ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠰᠣᠶᠣᠯ ᠡᠷᠳᠡᠨᠢ
ᠦᠢᠯᠡᠴᠢᠯᠡᠭᠡ ᠲᠤᠰᠠᠯᠠᠮᠵᠢ
ᠰᠦᠯᠵᠢᠶᠡᠨ ᠤ ᠲᠤᠬᠠᠢ
ᠤᠷᠠᠨ ᠠᠷᠭ᠎ᠠ ᠪᠠᠷ ᠰᠢᠨᠤᠬᠠᠢ ᠠᠷᠠᠯᠵᠢᠶᠠᠴᠢᠨ ᠢ ᠰᠢᠢᠳᠬᠡᠭᠰᠡᠨ ᠨᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2022/11/24
     ᠡᠷᠲᠡ ᠤᠷᠢᠳᠦ ᠶᠢᠨ ᠦᠶ᠎ᠡ ᠳᠤ ᠪᠠᠯᠭᠠᠨᠰᠠᠩ ᠭᠡᠭᠴᠢ ᠬᠦᠮᠦᠨ ᠲᠤᠰᠬᠠᠶᠢᠯᠠᠨ ᠬᠤᠪᠳᠤᠭ ᠨᠤᠶᠠᠨ᠂ ᠰᠢᠨᠤᠬᠠᠢ ᠠᠷᠠᠯᠵᠢᠶᠠᠴᠢᠨ᠂ ᠵᠠᠯᠢᠬᠠᠢ ᠬᠦᠮᠦᠰ ᠢ ᠭᠠᠷᠲᠠᠭᠠᠨ ᠰᠢᠢᠳᠬᠡᠳᠡᠭ ᠢᠶᠠᠷ ᠢᠶᠠᠨ ᠲᠡᠳᠡᠨᠤᠰ ᠪᠦᠷ ᠰᠦᠰᠦ ᠪᠠᠨ ᠬᠡᠮᠬᠡᠷᠡᠲᠡᠯ᠎ᠡ ᠠᠶᠤᠵᠤ ᠳᠠᠭᠵᠢᠳᠠᠭ ᠪᠠᠶᠢᠪᠠ ᠭᠡᠨ᠎ᠡ᠃ ᠲᠡᠷᠡ ᠦᠶᠡᠰ ᠲᠤ ᠮᠤᠩᠭᠤᠯ ᠨᠤᠲᠤᠭ ᠢᠶᠠᠷ ᠢᠷᠡᠵᠦ ᠡᠳ᠋ ᠪᠠᠷᠠᠭ᠎ᠠ ᠪᠤᠷᠤᠯᠠᠭᠤᠯᠳᠠᠭ ᠨᠢᠭᠡᠨ ᠫᠠᠨ ᠣᠪᠣᠭ ᠲᠠᠢ ᠠᠷᠠᠯᠵᠢᠶᠠᠴᠢᠨ ᠪᠠᠶᠢᠵᠠᠢ᠃ ᠡᠨᠡ ᠬᠦᠮᠦᠨ ᠪᠤᠯ ᠵᠢᠰᠦᠷ ᠵᠠᠯᠢᠬᠠᠢ᠂ ᠬᠤᠶᠢᠬᠤᠷ ᠬᠤᠯᠵᠢᠨ ᠪᠤᠯᠬᠤᠷ ᠬᠦᠮᠦᠰ ᠪᠦᠷ ︽ᠫᠠᠨ ᠰᠠᠷᠢᠭᠠᠴᠢᠨ︾ ᠭᠡᠳᠡᠭ ᠭᠡᠨ᠎ᠡ᠃ ᠫᠠᠨ ᠰᠠᠷᠢᠭᠠᠴᠢᠨ ᠶᠡᠷᠦ ᠨᠢ ᠮᠤᠩᠭᠤᠯ ᠤᠷᠤᠨ ᠢᠶᠠᠷ ᠶᠠᠪᠤᠵᠤ ᠮᠠᠯᠴᠢᠳ ᠤᠨ ᠮᠠᠯ ᠠᠬᠤᠢ᠂ ᠡᠳ᠋ ᠮᠦᠩᠭᠦ ᠶᠢ ᠨᠢᠭᠤᠷ ᠨᠢᠳᠦ ᠦᠭᠡᠢ ᠬᠤᠨᠵᠢᠵᠤ ᠮᠡᠬᠡᠯᠡᠳᠡᠭ ᠢᠶᠠᠷ ᠬᠦᠮᠦᠰ ᠲᠡᠭᠦᠨ ᠳᠤ ᠲᠦᠢᠯ ᠢᠶᠠᠷ ᠬᠤᠷᠤᠰᠳᠠᠭ᠃ ᠫᠠᠨ ᠰᠠᠷᠢᠭᠠᠴᠢᠨ ᠬᠡᠳᠦ᠋ᠢᠪᠡᠷ ᠪᠠᠯᠭᠠᠨᠰᠠᠩ ᠠᠴᠠ ᠠᠶᠤᠨ ᠳᠤᠲᠠᠭᠠᠳᠠᠭ ᠴᠦ ᠤᠯᠵᠠ ᠠᠰᠢᠭ ᠤᠯᠬᠤ ᠶᠢᠨ ᠲᠦᠯᠦᠭᠡ ᠮᠤᠩᠭᠤᠯ ᠨᠤᠲᠤᠭ ᠵᠦᠭ ᠭᠦᠶᠦᠬᠦ ᠪᠠᠨ ᠵᠤᠭᠰᠤᠳᠠᠭ ᠦᠭᠡᠢ ᠠᠵᠢ᠃ ᠮᠢᠨᠤ ᠠᠷᠠᠯᠵᠢᠶ᠎ᠠ ᠬᠡᠵᠢᠶᠡᠳᠡ ᠪᠠᠨ ᠪᠡᠨ᠎ᠡ ᠪᠠᠨ ᠠᠯᠳᠠᠬᠤ ᠶᠤᠰᠤ ᠦᠭᠡᠢ᠂ ᠪᠢ ᠨᠢᠳᠦ ᠪᠠᠨ ᠠᠨᠢᠭᠰᠠᠨ ᠴᠦ ᠪᠠᠯᠭᠠᠨᠰᠠᠩ ᠤᠨ ᠶᠠᠭᠤ ᠪᠤᠳᠤᠵᠤ ᠪᠠᠶᠢᠬᠤ ᠶᠢ ᠮᠡᠳᠡᠴᠢᠭᠡᠨ᠎ᠡ᠂ ᠲᠠᠨᠤᠰ ᠲᠡᠭᠦᠨ ᠠᠴᠠ ᠠᠶᠤᠭᠰᠠᠨ ᠤ ᠬᠡᠷᠡᠭ ᠦᠭᠡᠢ ᠭᠡᠵᠦ ᠶᠠᠷᠢᠵᠦ ᠶᠠᠪᠤᠳᠠᠭ ᠭᠡᠨ᠎ᠡ᠃     ᠨᠢᠭᠡᠨ ᠡᠳᠦᠷ ᠪᠤᠯᠵᠤᠭ᠎ᠠ ᠲᠠᠢ ᠶᠤᠮ ᠰᠢᠭ᠋ ᠪᠠᠯᠭᠠᠨᠰᠠᠩ ᠲᠠᠢ ᠶᠠᠪ ᠴᠠᠪ ᠬᠠᠷᠭᠤᠪᠠ᠃ ᠪᠠᠯᠭᠠᠨᠰᠠᠩ᠂ ᠫᠠᠨ ᠠᠷᠠᠯᠵᠢᠶᠠᠴᠢᠨ ᠤ ᠡᠮᠦᠨ᠎ᠡ ᠵᠤᠭᠰᠤᠭᠠᠳ᠄ ᠨᠠᠮ᠎ᠠ ᠶᠢ ᠪᠠᠯᠭᠠᠨᠰᠠᠩ ᠭᠡᠳᠡᠭ᠂ ᠴᠢ ᠠᠶᠤᠬᠤ ᠦᠭᠡᠢ ᠪᠤᠯ ᠬᠦᠯᠢᠶᠡᠵᠦ ᠪᠠᠢ᠂ ᠪᠢ ᠪᠠᠭ᠎ᠠ ᠰᠠᠭ᠎ᠠ ᠤᠴᠢᠷ ᠶᠠᠪᠤᠳᠠᠯ ᠢᠶᠠᠨ ᠳᠠᠭᠤᠰᠬᠠᠭᠠᠳ ᠢᠷᠡᠶ᠎ᠡ᠂ ᠲᠡᠭᠡᠭᠡᠳ ᠬᠡᠨ ᠨᠢ ᠬᠡᠴᠡᠭᠦᠦ ᠪᠠᠨ ᠢᠯᠭᠠᠷᠠᠭᠤᠯᠤᠶ᠎ᠠ ᠭᠡᠪᠡ᠃ ᠫᠠᠨ ᠠᠷᠠᠯᠵᠢᠶᠠᠴᠢᠨ ᠡᠭᠦᠨ ᠢ ᠰᠣᠨᠣᠰᠣᠭᠠᠳ ᠳᠤᠲᠤᠷ᠎ᠠ ᠨᠢ ᠲᠦᠭ ᠲᠠᠭ ᠪᠤᠯᠪᠠ᠃ ᠭᠡᠪᠡᠴᠦ ᠠᠵᠢᠭ ᠦᠭᠡᠢ ᠳᠦᠷᠢᠯᠡᠨ ᠲᠤᠯᠤᠭᠠᠢ ᠳᠤᠬᠢᠨ ᠵᠦᠪᠰᠢᠶᠡᠷᠡᠪᠡ᠃ ᠫᠠᠨ ᠠᠷᠠᠯᠵᠢᠶᠠᠴᠢᠨ ᠨᠢᠭᠡ ᠡᠳᠦᠷ ᠰᠦᠨᠢ ᠬᠦᠯᠢᠶᠡᠨ ᠵᠤᠭᠰᠤᠪᠠ᠃ ᠰᠦᠨᠢ ᠨᠢ ᠠᠭᠠᠲᠠᠷ ᠪᠤᠷᠤᠭᠠᠨ ᠤᠷᠤᠵᠤ᠂ ᠫᠠᠨ ᠠᠷᠠᠯᠵᠢᠶᠠᠴᠢᠨ ᠱᠠᠯ ᠨᠤᠷᠴᠤ ᠪᠠᠶᠢᠳᠠᠭ ᠡᠳ᠋ ᠨᠢ ᠳᠡᠪᠲᠦᠵᠦ᠂ ᠳᠠᠭᠠᠷᠠᠬᠤ ᠳᠤ ᠪᠠᠨ ᠪᠦᠬᠦ ᠪᠡᠶ᠎ᠡ ᠨᠢ ᠴᠡᠴᠡᠷᠬᠢᠯᠡᠵᠦ ᠪᠠᠶᠢᠠᠠᠰᠡᠨ ᠴᠦ ᠪᠠᠯᠭᠠᠨᠰᠠᠩ ᠤᠨ ᠪᠠᠷ᠎ᠠ ᠬᠠᠷᠠᠭᠳᠠᠭᠰᠠᠨ ᠦᠭᠡᠢ᠃ ᠢᠩᠭᠢᠭᠡᠳ ᠰᠠᠶ᠋ᠢ ᠪᠠᠯᠭᠠᠨᠰᠠᠩ ᠳᠤ ᠱᠣᠤᠯᠠᠭᠳᠠᠭᠰᠠᠨ ᠢᠶᠠᠨ ᠮᠡᠳᠡᠵᠦ᠂ ᠮᠠᠰᠢ ᠤᠷᠮ᠎ᠠ ᠦᠭᠡᠢ ᠪᠤᠴᠠᠨ ᠢᠷᠡᠪᠡ᠃     ᠪᠤᠷᠤᠭᠠᠨ ᠶᠠᠪᠤᠬᠤ ᠳᠤᠲᠤᠮ ᠶᠡᠬᠡᠳᠴᠦ᠂ ᠬᠤᠪᠴᠠᠰᠤ ᠬᠤᠨᠠᠷ ᠨᠢ ᠱᠠᠯ ᠲᠡᠪᠲᠦᠵᠦ᠂ ᠬᠤᠨᠤᠬᠤ ᠭᠠᠵᠠᠷ ᠴᠦ ᠤᠯᠤᠭᠰᠠᠨ ᠦᠭᠡᠢ ᠮᠦᠷᠲᠡᠭᠡᠨ ᠪᠦᠬᠦᠯᠢ ᠰᠦᠨᠢ ᠡᠳᠦᠷ ᠬᠡᠯᠡᠨ ᠳᠡᠭᠡᠷ᠎ᠡ ᠪᠠᠨ ᠶᠠᠭᠤᠮ᠎ᠠ ᠲᠠᠯᠪᠢᠭᠰᠠᠨ ᠦᠭᠡᠢ ᠠᠴᠠ ᠬᠤᠶᠠᠷ ᠨᠢᠳᠦ ᠨᠢ ᠬᠠᠷᠠᠯᠠᠨ ᠪᠦᠬᠦ ᠪᠡᠶ᠎ᠡ ᠨᠢ ᠲᠡᠩᠬᠡᠭᠡ ᠲᠠᠮᠢᠷ ᠰᠤᠯᠠᠷᠠᠪᠠ᠃ ᠦᠷᠭᠡᠨ ᠠᠭᠤᠳᠠᠮ ᠨᠤᠲᠤᠭ ᠭᠡᠭᠴᠢ ᠵᠠᠭᠤᠨ ᠭᠠᠵᠠᠷ ᠤᠨ ᠳᠤᠲᠤᠷ᠎ᠠ ᠬᠦᠮᠦᠨ ᠤ ᠪᠠᠷ᠎ᠠ ᠦᠵᠡᠭᠳᠡᠬᠦ ᠦᠭᠡᠢ᠂ ᠡᠨᠡ ᠦᠶ᠎ᠡ ᠳᠤ ᠫᠠᠨ ᠠᠷᠠᠯᠵᠢᠶᠠᠴᠢᠨ ᠬᠦᠮᠦᠨ ᠲᠠᠢ ᠤᠯᠵᠤ ᠠᠭᠤᠯᠵᠠᠪᠠᠯ ᠬᠡᠴᠢᠨᠡᠭᠡᠨ ᠰᠠᠶᠢᠨ ᠪᠢᠯᠡ ᠭᠡᠵᠦ ᠳᠤᠲᠤᠷ᠎ᠠ ᠪᠠᠨ ᠪᠤᠳᠤᠪᠠ᠃     ᠲᠡᠭᠦᠨ ᠤ ᠨᠢᠳᠦᠨ ᠳᠤ ᠦᠨᠡᠬᠡᠷ ᠨᠢᠭᠡᠨ ᠬᠦᠮᠦᠨ ᠤ ᠪᠠᠷ᠎ᠠ ᠬᠠᠷᠠᠭᠳᠠᠪᠠ᠃ ︽ᠦᠬᠦᠬᠦ ᠦᠭᠡᠢ ᠬᠦᠮᠦᠨ ᠳᠤ ᠲᠡᠭᠷᠢ ᠲᠤᠰᠠᠯᠠᠨ᠎ᠠ︾ ᠭᠡᠵᠦ ᠫᠠᠨ ᠠᠷᠠᠯᠵᠢᠶᠠᠴᠢᠨ ᠶᠡᠬᠡᠲᠡ ᠪᠠᠶᠠᠷᠯᠠᠪᠠ᠃ ᠴᠢᠳᠠᠯ ᠬᠦᠴᠦᠨ ᠮᠡᠬᠦᠰᠳᠡᠭᠰᠡᠨ ᠫᠠᠨ ᠠᠷᠠᠯᠵᠢᠶᠠᠴᠢᠨ ᠭᠠᠷ ᠢᠶᠠᠷ ᠢᠶᠠᠨ ᠳᠠᠯᠯᠠᠪᠠᠯ ᠲᠡᠷᠡ ᠬᠦᠮᠦᠨ ᠴᠦ ᠡᠰᠡᠷᠭᠦ ᠠᠴᠠ ᠨᠢ ᠭᠠᠷ ᠡᠷᠭᠢᠭᠦᠯᠦᠨ ᠶᠠᠪᠤᠨ᠎ᠠ᠃ ᠫᠠᠨ ᠠᠷᠠᠯᠵᠢᠶᠠᠴᠢᠨ ᠶᠠᠭᠠᠷᠡᠤ ᠲᠡᠷᠭᠡ ᠪᠠᠨ ᠭᠡᠯᠢᠭᠰᠡᠭᠡᠷ ᠤᠷᠤᠭᠰᠢ ᠪᠠᠨ ᠳᠠᠪᠬᠢᠪᠠ᠃ ᠬᠦᠷᠦᠭᠡᠳ ᠦᠵᠡᠭᠰᠡᠨ ᠴᠢᠨᠢ ᠲᠠᠨᠢᠯ ᠪᠤᠰᠤ ᠬᠦᠮᠦᠨ ᠬᠠᠷᠢᠨ ᠰᠢᠪᠠᠷ ᠤᠨ ᠨᠦᠬᠡᠨ ᠠᠴᠠ ᠮᠤᠷᠢᠨ ᠰᠡᠭᠦᠯ ᠲᠠᠲᠠᠨ ᠵᠤᠭᠰᠤᠵᠤ ᠪᠠᠶᠢᠪᠠ᠃ᠫᠠᠨ ᠠᠷᠠᠯᠵᠢᠶᠠᠴᠢᠨ ᠳᠣᠤᠭᠠᠷᠬᠤ ᠠᠴᠠ ᠡᠮᠦᠨ᠎ᠡ ᠲᠡᠷᠡ ᠬᠦᠮᠦᠨ ᠵᠠᠪᠳᠤᠵᠤ᠄    ᠮᠢᠨᠤ ᠡᠨᠡ ᠮᠤᠷᠢ ᠲᠤᠰᠬᠠᠶᠢᠯᠠᠨ ᠭᠠᠵᠠᠷ ᠳᠣᠤᠭᠤᠷ ᠳᠠᠪᠬᠢᠳᠠᠭ᠃ ᠶᠠᠪᠤᠭᠤᠯᠬᠤ ᠦᠭᠡᠢ ᠭᠡᠵᠦ ᠬᠦᠴᠦᠯᠡᠭᠰᠡᠨ ᠴᠤ ᠬᠠᠰᠢ ᠯᠡ ᠭᠠᠵᠠᠷ ᠳᠣᠤᠭᠤᠷ ᠰᠢᠷᠭᠤᠴᠢᠬᠠᠯ᠎ᠠ᠃ ᠬᠡᠨ ᠴᠦ ᠭᠠᠷᠭᠠᠵᠤ ᠳᠡᠶᠢᠯᠬᠦ ᠦᠭᠡᠢ︕ ᠭᠡᠬᠦ ᠳᠤ ᠫᠠᠨ ᠠᠷᠠᠯᠵᠢᠶᠠᠴᠢᠨ ᠤ ᠨᠢᠳᠦ ᠨᠢ ᠭᠡᠷᠡᠯᠲᠦᠵᠦ᠄ ᠴᠢᠩᠭᠢᠭᠡᠳ ᠶᠠᠭᠠᠬᠢᠳᠠᠭ ᠪᠢᠯᠡ︖ ᠰᠠᠶᠢᠨ ᠮᠤᠷᠢ ᠰᠢᠳᠡ︕ ᠭᠡᠬᠦ ᠳᠤ ᠦᠨᠦ ᠬᠦᠮᠦᠨ᠄ ᠦᠭᠡᠷ᠎ᠡ ᠶᠠᠭᠤ ᠴᠦ ᠭᠠᠷᠭᠠᠵᠦ ᠴᠢᠳᠠᠬᠤ ᠦᠭᠡᠢ ᠶᠤᠮ᠃ ᠭᠠᠭᠴᠠ ᠁ ᠭᠡᠲᠡᠯ᠎ᠡ ᠫᠠᠨ ᠠᠷᠠᠯᠵᠢᠶᠠᠴᠢᠨ᠄ ᠶᠠᠭᠤ ᠪᠠᠷ ᠭᠠᠷᠭᠠᠵᠤ ᠴᠢᠳᠠᠬᠤ ᠪᠤᠢ︖ ᠲᠡᠭᠦᠨ ᠢ ᠨᠢ ᠦᠵᠡᠭᠰᠡᠨ ᠪᠤᠯ︖ ᠭᠡᠬᠦ ᠳᠤ᠄ ᠮᠢᠨᠤ ᠬᠤᠪᠢᠯᠭᠠᠨ ᠲᠠᠰᠢᠭᠤᠷ ᠯᠡ ᠲᠡᠭᠦᠨ ᠢ ᠬᠦᠭᠡᠭᠡᠵᠦ ᠭᠠᠷᠭᠠᠵᠦ ᠴᠢᠳᠠᠨ᠎ᠠ ᠭᠡᠪᠡᠯ ᠫᠠᠨ ᠠᠷᠠᠯᠵᠢᠶᠠᠴᠢᠨ᠄ ᠪᠤᠰᠢᠭᠤ ᠠᠪᠤᠭᠠᠳ ᠢᠷ᠎ᠡ︕ ᠪᠢ ᠪᠠᠰᠠ ᠦᠵᠡᠶ᠎ᠡ ᠭᠡᠪᠡ᠃    ᠵᠠ᠂ ᠴᠢ ᠢᠷᠡᠭᠡᠳ ᠮᠤᠷᠢᠨ ᠰᠡᠭᠦᠯ ᠠᠴᠠ ᠲᠠᠲᠠᠵᠤ ᠪᠠᠢ᠂ ᠪᠢ ᠭᠡᠷ ᠲᠤ ᠪᠠᠨ ᠬᠠᠷᠢᠭᠠᠳ ᠲᠠᠰᠢᠭᠤᠷ ᠢᠶᠠᠨ ᠠᠪᠤᠭᠠᠳ ᠢᠷᠡᠶ᠎ᠡ᠂ ᠪᠢᠲᠡᠭᠡᠢ ᠲᠤᠲᠤᠭᠰᠢ ᠪᠠᠨ ᠰᠢᠷᠭᠤᠭᠤᠯᠴᠢᠬ᠎ᠠ︕ ᠭᠡᠬᠦ ᠳᠤ ᠫᠠᠨ ᠠᠷᠠᠯᠵᠢᠶᠠᠴᠢᠨ᠄ ᠪᠤᠯᠤᠨ᠎ᠠ᠂ ᠪᠤᠯᠤᠨ᠎ᠠ᠂ ᠪᠢ ᠪᠠᠰᠠ ᠲᠠᠰᠢᠭᠤᠷ ᠢ ᠴᠢᠨᠢ ᠦᠵᠡᠶ᠎ᠡ ᠭᠡᠨ᠎ᠠ᠃ ᠲᠡᠷᠡ ᠬᠦᠮᠦᠨ᠄ ᠵᠠ᠂ ᠪᠢ ᠲᠠᠰᠢᠭᠤᠷ ᠢᠶᠠᠨ ᠠᠪᠬᠤ ᠪᠠᠷ ᠶᠠᠪᠤᠶ᠎ᠠ᠂ ᠮᠤᠷᠢ ᠪᠠᠨ ᠭᠠᠷᠭᠠᠵᠤ ᠠᠪᠤᠭᠠᠳ ᠬᠤᠶᠠᠭᠤᠯᠠ ᠪᠠᠨ ᠬᠠᠮᠲᠤ ᠶᠠᠪᠤᠶ᠎ᠠ ᠭᠡᠪᠡ᠃ ᠫᠠᠨ ᠠᠷᠠᠯᠵᠢᠶᠠᠴᠢᠨ ᠮᠤᠷᠢᠨ ᠰᠡᠭᠦᠯ ᠠᠴᠠ ᠪᠠᠷᠢᠵᠤ ᠵᠤᠭᠰᠤᠪᠠ᠃ ᠲᠡᠷᠡ ᠬᠦᠮᠦᠨ ᠮᠤᠷᠢᠨ ᠳᠤ ᠨᠢ ᠮᠤᠷᠳᠠᠭᠠᠳ ᠵᠤᠤᠮᠠᠯᠵᠠᠨ ᠢᠨᠢᠶᠡᠭᠰᠡᠭᠡᠷ᠄ ᠫᠠᠨ ᠠᠷᠠᠯᠵᠢᠶᠠᠴᠢᠨ ᠡ᠂ ᠴᠢ ᠶᠡᠷᠦ ᠨᠢ ᠪᠠᠯᠭᠠᠨᠰᠠᠩ ᠨᠠᠮ᠎ᠠ ᠶᠢ ᠪᠤᠳᠤᠵᠤ ᠤᠯᠤᠭᠰᠠᠨ ᠦᠭᠡᠢ ᠪᠠ︖ ᠭᠡᠵᠦ ᠵᠤᠤᠮᠠᠯᠵᠠᠨ ᠢᠨᠢᠶᠡᠬᠦ ᠳᠤ ᠫᠠᠨ ᠠᠷᠠᠯᠵᠢᠶᠠᠴᠢᠨ ᠴᠡᠭᠡᠵᠢ ᠪᠠᠨ ᠳᠡᠯᠪᠡᠷᠡᠲᠡᠯ᠎ᠡ ᠠᠭᠤᠷᠯᠠᠵᠤ᠂ ᠮᠤᠷᠢᠨ ᠰᠡᠭᠦᠯ ᠢ ᠬᠦᠴᠦᠲᠡᠢ ᠲᠠᠲᠠᠭᠰᠠᠨ ᠴᠢᠨᠢ ᠶᠠᠭᠤᠨ ᠤ ᠬᠢᠨᠢ ᠮᠤᠷᠢ ᠪᠤᠢ᠂ ᠬᠠᠷᠢᠨ ᠮᠤᠷᠢᠨ ᠰᠡᠭᠦᠯ ᠯᠡ ᠪᠠᠶᠢᠵᠠᠢ᠃ᠪᠠᠯᠭᠠᠨᠰᠠᠩ ᠮᠤᠷᠢ ᠶᠢ ᠨᠢ ᠤᠨᠤᠵᠤ᠂ ᠮᠡᠬᠡᠯᠡᠵᠦ ᠤᠯᠤᠭᠰᠠᠨ ᠮᠦᠩᠭᠦ ᠶᠢ ᠨᠢ ᠠᠪᠤᠭᠠᠳ ᠶᠠᠪᠤᠪᠠ᠃ ᠫᠠᠨ ᠠᠷᠠᠯᠵᠢᠶᠠᠴᠢᠨ ᠨᠡᠬᠡᠶ᠎ᠡ ᠭᠡᠬᠦ ᠳᠤ ᠨᠡᠬᠡᠵᠦ ᠳᠡᠶᠢᠯᠬᠦ ᠦᠭᠡᠢ᠂ ᠠᠷᠭ᠎ᠠ ᠪᠤᠰᠤ ᠲᠡᠷᠭᠡ ᠪᠠᠨ ᠭᠡᠯᠢᠵᠦ ᠲᠡᠮᠦᠷ ᠲᠤᠭᠤᠭ᠎ᠠ ᠪᠠᠨ ᠴᠢᠷᠦᠭᠡᠳ ᠬᠠᠷᠢᠵᠠᠢ᠃ ᠰᠢᠷ᠎ᠠ ᠪᠦᠷᠦᠢ ᠪᠤᠯᠬᠤ ᠳᠤ᠂ ᠪᠤᠷᠤᠭᠠᠨ ᠤᠯᠠᠮ ᠢᠶᠠᠷ ᠶᠡᠬᠡᠳᠴᠦ ᠡᠭᠡᠷᠡᠮ᠎ᠡ ᠲᠠᠯ᠎ᠠ ᠳᠡᠭᠡᠷ᠎ᠡ ᠳᠠᠯᠳᠠᠯᠠᠬᠤ ᠭᠠᠵᠠᠷ ᠭᠡᠵᠦ ᠶᠠᠭ ᠪᠠᠶᠢᠬᠤ ᠦᠭᠡᠢ᠂ ᠠᠷᠭ᠎ᠠ ᠮᠤᠬᠤᠷᠳᠠᠭᠰᠠᠨ ᠫᠠᠨ ᠠᠷᠠᠯᠵᠢᠶᠠᠴᠢᠨ ᠲᠡᠮᠦᠷ ᠲᠤᠭᠤᠭ᠎ᠠ ᠪᠠᠨ ᠡᠷᠭᠦᠭᠡᠳ ᠪᠤᠷᠤᠭᠠᠨ ᠳᠠᠯᠳᠠᠯᠠᠵᠦ ᠪᠠᠶᠢᠪᠠ᠃    ᠡᠨᠡ ᠦᠶ᠎ᠡ ᠳᠤ ᠰᠠᠨᠠᠮᠰᠠᠷ ᠦᠭᠡᠢ ᠪᠠᠯᠭᠠᠨᠰᠠᠩ ᠠᠷᠤ ᠠᠴᠠ ᠨᠢ ᠤᠶᠢᠷᠠᠲᠤᠨ ᠢᠷᠡᠭᠡᠳ ᠯᠠᠭᠰᠢᠭᠤᠨ ᠳᠠᠭᠤᠨ ᠢᠶᠠᠷ᠄ ᠬᠦᠶ᠋ᠢ᠂ ᠫᠠᠨ ᠠᠷᠠᠯᠵᠢᠶᠠᠴᠢᠨ ᠡ᠂ ᠪᠠᠯᠭᠠᠨᠰᠠᠩ ᠢᠷᠡᠯ᠎ᠡ︕ ᠭᠡᠵᠦ ᠬᠠᠰᠭᠢᠷᠪᠠ᠃ ᠡᠭᠦᠨ ᠢ ᠰᠣᠨᠣᠰᠣᠭᠰᠠᠨ ᠫᠠᠨ ᠠᠷᠠᠯᠵᠢᠶᠠᠴᠢᠨ ᠤ ᠰᠦᠨᠡᠰᠦ ᠨᠢ ᠤᠷᠤᠢ ᠪᠠᠷ ᠨᠢ ᠭᠠᠷᠴᠤ᠂ ᠪᠦᠬᠦ ᠪᠡᠶ᠎ᠡ ᠨᠢ ᠳᠠᠭᠵᠢᠨ ᠴᠡᠴᠡᠷᠬᠢᠯᠡᠭᠡᠳ᠄ ᠠᠶ᠎ᠠ᠂ ᠮᠦᠮᠦ ᠡ︕ ᠭᠡᠵᠦ ᠠᠷᠤᠨᠰᠢ ᠬᠠᠷᠠᠵᠦ ᠦᠵᠡᠬᠦ ᠭᠡᠳ ᠲᠡᠮᠦᠷ ᠲᠤᠭᠤᠭ᠎ᠠ ᠳᠤ ᠪᠠᠨ ᠳᠠᠷᠤᠭᠳᠠᠨ ᠮᠡᠳᠡᠭᠡ ᠰᠡᠭᠡᠭᠡ ᠦᠭᠡᠢ ᠪᠤᠯᠪᠠ ᠭᠡᠨ᠎ᠡ᠃
  
ᠢᠷᠡᠯᠲᠡ᠄ ᠤᠯᠠᠭᠠᠨᠬᠠᠳᠠ ᠮᠤᠩᠭᠤᠯ ᠰᠦᠯᠵᠢᠶ᠎ᠠ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
︽ᠤᠯᠤᠰ ᠤᠨ ᠡᠬᠡ ᠵᠦᠡᠭ ᠮᠤ᠋ ᠶᠠᠨ︾ ᠭᠡᠳᠡᠭ ᠬᠤᠭᠤᠷ ᠤᠨ ᠦᠯᠢᠭᠡᠷ
ᠣᠲᠣ ᠠᠴᠠ ᠲᠦᠮᠡᠨ ᠵᠢᠯ ᠤᠨ ᠡᠮᠦᠨᠡᠬᠢ — ᠰᠢᠶᠣᠣ ᠾᠧ ᠰᠢ  ᠶᠢᠨ ᠰᠣᠶᠤᠯ ᠤᠨ ᠬᠠᠭᠤᠴᠢᠳ
ᠶᠠᠬᠡ ᠮᠣᠩᠭᠤᠯ ᠤᠯᠣᠰ
ᠠᠤᠬᠠᠨ ᠣᠮᠪᠣᠯ ᠨᠣᠶᠠᠨ ᠠᠨᠳᠠ ᠠᠶᠤᠰᠢ ᠶᠢᠨ ᠦᠷ᠎ᠡ ᠬᠤᠶᠢᠴᠢᠰ ᠪᠠ ᠠᠶᠢᠮᠠᠭ ᠤᠨ ᠨᠡᠷ᠎ᠡ ᠳᠠᠭᠤᠳᠠᠯᠭ᠎ᠠ ᠁
ᠲᠡᠮᠤᠵᠢᠨ ᠤ ᠤᠪᠤᠭ ᠢᠵᠠᠭᠤᠷ ᠤᠨ ᠲᠤᠬᠠᠢ
2014-2015 © ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备12002332号