨ ᠠᠶᠢᠯ ︵ᠲᠣᠰ ᠭᠠᠵᠠᠷ ᠨᠢ ᠣᠳᠣ ᠨᠢᠭᠡᠨᠳᠡ | ᠣᠩᠨᠢᠭᠤᠳ ᠬᠤᠰᠢᠭᠤᠨ ᠳᠤ ᠬᠠᠷᠢᠶᠠᠯᠠᠭᠳᠠᠬᠤ ᠪᠣᠯᠵᠠᠢ᠂ ᠲᠡᠦᠬᠡᠨ ᠲᠡᠭᠡᠷᠡ ᠪᠠᠨ ᠠᠦᠬᠠᠨ ᠵᠠᠰᠠᠭ ᠸᠠᠩ ᠤᠨ | ᠬᠤᠷᠢᠶᠠ ᠳᠤ ᠬᠠᠷᠢᠶᠠᠯᠠᠭᠳᠠᠵᠦ ᠪᠠᠶᠢᠵᠠᠢ︶ ᠭᠡᠬᠦ ᠮᠡᠳᠦ᠃ | ᠭᠤᠷᠪᠠ᠂ ᠯᠠᠮᠨ ᠶᠢᠨ ᠰᠦᠮᠡ ᠪᠠᠷ ᠨᠡᠷᠡᠯᠡᠭᠰᠡᠨ ᠨᠢ | ᠮᠣᠩᠭᠤᠯᠴᠣᠳ ᠯᠠᠮᠨ ᠶᠢᠨ ᠱᠠᠰᠢᠨ ᠢ ᠰᠢᠳᠦᠳᠡᠭ ᠪᠠᠶᠢᠵᠠᠢ᠂ ᠠᠦᠬᠠᠨ ᠮᠣᠩᠭᠤᠯᠴᠣᠳ ᠴᠣ᠋ ᠮᠦᠨ | ᠡᠶᠢᠮᠦ ᠪᠠᠶᠢᠯᠠ᠃ ᠴᠢᠩ ᠣᠯᠣᠰ ᠤᠨ ᠲᠣᠮᠳᠠ ᠰᠡᠭᠦᠯᠴᠢ ᠦᠶᠡ ᠪᠠᠷ ᠠᠦᠬᠠᠨ ᠤ ᠬᠢᠵᠠᠭᠠᠷ ᠲᠣᠳᠣᠷᠠ ᠪᠣᠳ᠋ᠳ᠋ᠾᠨ | ᠶᠢᠨ ᠱᠠᠰᠢᠨ ᠤ ᠰᠦᠮᠡ ᠬᠡᠶᠢᠳ 172 ᠰᠠᠭᠤᠷᠢ ᠪᠠᠶᠢᠵᠠᠢ᠂ ᠲᠡᠶᠢᠮᠦ ᠠᠴᠠ ᠯᠠᠮᠨ ᠶᠢᠨ ᠰᠦᠮᠡ ᠪᠠᠷ | ᠨᠡᠷᠡᠯᠡᠭᠰᠡᠨ ᠠᠶᠢᠯ ᠲᠣᠰᠬᠤᠨ ᠠᠯᠢ ᠣᠯᠠᠨ ᠭᠠᠷᠣᠭᠰᠠᠨ ᠪᠠᠶᠢᠨᠠ᠃ ᠡᠳᠡᠭᠡᠷ ᠯᠠᠮᠨ ᠶᠢᠨ ᠰᠦᠮᠡ ᠶᠢᠨ ᠣᠯᠠᠩᠭᠢ ᠨᠢ | ᠸᠠᠩ ᠤᠨ ᠬᠤᠷᠢᠶᠠ ᠲᠠᠢ ᠬᠤᠯᠪᠣᠭᠳᠠᠯ ᠲᠠᠢ ᠪᠣᠯᠬᠤᠷ᠂ ᠡᠭᠦᠨ ᠠᠴᠠ ᠪᠣᠢ ᠪᠣᠯᠣᠭᠰᠠᠨ ᠠᠶᠢᠯ ᠲᠣᠰᠬᠤᠨ ᠤ ᠨᠡᠷᠡ | ᠨᠢ ᠴᠣ᠋ ᠸᠠᠩ ᠤᠨ ᠬᠤᠷᠢᠶᠠ ᠲᠠᠢ ᠬᠤᠯᠪᠣᠭᠳᠠᠯ ᠲᠠᠢ ᠠᠵᠠᠢ᠄ ᠸᠠᠩ ᠤᠨ ᠬᠦᠪᠡᠭᠦᠨ ᠤ ᠰᠦᠮᠡ᠂ ᠣᠷᠣᠶᠢᠨᠰᠦ᠋ᠮᠡ᠂ | ᠰᠦᠮᠡ ᠶᠢᠨ ᠲᠣᠣᠷᠠ ᠠᠶᠢᠯ᠂ ᠪᠠᠷᠠᠭᠤᠨ ᠰᠦᠮᠡ᠂ ᠡᠹᠦ ᠶᠢᠨ ᠰᠦᠮᠡ᠂ ᠲᠡᠭᠰᠢ ᠣᠷᠣᠶᠢᠳᠦ ᠰᠦᠮᠡ᠂ | ᠯᠣᠣᠶᠧ ᠶᠢᠨ ᠰᠦᠮᠡ᠂ ᠬᠠᠭᠤᠴᠢᠨ ᠰᠦᠮᠡ ᠵᠡᠷᠭᠡ ᠪᠣᠢ᠃ | ᠲᠦᠷᠪᠡ᠂ ᠸᠠᠩ ᠤᠨ ᠣᠩᠭᠤᠨ ᠭᠦᠩᠵᠦ ᠶᠢᠨ ᠪᠣᠯᠠᠰᠢ ᠪᠠᠷ ᠨᠡᠷᠡᠯᠡᠭᠰᠡᠨ ᠨᠢ | ᠴᠢᠩ ᠤᠨ ᠲᠦᠷᠦ ᠶᠢᠨ ᠭᠦᠩᠵᠦ ᠠᠦᠬᠠᠨ ᠳᠤ ᠬᠠᠷᠢᠯᠠᠭᠰᠠᠨ ᠣᠯᠠᠨ ᠪᠠᠶᠢᠳᠠᠭ᠂ ᠲᠡᠳᠡᠨ ᠢ | ᠨᠦᠭᠴᠢᠭᠰᠡᠨ ᠬᠤᠶᠢᠨᠠ ᠨᠢ ᠪᠦᠷ ᠭᠦᠩᠵᠦ ᠶᠢᠨ ᠣᠩᠭᠤᠨ ᠪᠠᠶᠢᠭᠤᠯᠵᠦ ᠦᠭᠭᠦᠭᠰᠡᠨ ᠪᠦᠭᠡᠳ ᠣᠩᠭᠤᠨ ᠤ | ᠵᠠᠷᠣᠴᠠ ︵ᠣᠩᠭᠤᠨ ᠪᠣᠭᠤᠯ︶ ᠰᠠᠬᠢᠵᠦ ᠪᠠᠶᠢᠵᠠᠢ᠃ ᠡᠳᠡᠭᠡᠷ ᠣᠩᠭᠤᠨ ᠤ ᠵᠠᠷᠣᠴᠠ ᠨᠠᠷ ᠤᠨ ᠪᠠᠭᠤᠴᠠ ᠨᠢ | ᠭᠦᠩᠵᠦ ᠶᠢᠨ ᠨᠡᠷᠡ ᠪᠠᠷ ᠨᠡᠷᠡᠯᠡᠭᠰᠡᠨ ᠠᠯᠢ ᠣᠯᠠᠨ ᠠᠶᠢᠯ ᠲᠣᠰᠬᠤᠨ ᠪᠣᠯᠵᠦ ᠪᠦᠷᠢᠯᠳᠦᠵᠡᠢ᠃ ᠠᠦᠬᠠᠨ ᠤ ᠸᠠᠩ | ᠭᠦᠩ ᠢ ᠨᠦᠭᠴᠢᠭᠰᠡᠨ ᠤ ᠰᠡᠭᠦᠯᠡᠷ ᠨᠢ ᠪᠦᠷ ᠰᠢᠷᠣᠢ ᠪᠠᠷ ᠪᠣᠮᠪᠠᠯᠠᠵᠦ᠂ ᠣᠩᠭᠤᠨ ᠤ ᠵᠠᠷᠣᠴᠠ ᠪᠠᠷ ᠰᠠᠬᠢᠭᠤᠯᠳᠠᠭ | ᠪᠠᠶᠢᠵᠠᠢ᠂ ᠢᠩᠭᠢᠭᠡᠳ ᠸᠠᠩ ᠤᠨ ᠣᠩᠭᠤᠨ ᠢᠶᠠᠷ ᠨᠡᠷᠡᠯᠡᠭᠰᠡᠨ ᠠᠶᠢᠯ ᠲᠣᠰᠬᠤᠨ ᠨᠤᠭᠤᠳ ᠪᠦᠷᠢᠯᠳᠦᠭᠰᠡᠨ ᠪᠠᠶᠢᠨᠠ᠃ | ᠣᠳᠣ ᠠᠦᠬᠠᠨ ᠬᠤᠰᠢᠭᠤᠨ ᠤ ᠬᠢᠵᠠᠭᠠᠷ ᠲᠣᠳᠣᠷᠠ ᠸᠠᠩ ᠤᠨ ᠣᠩᠭᠤᠨ ᠭᠦᠩᠵᠦ ᠶᠢᠨ ᠪᠣᠯᠠᠰᠢ ᠲᠠᠢ ᠬᠤᠯᠪᠣᠭᠳᠠᠯ | ᠲᠠᠢ ᠨᠢ ᠭᠤᠣᠯᠳᠠᠭᠤ᠄ ᠮᠠᠨᠢᠬᠠᠨ ᠰᠢᠶᠠᠩ ᠳᠠᠬᠢ ᠭᠦᠩᠵᠦ ᠶᠢᠨ ᠪᠣᠯᠠᠰᠢ᠂ ᠣᠣᠯ ᠤᠨ ᠠᠭᠤᠯᠵᠠᠷ ᠰᠢᠶᠠᠩ ᠳᠠᠬᠢ | ᠭᠦᠩᠵᠦ ᠶᠢᠨ ᠪᠣᠯᠠᠰᠢ᠂ ᠪᠡᠶᠢᠰᠡ ᠶᠢᠨ ᠬᠤᠷᠢᠶᠠ ᠪᠠᠯᠭᠠᠰᠣ ᠶᠢᠨ ᠠᠷᠣ ᠶᠢᠨ ᠪᠣᠯᠠᠰᠢ᠂ ᠣᠣᠯ ᠤᠨ ᠰᠢᠨ ᠬᠤᠢ | ᠰᠢᠶᠠᠩ ᠳᠠᠬᠢ ᠭᠡᠭᠡᠨ ᠢᠵᠠᠭᠤᠷ᠂ ᠰᠢᠨᠡ ᠣᠪᠣᠬᠠᠢ ᠰᠢᠶᠠᠩ ᠳᠠᠬᠢ ᠲᠠᠭᠠᠭᠠᠮᠠᠯ ᠤᠨ ᠪᠣᠯᠠᠰᠢ ᠵᠡᠷᠭᠡ ᠪᠣᠢ᠃ | ᠲᠠᠪᠤ᠂ ᠲᠠᠶᠢᠵᠢ ᠶᠢᠨ ᠠᠶᠢᠯ ᠢᠶᠠᠷ ᠨᠡᠷᠡᠯᠡᠭᠰᠡᠨ ᠨᠢ | ᠴᠢᠩ ᠤᠨ ᠲᠦᠷᠦ ᠨᠢ᠂ ᠶᠣᠸᠠᠨ ᠣᠯᠣᠰ ᠤᠨ ᠲᠠᠶᠢᠽᠦ ᠴᠢᠩᠭᠢᠰ ᠬᠠᠭᠠᠨ ᠤ ᠦᠷᠡ ᠬᠤᠶᠢᠴᠢᠰ | ᠪᠦᠬᠦᠨ ᠢ ᠪᠦᠷ ᠲᠠᠶᠢᠵᠢ ᠡᠷᠭᠦᠮᠵᠢᠯᠡᠨ᠂ ᠵᠡᠷᠭᠡ ᠲᠡᠰ ᠢᠯᠭᠠᠵᠦ ᠹᠦᠩᠯᠦ ᠣᠯᠭᠤᠭᠰᠠᠨ ᠪᠠᠶᠢᠨᠠ᠃ ᠠᠦᠬᠠᠨ ᠠᠶᠢᠮᠠᠭ | ᠨᠢ ᠴᠢᠩᠭᠢᠰ ᠬᠠᠭᠠᠨ ᠤ ᠭᠤᠣᠯ ᠣᠳᠣᠮ ᠤᠨ ᠬᠢ ᠪᠣᠯᠬᠤᠷ ᠲᠡᠭᠦᠨ ᠤ ᠸᠠᠩ ᠭᠦᠩ ᠤᠨ ᠬᠡᠦᠬᠡᠳ ᠲᠡᠭᠦᠦᠨᠡᠷ ᠨᠢ | ᠪᠦᠷ ᠲᠠᠶᠢᠵᠢ ᠶᠤᠮ᠂ ᠡᠳᠡᠭᠡᠷ ᠲᠠᠶᠢᠵᠢ ᠨᠠᠷ ᠤᠨ ᠲᠣᠳᠣᠷᠠᠬᠢ ᠨᠡᠷᠡ ᠲᠦᠷᠦ ᠲᠠᠢ ᠬᠦᠮᠦᠰ ᠤᠨ ᠣᠯᠠᠩᠭᠢ ᠨᠢ | ᠦᠪᠡᠷ ᠢᠶᠠᠨ ᠬᠤᠷᠢᠶᠠ ᠬᠠᠰᠢᠶᠠ ᠪᠠᠶᠢᠭᠤᠯᠵᠦ ᠶᠡᠭᠡ ᠬᠡᠮᠵᠢᠶᠡᠨ ᠤ ᠭᠠᠵᠠᠷ ᠨᠣᠳᠤᠭ ᠡᠷᠬᠡᠰᠢᠶᠡᠵᠦ ᠪᠠᠶᠢᠵᠠᠢ᠃ ᠣᠯᠠᠨ | ᠵᠢᠯ ᠤᠨ ᠲᠠᠷᠠᠭᠠ᠂ ᠲᠡᠳᠡᠨᠡᠷ ᠨᠡᠭᠦᠳᠡᠯᠯᠡᠨ ᠶᠠᠪᠣᠭᠰᠠᠨ ᠤ ᠬᠤᠶᠢᠨᠠ᠂ ᠬᠢᠳᠠᠳᠴᠣᠳ ᠠᠳᠡ ᠢᠷᠡᠵᠦ ᠠᠶᠢᠯ | ᠲᠣᠰᠬᠤᠨ ᠪᠠᠶᠢᠭᠤᠯᠬᠤ ᠳᠤ ᠪᠠᠨ᠂ ᠣᠣᠯ ᠨᠢ ᠠᠳᠡ ᠲᠠᠶᠢᠵᠢ ᠨᠣᠳᠣᠭᠯᠠᠵᠦ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠨᠢ ᠲᠠᠶᠢᠵᠢ ᠶᠢᠨ | ᠠᠶᠢᠯ ᠭᠡᠬᠦ ᠪᠣᠯᠵᠠᠢ᠃ ᠣᠳᠣ ᠶᠢᠨ ᠠᠦᠬᠠᠨ ᠬᠤᠰᠢᠭᠤᠨ ᠤ ᠲᠣᠳᠣᠷᠠᠬᠢ ᠲᠠᠶᠢᠵᠢ ᠶᠢᠨ ᠠᠶᠢᠯ ᠳᠤ᠄ ᠮᠠᠨᠢᠬᠠᠨ | ᠰᠢᠶᠠᠩ ᠳᠠᠬᠢ ᠡᠮᠦᠨᠡ᠂ ᠬᠤᠶᠢᠨᠡ ᠬᠤᠶᠠᠷ ᠲᠠᠶᠢᠵᠢ ᠶᠢᠨ ᠠᠶᠢᠯ᠂ ᠴᠠᠩ ᠱᠧᠩ ᠪᠠᠯᠭᠠᠰᠣᠨ ᠳᠠᠬᠢ ᠲᠠᠶᠢᠵᠢ ᠶᠢᠨ | ᠠᠶᠢᠯ᠂ ᠬᠠᠰᠢᠶᠠᠳᠦ ᠰᠢᠶᠠᠩ ᠳᠠᠬᠢ ᠲᠠᠶᠢᠵᠢ ᠶᠢᠨ ᠠᠶᠢᠯ᠂ ᠬᠡᠷᠢᠶᠡᠳᠦ ᠰᠢᠶᠠᠩ ᠳᠠᠬᠢ ᠲᠠᠶᠢᠵᠢ ᠶᠢᠨ ᠬᠤᠷᠢᠶᠠ ᠵᠡᠷᠭᠡ | ᠪᠣᠢ᠃ | ᠵᠢᠷᠭᠤᠭᠠ᠂ ᠨᠣᠶᠠᠨ ᠤ ᠠᠶᠢᠯ ᠢᠶᠠᠷ ᠨᠡᠷᠡᠯᠡᠭᠰᠡᠨ ᠨᠢ | ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠮᠣᠩᠭᠤᠯ ᠤᠨ ᠨᠡᠶᠢᠭᠡᠮ ᠤᠨ ᠪᠠᠶᠢᠭᠤᠯᠣᠯ ᠢ ᠮᠡᠳᠡᠳᠡᠭ ᠦᠭᠡᠢ ᠬᠢᠳᠠᠳᠴᠣᠳ | ᠮᠣᠩᠭᠤᠯ ᠤᠨ ᠲᠠᠶᠢᠵᠢ ᠨᠠᠷ ᠢ ᠴᠦᠮ ᠨᠣᠶᠠᠨ ᠭᠡᠵᠦ ᠦᠵᠡᠳᠡᠭ ᠪᠠᠶᠢᠵᠠᠢ᠃ ᠲᠡᠶᠢᠮᠦ ᠠᠴᠠ᠂ ᠵᠠᠷᠢᠮ ᠲᠠᠶᠢᠵᠢ ᠶᠢᠨ | ᠰᠠᠭᠤᠵᠦ ᠪᠠᠶᠢᠭᠰᠠᠨ ᠠᠶᠢᠯ ᠲᠣᠰᠬᠤᠨ ᠢ ᠪᠠᠰᠠ ᠨᠣᠶᠠᠨ ᠤ ᠠᠶᠢᠯ ᠭᠡᠳᠡᠭ᠂ ᠠᠬᠠ ᠲᠡᠭᠦᠦ ᠬᠡᠳᠦᠭᠦᠯᠨ ᠶᠢᠨ | ᠲᠣᠳᠣᠷᠠᠬᠢ ᠬᠡᠳᠦᠳᠦᠭᠡᠷ ᠨᠢ ᠪᠣᠯ ᠲᠡᠭᠦᠨ ᠢ ᠬᠡᠳᠦᠳᠦᠭᠡᠷ ᠨᠣᠶᠠᠨ ᠤ ᠠᠶᠢᠯ ᠭᠡᠳᠡᠭ ᠪᠠᠶᠢᠪᠠ᠃ ᠣᠳᠣ ᠠᠦᠬᠠᠨ ᠳᠤ | ᠨᠣᠶᠠᠨ ᠠᠶᠢᠯ ᠠᠷᠪᠠᠨ ᠬᠡᠳᠦ ᠪᠣᠢ᠂ ᠭᠤᠣᠯ ᠪᠣᠯᠬᠤ ᠶᠢ ᠨᠢ ᠲᠣᠷᠠᠳᠪᠠᠯ ᠲᠣᠣᠷᠠᠬᠢ ᠮᠡᠳᠦ᠄ ᠶᠢᠨ ᠴᠠᠩ ᠭᠸᠦ ᠯᠢᠶᠠᠩ | ᠪᠠᠯᠭᠠᠰᠣ ᠳᠠᠬᠢ ᠨᠣᠶᠠᠨ ᠠᠶᠢᠯ᠂ ᠮᠠᠨᠢᠬᠠᠨ ᠰᠢᠶᠠᠩ ᠳᠠᠬᠢ ᠶᠡᠭᠡ ᠨᠣᠶᠠᠨ ᠤ ᠠᠶᠢᠯ᠂ ᠣᠣᠯ ᠤᠨ ᠰᠢᠨ ᠳ᠋ᠢ ᠰᠢᠶᠠᠩ | ᠳᠠᠬᠢ ᠶᠡᠭᠡ ᠨᠣᠶᠠᠨ ᠤ ᠠᠶᠢᠯ᠂ ᠬᠤᠶᠠᠳᠣᠭᠠᠷ ᠨᠣᠶᠠᠨ ᠤ ᠠᠶᠢᠯ᠂ ᠭᠤᠷᠪᠠᠳᠣᠭᠠᠷ ᠨᠣᠶᠠᠨ ᠤ ᠠᠶᠢᠯ᠂ ᠣᠣᠯ ᠤᠨ | ᠰᠢᠨ ᠬᠤᠢ ᠰᠢᠶᠠᠩ ᠳᠠᠬᠢ ᠮᠣᠯᠣᠨ ᠨᠣᠶᠠᠨ᠂ ᠪᠡᠶᠢᠰᠡ ᠶᠢᠨ ᠬᠤᠷᠢᠶᠠ ᠪᠠᠯᠭᠠᠰᠣᠨ ᠳᠠᠬᠢ ᠲᠠᠪᠣᠳᠣᠭᠠᠷ ᠨᠣᠶᠠᠨ ᠤ | ᠠᠶᠢᠯ᠂ ᠰᠢᠩ ᠯᠦᠩ ᠸᠠ ᠪᠠᠯᠭᠠᠰᠣᠨ ᠳᠠᠬᠢ ᠲᠠᠪᠣᠳᠣᠭᠠᠷ ᠨᠣᠶᠠᠨ ᠤ ᠠᠶᠢᠯ ᠵᠡᠷᠭᠡ ᠪᠣᠢ᠃ | ᠲᠣᠯᠤᠭᠠ᠂ ᠵᠠᠩᠭᠢ᠂ ᠮᠡᠶᠢᠷᠡᠨ᠂ ᠵᠠᠯᠠᠨ ᠢᠶᠠᠷ ᠨᠡᠷᠡᠯᠡᠭᠰᠡᠨ ᠨᠢ | ᠴᠢᠩ ᠣᠯᠣᠰ ᠤᠨ ᠦᠶᠡ ᠳᠤ᠂ ᠮᠣᠩᠭᠤᠯ ᠤᠨ ᠡᠯᠡ ᠠᠶᠢᠮᠠᠭ ᠲᠤ ᠵᠠᠰᠠᠭ ᠬᠤᠰᠢᠭᠤ ᠪᠠᠶᠢᠭᠤᠯᠵᠦ᠂ | ᠡᠯᠡ ᠬᠤᠰᠢᠭᠤ ᠵᠠᠰᠠᠭ ᠨᠢ ᠲᠣᠰᠠᠯᠠᠭᠴᠢ ᠲᠠᠶᠢᠵᠢ ᠬᠤᠶᠠᠷ ᠪᠣᠶᠣ ᠲᠦᠷᠪᠡᠨ ᠬᠦᠮᠦᠨ ᠲᠠᠯᠪᠢᠵᠦ ᠬᠤᠰᠢᠭᠤᠨ ᠤ | ᠶᠠᠪᠣᠳᠠᠯ ᠳᠤ ᠬᠠᠪᠰᠣᠷᠣᠭᠤᠯᠵᠦ᠂ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠶᠠᠷ ᠮᠡᠶᠢᠷᠡᠨ ᠲᠠᠯᠪᠢᠵᠦ᠂ ᠴᠡᠷᠢᠭ ᠤᠨ ᠶᠠᠪᠣᠳᠠᠯ ᠢ ᠬᠠᠮᠵᠢᠨ | ᠬᠠᠮᠢᠶᠠᠷᠣᠭᠤᠯᠵᠦ᠂ ᠡᠳᠦᠢ ᠲᠡᠳᠦᠢ ᠵᠠᠯᠠᠨ ᠲᠠᠯᠪᠢᠵᠦ᠂ ᠰᠣᠮᠣᠨ ᠤ ᠶᠠᠪᠣᠳᠠᠯ ᠢ ᠬᠠᠮᠢᠶᠠᠷᠣᠭᠤᠯᠣᠨ᠂ ᠬᠤᠰᠢᠭᠤᠨ ᠳᠤ | ᠪᠠᠰᠠ ᠬᠤᠰᠢᠭᠤᠨ ᠵᠠᠩᠭᠢ᠂ ᠲᠡᠳ᠋ ᠵᠠᠩᠭᠢ ᠵᠡᠷᠭᠡ ᠬᠠᠷᠢᠶᠠᠳᠣ ᠨᠣᠶᠠᠨ ᠲᠠᠯᠪᠢᠵᠦ᠂ ᠬᠤᠰᠢᠭᠤᠨ ᠵᠠᠰᠠᠭ ᠢ | ᠬᠠᠮᠢᠶᠠᠷᠣᠭᠤᠯᠳᠠᠭ ᠪᠠᠶᠢᠵᠠᠢ᠃ ᠡᠳᠡᠭᠡᠷ ᠨᠣᠶᠠᠨ ᠲᠣᠰᠢᠶᠠᠯᠳᠠᠳ ᠨᠢ ᠪᠦᠷ ᠭᠡᠷ ᠬᠤᠷᠢᠶᠠ ᠪᠠᠶᠢᠭᠤᠯᠣᠨ᠂ ᠪᠡᠯᠴᠢᠭᠡᠷ | ᠨᠣᠳᠤᠭ ᠦᠮᠴᠢᠯᠡᠳᠡᠭ ᠠᠵᠠᠢ᠃ ᠲᠡᠭᠡᠬᠦᠯᠡᠷ ᠨᠢ ᠵᠠᠩᠭᠢ᠂ ᠮᠡᠶᠢᠷᠡᠨ᠂ ᠵᠠᠯᠠᠨ ᠵᠡᠷᠭᠡ ᠪᠠᠷ ᠨᠡᠷᠡᠯᠡᠭᠰᠡᠨ ᠠᠶᠢᠯ | ᠲᠣᠰᠬᠤᠨ ᠠᠯᠢ ᠣᠯᠠᠨ ᠪᠣᠢ ᠪᠣᠯᠵᠠᠢ᠃ | ᠵᠠᠩᠭᠢ ᠪᠠᠷ ᠨᠡᠷᠡᠯᠡᠭᠰᠡᠨ ᠠᠶᠢᠯ ᠳᠤ᠄ ᠹᠧᠩ ᠱᠸᠦ ᠰᠢᠶᠠᠩ ᠳᠠᠬᠢ ᠵᠠᠩᠭᠢ ᠶᠢᠨ ᠠᠶᠢᠯ᠂ ᠰᠠᠯᠪᠣᠷᠢ | ᠰᠢᠶᠠᠩ ᠳᠠᠬᠢ ᠵᠠᠩᠭᠢ ᠶᠢᠨ ᠠᠶᠢᠯ᠂ ᠰᠢᠨᠡ ᠣᠪᠣᠬᠠᠢ ᠰᠢᠶᠠᠩ ᠳᠠᠬᠢ ᠵᠠᠩᠭᠢ ᠶᠢᠨ ᠠᠶᠢᠯ ᠵᠡᠷᠭᠡ ᠪᠣᠢ᠃ | ᠮᠡᠶᠢᠷᠡᠨ ᠢᠶᠠᠷ ᠨᠡᠷᠡᠯᠡᠭᠰᠡᠨ ᠠᠶᠢᠯ ᠳᠤ᠄ ᠮᠠᠨᠢᠬᠠᠨ ᠰᠢᠶᠠᠩ ᠳᠠᠬᠢ ᠮᠡᠶᠢᠷᠡᠨ ᠠᠶᠢᠯ᠂ ᠰᠢᠩ ᠯᠦᠩ ᠸᠠ | ᠪᠠᠯᠭᠠᠰᠣᠨ ᠳᠠᠬᠢ ᠮᠡᠶᠢᠷᠡᠨ ᠣᠪᠣᠬᠠᠢ ᠵᠡᠷᠭᠡ ᠪᠣᠢ᠃ | ᠵᠠᠯᠠᠨ ᠢᠶᠠᠷ ᠨᠡᠷᠡᠯᠡᠭᠰᠡᠨ ᠠᠶᠢᠯ ᠳᠤ᠄ ᠰᠢᠶ᠋ᠨ ᠸᠠ ᠪᠠᠯᠭᠠᠰᠣ ᠳᠠᠬᠢ ᠵᠠᠯᠠᠨ ᠠᠶᠢᠯ᠂ ᠣᠣᠯ ᠤᠨ ᠳ᠋ᠠ | ᠳ᠋ᠢᠶᠠᠨᠽᠢ ᠰᠢᠶᠠᠩ ᠳᠠᠬᠢ ᠵᠠᠯᠠᠨ ᠠᠶᠢᠯ᠂ ᠮᠠᠨᠢᠬᠠᠨ ᠰᠢᠶᠠᠩ ᠳᠠᠬᠢ ᠵᠠᠯᠠᠨ ᠠᠶᠢᠯ᠂ ᠣᠣᠯ ᠤᠨ ᠺᠠᠩ ᠵᠢᠶ᠋ᠨ ᠶᠢᠩᠽᠢ | ᠰᠢᠶᠠᠩ ᠳᠠᠬᠢ ᠵᠠᠯᠠᠨ ᠠᠶᠢᠯ ᠵᠡᠷᠭᠡ ᠪᠣᠢ᠃ | ᠨᠠᠢᠮᠨ᠂ ᠣᠪᠣᠭᠠ ᠪᠠᠷ ᠨᠡᠷᠡᠯᠡᠭᠰᠡᠨ ᠨᠢ | ᠣᠪᠣᠭᠠ ᠪᠣᠯ ᠮᠣᠩᠭᠤᠯᠴᠣᠳ ᠤᠨ ᠲᠠᠶᠢᠯᠭᠠ ᠲᠠᠬᠢᠯᠭᠠ ᠶᠢᠨ ᠴᠢᠬᠤᠯᠨ ᠠᠴᠢᠶᠠᠯᠠᠪᠣᠷᠢ ᠪᠣᠯᠣᠨᠠ᠂ | ᠣᠪᠣᠭᠠ ᠨᠢ ᠠᠭᠤᠯᠨ ᠲᠠᠢ ᠲᠦᠰᠦᠭᠡᠷᠬᠡᠦ ᠪᠠᠶᠢᠳᠠᠭ ᠪᠣᠯᠪᠠᠴᠣ ᠪᠠᠶᠢᠭᠠᠯᠢ ᠶᠢᠨ ᠠᠭᠤᠯᠨ ᠪᠣᠰᠣ᠂ ᠬᠠᠷᠢᠨ | ᠮᠣᠩᠭᠤᠯᠴᠣᠳ ᠴᠢᠯᠠᠭᠤ ᠪᠣᠶᠣ ᠰᠢᠷᠣᠢ ᠪᠠᠷ ᠣᠪᠣᠭᠠᠯᠠᠵᠦ ᠭᠠᠷᠭᠠᠭᠰᠠᠨ ᠪᠣᠯᠬᠤᠷ ᠣᠪᠣᠭᠠ ᠭᠡᠳᠡᠭ᠃ ᠠᠭᠤᠯᠠᠨ | ᠣᠷᠣᠢ ᠪᠣᠶᠣ ᠲᠣᠪᠣᠴᠠᠭ ᠲᠡᠭᠡᠷᠡ ᠪᠣᠰᠬᠠᠵᠦ᠂ ᠣᠷᠣᠢ ᠶᠢᠨ ᠬᠡᠰᠡᠭ ᠲᠤ ᠨᠢ ᠣᠳᠠ ᠮᠣᠳᠣᠨ ᠰᠠᠯᠠᠭᠠ | ᠬᠠᠳᠬᠤᠳᠠᠭ᠃ ᠡᠷᠳᠡᠨ ᠤ ᠮᠣᠩᠭᠤᠯᠴᠣᠳ ᠪᠣᠢ ᠪᠦᠬᠦᠢ ᠪᠣᠳᠠᠰ ᠢ ᠪᠦᠷ ᠰᠠᠬᠢᠭᠤᠯᠰᠣᠨ ᠢᠶᠠᠷ ᠦᠵᠡᠨ ᠰᠢᠳᠦᠳᠡᠭ | ᠠᠴᠠ ᠠᠭᠤᠯᠨ ᠭᠤᠣᠯ ᠪᠠ ᠡᠬᠡ ᠭᠠᠵᠠᠷ ᠤᠨ ᠪᠣᠰᠣᠳ ᠡᠯᠡ ᠬᠡᠰᠡᠭ ᠪᠣᠶᠣ ᠡᠳᠡᠭᠡᠷ ᠬᠡᠰᠡᠭ ᠢ ᠵᠠᠬᠢᠷᠴᠦ ᠪᠦᠬᠦᠢ | ᠰᠠᠬᠢᠭᠤᠯᠰᠣᠨ ᠢ ᠴᠣ᠋ ᠰᠢᠳᠦᠳᠡᠭ ᠰᠠᠨ᠃ ᠡᠶᠢᠮᠦᠷᠬᠦᠦ ᠲᠠᠷᠬᠠᠨ ᠣᠷᠣᠨ ᠢ ᠬᠠᠮᠳᠣ ᠶᠢᠨ ᠪᠠ ᠣᠨᠴᠠᠭᠠᠢ ᠭᠡᠬᠦ ᠬᠤᠶᠠᠷ | ᠲᠦᠷᠦᠯ ᠳᠤ ᠬᠤᠪᠢᠶᠠᠵᠦ ᠪᠣᠯᠣᠨᠠ᠂ ᠣᠨᠴᠠᠭᠠᠢ ᠲᠠᠷᠬᠠᠨ ᠣᠷᠣᠨ ᠭᠡᠳᠡᠭ ᠨᠢ ᠲᠠᠷᠣᠢ ᠣᠪᠣᠭᠠ ᠪᠣᠯᠣᠨᠠ᠃ | ᠡᠶᠢᠮᠦᠷᠬᠦᠦ ᠲᠠᠷᠬᠠᠨ ᠣᠷᠣᠨ ᠨᠢ ᠮᠦᠨ ᠴᠣ᠋ ᠡᠯᠡ ᠣᠪᠣᠭ ᠲᠦᠷᠦᠯ ᠤᠨ ᠬᠢᠨ ᠦᠪᠡᠷ ᠤᠨ ᠡᠵᠡᠮᠰᠢᠯ ᠭᠠᠵᠠᠷ | ᠲᠠᠭᠠᠨ ᠪᠠᠶᠢᠭᠤᠯᠣᠭᠰᠠᠨ ᠪᠠᠶᠢᠬᠤ ᠶᠤᠮ᠂ ᠮᠣᠩᠭᠤᠯᠴᠣᠳ ᠤᠨ ᠣᠪᠣᠭᠠ ᠲᠠᠬᠢᠬᠤ ᠪᠠ ᠣᠪᠣᠭᠠ ᠶᠢ ᠰᠢᠳᠦᠨ | ᠲᠡᠭᠡᠳᠦᠯᠡᠳᠡᠭ ᠨᠢ ᠪᠠᠷᠤᠭ ᠡᠷᠳᠡᠨ ᠤ ᠲᠠᠷᠬᠠᠨ ᠠᠭᠤᠯᠨ ᠶᠢᠨ ᠲᠠᠬᠢᠯᠭᠠ ᠠᠴᠠ ᠢᠷᠡᠯᠳᠡ ᠲᠠᠢ᠃ | 《 ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ 》 ᠳᠤ᠄ ᠲᠡᠮᠦᠵᠢᠨ ᠢ ᠬᠡᠷᠦᠯᠦᠨ ᠮᠦᠷᠡᠨ ᠤ ᠡᠬᠢ ᠪᠦᠷᠬᠢ | ᠡᠷᠬᠢ ᠳᠤ ᠬᠤᠳᠠ ᠪᠠᠭᠤᠭᠠᠳ ᠣᠳᠠᠭᠠ ᠦᠭᠡᠢ ᠨᠢᠭᠡᠨ ᠦᠷᠯᠦᠭᠡ ᠰᠢᠷᠠ ᠭᠡᠭᠡ ᠣᠷᠣᠵᠦ ᠦᠷ ᠴᠠᠶᠢᠵᠦ ᠪᠠᠶᠢᠬᠤ | ᠳᠤ᠂ ᠮᠡᠷᠭᠢᠳᠴᠦᠳ ᠦᠭᠡᠯᠦᠨ ᠡᠬᠡ ᠶᠢ ᠴᠢᠯᠡᠳᠦ ᠠᠴᠠ ᠪᠣᠯᠢᠶᠠᠵᠦ ᠠᠪᠣᠭᠰᠠᠨ ᠦᠰᠢᠶᠡ ᠶᠢ ᠠᠪᠬᠤ ᠪᠠᠷ ᠢᠷᠡᠭᠰᠡᠨ | ᠳᠤ ᠲᠡᠮᠢᠵᠢᠨ ᠪᠣᠷᠬᠠᠨ ᠬᠠᠯᠳᠣᠨᠠ ᠨᠢᠭᠤᠭᠳᠠᠵᠦ᠂ ᠮᠡᠷᠭᠢᠳᠴᠣᠳ ᠪᠣᠷᠬᠠᠨ ᠬᠠᠯᠳᠣᠨ ᠢ ᠭᠤᠷᠪᠠᠨᠳᠠ ᠲᠣᠭᠤᠷᠢᠪᠠᠴᠣ | ᠣᠯᠣᠭᠰᠠᠨ ᠦᠭᠡᠢ᠃ ᠮᠡᠷᠭᠢᠳ ᠤᠳ ᠦᠨᠡᠨ ᠬᠤᠯᠨ ᠶᠠᠪᠣᠭᠰᠠᠨ ᠤ ᠬᠤᠶᠢᠨᠠ ᠲᠡᠮᠦᠵᠢᠨ ᠰᠠᠶ᠋ᠢ ᠪᠣᠷᠬᠠᠨ ᠬᠠᠯᠳᠣᠨ | ᠲᠡᠭᠡᠷᠡ ᠠᠴᠠ ᠪᠠᠭᠤᠵᠦ ᠡᠪᠴᠢᠭᠦᠦ ᠪᠠᠨ ᠲᠡᠯᠡᠳᠴᠦ ᠦᠭᠦᠯᠡᠷᠦᠨ | 《 ᠰᠣᠯᠣᠩᠭᠠ ᠮᠡᠳᠦ ᠰᠣᠨᠣᠰᠬᠤ | ᠰᠣᠨᠣᠷ ᠬᠤᠸᠠᠭᠴᠢᠨ ᠤ ᠠᠴᠢ ᠪᠠᠷ | ᠦᠨᠡ ᠮᠡᠳᠦ ᠦᠵᠡᠬᠦ | ᠡᠬᠡ ᠬᠤᠸᠠᠭᠴᠢᠨ ᠤ ᠲᠣᠰᠨ ᠪᠠᠷ | ᠪᠣᠬᠢᠷᠠ ᠮᠣᠷᠢ ᠣᠨᠣᠵᠦ | ᠪᠣᠭᠤ ᠶᠢᠨ ᠵᠠᠮ ᠢᠶᠠᠷ ᠣᠷᠣᠵᠦ | ᠪᠣᠳᠠ ᠪᠡᠶᠡ ᠪᠠᠷ ᠪᠣᠷᠣᠭᠤᠯᠠᠪᠠ᠃ | ᠪᠣᠷᠭᠠᠰᠣᠨ ᠭᠡᠷ ᠪᠠᠷᠢᠵᠦ | ᠪᠣᠷᠬᠠᠨ ᠬᠠᠯᠳᠣᠨ ᠳᠤ ᠬᠤᠷᠭᠤᠳᠠᠵᠦ | ᠪᠦᠭᠡᠰᠦᠨ ᠲᠡᠳᠦᠢ ᠠᠮᠢ ᠪᠠᠨ | ᠪᠣᠯᠵᠢᠭᠤᠯᠳᠠ ᠠᠪᠣᠷᠠᠪᠠ᠃ | ᠬᠠᠶᠢᠳᠠᠭ ᠮᠣᠷᠢ ᠣᠨᠣᠵᠦ | ᠬᠠᠨᠳᠠᠭᠠᠢ ᠶᠢᠨ ᠮᠦᠷ ᠢᠶᠠᠷ ᠣᠷᠣᠵᠦ | ᠭᠠᠭᠴᠠᠬᠠᠨ ᠠᠮᠢ ᠪᠠᠨ ᠬᠠᠮᠠᠭᠠᠯᠠᠪᠠ᠃ | ᠬᠠᠯᠬᠠᠰᠣᠨ ᠭᠡᠷ ᠪᠠᠷᠢᠵᠦ | ᠬᠠᠯᠳᠣᠨ ᠠᠭᠤᠯᠠᠨ ᠳᠤ ᠨᠢᠭᠤᠭᠳᠠᠵᠦ | ᠬᠠᠷᠢᠶᠠᠭᠴᠠᠢ ᠶᠢᠨ ᠲᠡᠳᠦᠢ ᠠᠮᠢ ᠪᠠᠨ | ᠬᠠᠯᠬᠠᠯᠠᠨ ᠭᠠᠷᠪᠠ᠃ | ᠮᠠᠰᠢ ᠠᠶᠣᠵᠦ | ᠶᠡᠭᠡ ᠰᠠᠨᠳᠣᠷᠪᠠ᠃ | ᠪᠣᠷᠬᠠᠨ ᠬᠠᠯᠳᠣᠨ ᠠᠭᠤᠯᠨ ᠶᠢ | ᠦᠷᠯᠦᠭᠡ ᠪᠦᠷᠢ ᠮᠢᠯᠢᠶᠡᠶᠡ | ᠡᠳᠦᠷ ᠪᠦᠷᠢ ᠦᠴᠢᠶᠡ | ᠦᠶᠡ ᠶᠢᠨ ᠦᠶᠡ ᠳᠡᠭᠡᠨ | ᠦᠨᠢᠳᠡ ᠲᠠᠬᠢᠶᠠ 》 ᠬᠡᠮᠡᠨ ᠪᠦᠰᠡ ᠪᠠᠨ ᠬᠦᠵᠦᠭᠦᠨ ᠳᠡᠭᠡᠨ ᠡᠭᠡᠯᠳᠦᠷᠭᠡᠯᠡᠵᠦ᠂ ᠮᠠᠯᠠᠭᠠᠢ ᠪᠠᠨ | ᠭᠠᠷ ᠲᠠᠭᠠᠨ ᠰᠡᠭᠡᠯᠳᠦᠷᠭᠡᠯᠡᠵᠦ᠂ ᠭᠠᠷ ᠢᠶᠠᠷ ᠢᠶᠠᠨ ᠡᠪᠴᠢᠭᠦᠦ ᠪᠠᠨ ᠲᠠᠷᠣᠵᠦ᠂ ᠨᠠᠷᠠᠨ ᠦᠭᠡᠳᠡ ᠬᠠᠨᠳᠣᠨ | ᠰᠦᠭᠦᠳᠴᠦ᠂ ᠶᠢᠰᠦᠨᠳᠡ ᠮᠦᠷᠭᠦᠵᠦ᠂ ᠰᠡᠷᠵᠢᠮ ᠡᠷᠭᠦᠵᠦ᠂ ᠵᠠᠯᠪᠠᠷᠢᠨ ᠲᠠᠭᠠᠳᠬᠠᠪᠠ᠃ ᠶᠣᠸᠠᠨ ᠣᠯᠣᠰ ᠤᠨ ᠦᠶᠡ | ᠳᠤ ᠬᠤᠪᠢᠯᠠᠢ ᠬᠠᠭᠠᠨ ᠴᠠᠭᠠᠵᠠ ᠲᠠᠷᠬᠠᠭᠠᠨ᠂ ᠬᠠᠭᠠᠳ ᠡᠵᠡᠳ ᠪᠠ ᠣᠯᠠᠨ ᠸᠠᠩ ᠨᠠᠷ ᠵᠢᠯ ᠪᠦᠷᠢ ᠡᠷᠬᠡᠪᠰᠢ | ᠠᠭᠤᠯᠨ ᠨᠢᠷᠣᠭᠤ ᠭᠤᠣᠯ ᠮᠦᠷᠡᠨ ᠨᠦᠭᠦᠳ ᠢ ᠲᠠᠬᠢᠬᠤ ᠬᠡᠷᠡᠭᠳᠡᠢ ᠭᠡᠵᠦ ᠲᠣᠭᠳᠠᠭᠠᠭᠰᠠᠨ ᠪᠠᠶᠢᠨᠠ᠃ | 《 ᠲᠠᠶᠢᠴᠢᠩ ᠭᠦᠷᠦᠨ ᠤ ᠴᠢᠬᠤᠯᠨ ᠬᠡᠷᠡᠭ ᠤᠨ ᠵᠢᠱᠢᠶᠡ 》᠂《 ᠬᠠᠷᠢ ᠶᠢ ᠵᠠᠰᠠᠬᠤ ᠶᠠᠮᠣᠨ· | ᠬᠢᠵᠠᠭᠠᠷ ᠢ ᠵᠠᠰᠠᠬᠤᠢ 》 ᠳᠤ ᠲᠡᠮᠳᠡᠭᠯᠡᠭᠰᠡᠨ ᠨᠢ᠄《 ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠬᠤ ᠵᠠᠭᠠᠭ ᠨᠡᠶᠢᠯᠡᠬᠦ ᠭᠠᠵᠠᠷ ᠲᠤ᠂ | ᠠᠭᠤᠯᠨ ᠭᠤᠣᠯ ᠦᠭᠡᠢ ᠪᠦᠭᠡᠳ ᠢᠯᠭᠡᠨ ᠲᠠᠨᠢᠵᠦ ᠴᠢᠳᠠᠬᠤ ᠠᠨᠦ᠂ ᠴᠢᠯᠠᠭᠤ ᠪᠠᠷ ᠲᠡᠮᠳᠡᠭ ᠪᠣᠯᠭᠠᠭᠰᠠᠨ ᠤ ᠣᠴᠢᠷ | ᠪᠣᠯᠠᠢ᠂ ᠨᠡᠷᠡ ᠶᠢ ︿ᠣᠪᠣᠭᠠ﹀ ᠬᠡᠮᠡᠮᠣᠢ 》 ᠭᠡᠰᠡᠨ ᠪᠠᠶᠢᠳᠠᠭ᠃ | ᠣᠪᠣᠭᠠ ᠨᠢ ᠬᠠᠮᠤᠭ ᠠᠩᠬᠠᠨ ᠳᠤ ᠪᠠᠨ ᠵᠠᠮ ᠪᠠ ᠬᠢᠯᠢ ᠵᠠᠭᠠᠭ ᠤᠨ ᠲᠡᠮᠳᠡᠭ ᠪᠠᠶᠢᠵᠦ᠂ ᠵᠠᠮ ᠵᠢᠭᠠᠬᠤ | ᠂ ᠵᠦᠭ ᠴᠢᠭ ᠢᠯᠭᠠᠬᠤ ᠪᠠ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠬᠢᠯᠢ ᠵᠠᠭᠠᠭ ᠤᠨ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠵᠠᠢ᠃ ᠬᠦᠮᠦᠰ ᠬᠤᠯᠨ | ᠠᠶᠠᠨ ᠳᠤ ᠮᠣᠷᠳᠠᠬᠤ ᠳᠠᠭᠠᠨ ᠣᠪᠣᠭᠠ ᠶᠢᠨ ᠬᠠᠵᠠᠭᠤ ᠪᠠᠷ ᠦᠩᠭᠡᠷᠡᠬᠦ ᠪᠦᠷᠢ ᠮᠣᠷᠢᠨ ᠠᠴᠠ ᠪᠠᠨ ᠪᠠᠭᠤᠵᠦ | ᠣᠪᠣᠭᠠ ᠵᠦᠭ ᠬᠠᠨᠳᠣᠨ ᠮᠦᠷᠭᠦᠵᠦ ᠠᠮᠣᠷ ᠲᠠᠶᠢᠪᠣᠩ ᠪᠠᠶᠢᠬᠤ ᠶᠢ ᠲᠠᠭᠠᠳᠬᠠᠨ ᠵᠠᠯᠪᠠᠷᠢᠳᠠᠭ᠃ ᠪᠠᠰᠠ ᠣᠪᠣᠭᠠ | ᠲᠡᠭᠡᠷᠡ ᠴᠢᠯᠠᠭᠤ ᠪᠣᠶᠣ ᠰᠢᠷᠣᠢ ᠨᠡᠮᠡᠭᠡᠳ ᠰᠠᠶ᠋ᠢ ᠮᠣᠷᠳᠠᠳᠠᠭ᠃ ᠵᠢᠯ ᠪᠦᠷᠢ ᠨᠢᠭᠡ ᠣᠳᠠᠭᠠ ᠣᠪᠣᠭᠠᠨ ᠲᠠᠬᠢᠯᠭᠠ | ᠶᠢᠨ ᠴᠢᠭᠤᠯᠭᠠᠨ ᠴᠢᠭᠤᠯᠳᠠᠭ ᠵᠠᠩᠰᠢᠯ ᠲᠠᠢ᠂ ᠲᠠᠬᠢᠯᠭᠠ ᠨᠢ ᠶᠡᠷᠦ ᠳᠤ ᠪᠠᠨ ᠪᠢᠯᠢᠭ ᠤᠨ ᠣᠯᠠᠷᠢᠯ ᠤᠨ ᠲᠠᠪᠣᠨ | ᠰᠠᠷᠠ ᠶᠢᠨ ᠲᠣᠮᠳᠠᠴᠢ ᠪᠠᠷ ᠶᠠᠪᠣᠭᠳᠠᠳᠠᠭ ᠪᠠᠶᠢᠵᠠᠢ᠃ | ᠣᠪᠣᠭᠠ ᠪᠠᠷ ᠨᠡᠷᠡᠯᠡᠭᠰᠡᠨ ᠠᠶᠢᠯ᠄ ᠭᠤᠷᠪᠠᠨᠬᠤᠸᠠ ᠰᠢᠶᠠᠩ ᠳᠠᠬᠢ ᠣᠪᠣᠭᠠᠳᠠᠢ᠂ ᠮᠠᠨᠢᠬᠠᠨ ᠰᠢᠶᠠᠩ | ᠳᠠᠬᠢ ᠣᠪᠣᠭᠠᠳᠣ᠂ ᠨᠦᠬᠡᠳᠦ ᠰᠢᠶᠠᠩ ᠳᠠᠬᠢ ᠣᠪᠣᠭᠠ᠂ ᠰᠢᠶ᠋ᠨ ᠸᠠ ᠪᠠᠯᠭᠠᠰᠣ ᠳᠠᠬᠢ ᠣᠪᠣᠭᠠᠳᠣ᠂ ᠪᠡᠶᠢᠰᠡ ᠶᠢᠨ | ᠬᠤᠷᠢᠶᠠ ᠪᠠᠯᠭᠠᠰᠣ ᠳᠠᠬᠢ ᠣᠪᠣᠭᠠ᠂ ᠣᠣᠯ ᠤᠨ ᠸᠠᠩ ᠵᠢᠶ᠋ᠨ ᠶᠢᠩᠽᠢ ᠰᠢᠶᠠᠩ ᠳᠠᠬᠢ ᠣᠪᠣᠭᠠ ᠵᠡᠷᠭᠡ᠃ | ᠶᠢᠰᠦ᠂ ᠴᠢᠩ ᠣᠯᠣᠰ ᠤᠨ ᠬᠠᠭᠠᠨ ᠵᠡᠬᠦᠨᠰᠢ ᠴᠠᠭᠳᠠᠨ ᠵᠣᠭᠠᠴᠠᠭᠰᠠᠨ ᠬᠠᠭᠤᠴᠢ ᠦᠯᠡᠳᠡᠭᠳᠡᠯ ᠢᠶᠠᠷ | ᠨᠡᠷᠡᠯᠡᠭᠰᠡᠨ ᠨᠢ | ᠴᠢᠩ ᠣᠯᠣᠰ ᠤᠨ ᠬᠠᠭᠠᠨ ᠬᠡᠳᠦᠨᠳᠡ ᠵᠡᠭᠦᠨᠰᠢ ᠴᠠᠭᠳᠠᠨ ᠪᠠᠶᠢᠴᠠᠭᠠᠵᠠᠢ᠃ ᠠᠦᠬᠠᠨ ᠨᠢ ᠪᠡᠭᠡᠵᠢᠩ | ᠠᠴᠠ ᠱᠧᠩᠵᠢᠩ ︵ᠮᠦᠭᠳᠡᠨ︶ ᠬᠦᠷᠬᠦ ᠵᠠᠮ ᠲᠡᠭᠡᠷᠡ ᠪᠠᠶᠢᠳᠠᠭ ᠪᠣᠯᠬᠤᠷ᠂ ᠪᠡᠭᠡᠵᠢᠩ ᠠᠴᠠ ᠮᠦᠭᠳᠡᠨ ᠬᠦᠷᠬᠦ ᠴᠢᠩ | ᠤᠨ ᠬᠠᠭᠠᠳ ᠣᠯᠠᠩᠭᠢ ᠳᠠᠭᠠᠨ ᠠᠦᠬᠠᠨ ᠢᠶᠠᠷ ᠦᠩᠭᠡᠷᠡᠬᠦ ᠪᠦᠭᠡᠳ ᠠᠦᠬᠠᠨ ᠤ ᠸᠠᠩ ᠤᠨ ᠬᠤᠷᠢᠶᠠ ᠦᠷᠳᠡᠭᠡ ᠪᠠᠷ | ᠪᠠᠭᠤᠳᠠᠯᠯᠠᠳᠠᠭ ᠪᠠᠶᠢᠵᠠᠢ᠃ ᠲᠡᠭᠡᠭᠡᠳ ᠴᠢᠩ ᠣᠯᠣᠰ ᠤᠨ ᠬᠠᠭᠠᠳ ᠣᠨᠶᠠᠪᠣᠭᠰᠠᠨ ᠦᠯᠡᠳᠡᠭᠳᠡᠯ ᠪᠣᠶᠣ ᠦᠯᠢᠭᠡᠷ | ᠲᠣᠮᠤᠭ ᠢᠶᠠᠷ ᠨᠡᠷᠡᠯᠡᠭᠰᠡᠨ ᠠᠶᠢᠯ ᠲᠣᠰᠬᠤᠨ ᠠᠯᠢ ᠣᠯᠠᠨ ᠭᠠᠷᠴᠠᠢ᠃ ᠡᠩᠭᠡ ᠠᠮᠣᠭᠤᠯᠠᠩ᠂ ᠲᠡᠭᠷᠢ ᠲᠡᠳᠭᠦᠭᠴᠢ | ᠬᠤᠶᠠᠷ ᠬᠠᠭᠠᠨ ᠠᠦᠬᠠᠨ ᠢᠶᠠᠷ ᠬᠡᠳᠦᠨᠳᠡ ᠦᠩᠭᠡᠷᠡᠭᠰᠡᠨ ᠪᠣᠯᠬᠤᠷ ᠡᠶᠢᠮᠦᠷᠬᠦᠦ ᠲᠦᠷᠦᠯ ᠤᠨ ᠠᠶᠢᠯ ᠲᠣᠰᠬᠤᠨ ᠤ | ᠣᠯᠠᠩᠭᠢ ᠨᠢ ᠡᠩᠭᠡ ᠠᠮᠣᠭᠤᠯᠠᠩ᠂ ᠲᠡᠭᠷᠢ ᠲᠡᠳᠭᠦᠭᠴᠢ ᠲᠠᠢ ᠬᠤᠯᠪᠣᠭᠳᠠᠯ ᠲᠠᠢ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠄ | ᠬᠠᠰᠢᠶᠠᠳᠣ᠂ ᠲᠠᠪᠢᠨ ᠭᠡᠷ᠂ ᠬᠠᠪᠢᠷᠭᠠ᠂ ᠭᠤᠴᠢᠨ ᠭᠡᠷ ᠭᠡᠬᠦ ᠮᠡᠳᠦ᠃ | ᠠᠷᠪᠠ᠂ ᠸᠠᠩ ᠤᠨ ᠬᠤᠷᠢᠶᠠ ᠶᠢᠨ ᠭᠠᠵᠠᠷ ᠰᠢᠷᠣᠢ ᠠᠭᠤᠯᠨ ᠮᠣᠳᠣ ᠪᠠᠷ ᠨᠡᠷᠡᠯᠡᠭᠰᠡᠨ ᠨᠢ | ᠭᠠᠵᠠᠷ ᠰᠢᠷᠣᠢ ᠠᠭᠤᠯᠨ ᠰᠢᠭᠤᠢ ᠨᠢ ᠦᠩᠭᠡᠷᠡᠭᠰᠡᠨ ᠳᠤ ᠪᠦᠷ ᠠᠦᠬᠠᠨ ᠤ ᠸᠠᠩ ᠭᠦᠩ ᠤᠨ ᠬᠤᠪᠢ | ᠶᠢᠨ ᠡᠵᠡᠮᠰᠢᠯ ᠳᠤ ᠪᠠᠶᠢᠵᠠᠢ ᠡᠭᠦᠨ ᠠᠴᠠ ᠪᠣᠯᠵᠦ ᠪᠣᠢ ᠪᠣᠯᠣᠭᠰᠠᠨ ᠠᠶᠢᠯ ᠲᠣᠰᠬᠤᠨ ᠤ ᠨᠡᠷᠡ ᠨᠢ ᠪᠦᠷ ᠠᠦᠬᠠᠨ | ᠸᠠᠩ ᠤᠨ ᠬᠤᠷᠢᠶᠠ ᠲᠠᠢ ᠬᠤᠯᠪᠣᠭᠳᠠᠯ ᠲᠠᠢ᠄ ᠪᠢᠴᠢᠭᠳᠦ᠂ ᠵᠠᠬᠠ ᠶᠢᠨ ᠭᠠᠳᠠᠨᠠᠬᠢ ᠠᠶᠢᠯ᠂ ᠨᠣᠭᠤᠭᠠ ᠶᠢᠨ ᠬᠠᠰᠢᠶᠠ | ᠂ ᠵᠡᠭᠦᠨ ᠬᠦᠮᠦᠷᠭᠡ᠂ ᠪᠠᠷᠠᠭᠤᠨ ᠬᠦᠮᠦᠷᠭᠡ᠂ ᠸᠠᠩ ᠤᠨ ᠭᠠᠵᠠᠷ᠂ ᠭᠦᠩ ᠤᠨ ᠭᠠᠵᠠᠷ᠂ ᠵᠠᠯᠠᠨ ᠤ ᠭᠠᠵᠠᠷ᠂ ᠮᠣᠷᠢ | ᠰᠢᠯᠭᠠᠬᠤ ᠭᠤᠣ᠂ ᠬᠤᠩ ᠨᠢᠶᠠᠩ ᠭᠸᠦ ᠭᠡᠬᠦ ᠮᠡᠳᠦ᠃ | ᠠᠷᠪᠠᠨ ᠨᠢᠭᠡ᠂ ᠸᠠᠩ ᠨᠣᠶᠠᠨ ᠤ ᠭᠠᠵᠠᠷ ᠰᠢᠷᠣᠢ ᠶᠢ ᠲᠦᠷᠢᠶᠡᠰᠦᠯᠡᠨ ᠲᠠᠷᠢᠳᠠᠭ ᠢᠶᠠᠷ ᠨᠡᠷᠡᠯᠡᠭᠰᠡᠨ ᠨᠢ | ᠴᠢᠩ ᠣᠯᠣᠰ ᠤᠨ ᠡᠩᠭᠡ ᠠᠮᠣᠭᠤᠯᠠᠩ᠂ ᠲᠡᠭᠷᠢ ᠲᠡᠳᠭᠦᠭᠴᠢ ᠠᠴᠠ ᠰᠡᠭᠦᠯᠡᠷ᠂ ᠴᠢᠩ ᠤᠨ ᠲᠦᠷᠦ | ᠨᠢ ᠭᠠᠵᠠᠷ ᠵᠢᠭᠡᠯᠡᠨ ᠢᠷᠭᠡᠨ ᠢ ᠲᠡᠵᠢᠭᠡᠬᠦ ᠪᠠ ᠢᠷᠭᠡᠳ ᠢ ᠨᠡᠭᠦᠯᠭᠡᠨ ᠬᠢᠵᠠᠭᠠᠷ ᠢ ᠲᠦᠭᠦᠷᠭᠡᠬᠦ ᠲᠦᠷᠦ ᠶᠢᠨ | ᠪᠣᠳᠣᠯᠭᠠ ᠶᠢ ᠬᠡᠷᠡᠭᠵᠢᠭᠦᠯᠦᠨ᠂ ᠬᠢᠳᠡᠳ ᠬᠦᠮᠦᠨ ᠸᠠᠩ ᠨᠣᠶᠠᠨ ᠤ ᠭᠠᠵᠠᠷ ᠢ ᠲᠦᠷᠢᠶᠡᠰᠦᠯᠡᠨ ᠲᠠᠷᠢᠵᠦ᠂ ᠠᠶᠢᠯ | ᠲᠣᠰᠬᠤᠨ ᠪᠦᠷᠢᠯᠳᠦᠭᠦᠯᠦᠨ ᠰᠠᠭᠤᠷᠢᠰᠢᠵᠠᠢ᠂ ᠲᠡᠭᠡᠭᠡᠳ ᠪᠠᠰᠠ ᠨᠢᠭᠡᠨ ᠪᠦᠯᠦᠭ ᠲᠦᠷᠢᠶᠡᠰᠦᠯᠡᠬᠦ ᠬᠦᠴᠦ ᠶᠠᠪᠣᠬᠤ | ᠬᠠᠷᠢᠴᠠᠭᠠ ᠶᠢ ᠲᠣᠰᠬᠠᠭᠰᠠᠨ ᠠᠶᠢᠯ ᠲᠣᠰᠬᠤᠨ ᠤ ᠨᠡᠷᠡ ᠪᠣᠢ ᠪᠣᠯᠵᠠᠢ᠄ ᠠᠷᠪᠠᠨ ᠬᠤᠶᠠᠷ ᠪᠦᠯᠦᠭ ︵ᠱᠣᠸᠠᠩ ᠵᠢᠩ | ᠲᠣᠰᠬᠤᠨ ᠤ ᠬᠠᠭᠤᠴᠢᠨ ᠨᠡᠷᠡᠶᠢᠳᠦᠯ︶᠂ ᠠᠷᠪᠠᠨ ᠶᠡᠭᠡ ᠬᠤᠪᠢᠳᠦ᠂ ᠵᠢᠦ ᠯᠦᠩ ᠳ᠋ᠦᠨ᠂ ᠯᠠᠨᠳᠣᠣ ᠶᠢᠩᠽᠢ ︵ | ᠲᠠᠭᠠᠭᠠᠴᠢᠯᠠᠭᠴᠢ︶᠂ ᠬᠠᠪᠰᠣᠷᠤᠭᠠ ᠵᠠᠷᠣᠴᠠ ᠶᠢᠨ ᠭᠠᠵᠠᠷ ᠭᠡᠬᠦ ᠮᠡᠳᠦ᠃ | ᠲᠡᠭᠡᠷᠡᠬᠢ ᠲᠠᠶᠢᠯᠪᠣᠷᠢᠯᠠᠯᠳᠠ ᠳᠤ ᠡᠪ ᠬᠠᠪᠤ ᠦᠭᠡᠢ ᠵᠦᠢᠯ ᠪᠠᠶᠢᠪᠠᠯ ᠵᠢᠭᠠᠨ ᠵᠠᠯᠠᠷᠠᠭᠤᠯᠵᠦ ᠦᠭᠬᠦ ᠶᠢ | ᠴᠢᠩ ᠰᠡᠳᠬᠢᠯ ᠠᠴᠠ ᠪᠠᠨ ᠬᠦᠰᠡᠵᠦ ᠪᠠᠶᠢᠨᠠ᠃ | | ᠵᠣᠬᠢᠶᠠᠭᠴᠢ᠄ ᠪᠣᠣ ᠶᠨ ᠵᠢᠶᠦ᠋ᠨ ︵ᠠᠥᠬᠠᠨ ᠬᠤᠰᠢᠭᠤᠨ ᠤ ᠦᠨᠳᠦᠰᠦᠳᠡᠨ ᠱᠠᠰᠢᠨ ᠰᠣᠷᠳᠠᠬᠤᠨ ᠤ ᠲᠣᠪᠴᠢᠶᠠ︶ | |